TRANSPORTE ESCOLAR

A consecuencia dos novos contratos de transporte público de Galicia, catro das cinco rutas do transporte escolar que afectan ao noso centro pasan a ser atendidas a través do servizo de transporte integrado. A empresa adxudicataria que se fai cargo da súa prestación é UTE XG-883.

Aínda que as paradas e os horarios son os mesmos, pode consultalos no documento adxunto. 

PREMIO PARA O CLUB DA IGUALDADE

Este sábado 19 de decembro tivo lugar en Pontevedra o acto de entrega dos IV Premios Xuventude da Deputación de Pontevedra, convocatoria na que o IES Auga da Laxe resultou gañador do 1º premio na modalidade de Educación en valores polo proxecto do Club da Igualdade, desenvolvido no curso 2019-2020. O galardón, dotado con 2.000 euros e unha peza escultórica realizada pola Escola de Cantería de Poio-Pontevedra, recoñece as actividades desenvolvidas o curso pasado baixo o lema "No IES Auga da Laxe respectamos a diversidade e traballamos pola igualdade", nas que participou profesorado, alumnado e tamén moitas familias e que tiveron como acto central a proposta "Imos de voda!", celebrada no instituto o 14 de febreiro e que contou coa colaboración da ANPA. Desde o instituto queremos agradecerlle á Deputación de Pontevedra este recoñecemento e transmitirlle tamén os nosos parabéns ao IES Illa de Ons, de Bueu, e ao IES Antón Alonso Ríos, de Tomiño, gañadores do 2º e do 3º premio respectivamente.

ENSINANZAS COFINANCIADAS POLO FONDO FONDO SOCIAL EUROPEO

As ensinanzas de PMAR e a Iniciativa ARCO están cofinanciadas polo Fondo Social Europeo

DEMANDAS DO CLAUSTRO PARA O CURSO 2020-2021

En reunión extaordinaria do 3 de xullo, o claustro do IES Auga da Laxe aprobou enviar á Consellería de Educación o escrito que figura no arquivo adxunto.

Distribuir contido