Taller de Creación Artística

"Dairas" en EstradaTelevisión

Enviado por webmaster o 1 Marzo, 2010 - 13:57

Emisión do xoves 25 de febreiro de 2010 en EstradaTelevisión.

 

Rolda de prensa de "Dairas"

Enviado por webmaster o 26 Febreiro, 2010 - 11:35
Onte xoves día 25 de febreiro, na sala de Xuntas do Concello da Estrada, tivo lugar unha rolda de prensa para dar a coñecer os avances no traballo que está a levar a cabo o equipo de "Dairas", a curtametraxe de animación do Taller de Creación Artística do MGB.

Hoxe saen na prensa varios artigos. Podes lelos dende aquí:

O Concello concede unha axuda económica para Dairas

Enviado por webmaster o 29 Xaneiro, 2010 - 13:20
Trala entrevista mantida o pasado mércores 27 de xaneiro polos responsables do Taller de Creación Artística do MGB e a dirección do Centro, o Concello da Estrada vén de conceder unha axuda económica que se traducirá en clases de formación sobre animación stop motion para os membros que integran o equipo de Dairas, impartidas pola productora Mr. Misto films.
»

Charla didáctica sobre animación "Stop motion"

Enviado por webmaster o 21 Xaneiro, 2010 - 22:49

O pasado mércores recibimos a visita de Jose Miguel, do departamento de Formación da Productora Mr. Misto Films.

Grazas as súas explicacións, os integrantes do Proxecto "Dairas", a curta de animación que prepara o Taller de Creación Artística do MGB, puidemos adentrarnos nos segredos da técnica de animación coñecida como stop motion, e visualizar algúns dos vídeos dos pioneiros do xénero, como Ray Harryhausen.

 

A Historia de Luis. Curtas de animación no MGB.

Enviado por webmaster o 14 Xaneiro, 2010 - 22:26

Nas vacacións de Nadal os alumnos que participan en "Dairas", a curtametraxe de animación que está preparando o Taller de Expresión artística do MGB, realizaron unha serie de ensaios e probas con programa MovieMaker, de cara á montaxe final da nosa curta.

Así Abel Carbajal presentou "Érase unha vez Rodolfo", Marta Rodríguez "Parchís" e Ariadna Silva "A Historia de Luis". 

Aquí tedes unha mostra. Pode que falten medios técnicos, pero sobra imaxinación e talento...

 

"Dairas" na TVG

Enviado por webmaster o 31 Outubro, 2009 - 21:56

Este é o resultado da visita da TVG ao MGB, emitido o sábado 31 de outubro.

 

Nace un novo blog no Planeta MGB: "Dairas"

Enviado por webmaster o 29 Outubro, 2009 - 19:47

Hoxe, co motivo da visita da TVG ao MGB para interesarse polo novo proxecto do Taller de Creación Artística, "Dairas", aproveitamos para dar a coñecer á Comunidade Educativa o nacemento dun novo blog dentro do Planeta MGB.

O seu enderezo http://dairasmgb.blogspot.com, e estas as súas intencións:

"Dairas" pretende unha reflexión á realidade de miles de persoas que padecen as consecuencias das guerras, das disputas do territorio.... Miles de nenos viven ao limite cada día coa esperanza de poder cambiar o seu destino. Este traballo debe ser quen de transmitirnos a crúa realidade de un campamento de refuxiados, guiados por unha personaxe principal, Ahmed, coa ilusión e convencemento de que é posible unha situación mellor. As ferramentas a utilizar son a fotografía, modelado de plastilina, música...ero o máis importante, a mellor ferramenta coa que contaremos, será o factor humano, a ilusión e dedicación dos nosos alumnos e alumnas.

pd: estade atent@s a TVG na fin de semana, de 12 a 14 horas, o sábado ou o domingo saímos na tele!!  

 

Dairas, novo proxecto do Taller de Creación Artística do MGB

Enviado por webmaster o 22 Outubro, 2009 - 12:13

Onte presentouse á prensa o novo proxecto do Taller de Expresión artística do MGB, "Dairas", unha curtametraxe de animación sobre a vida nos campamentos de refuxiados saharauis. Neste novo proxecto están implicados os profesores Miguel Carbajal, Xoán Xosé Pérez, María Varela e Álvaro P. Vilariño. Con eles traballarán uns 20 alumnos e alumnos de ESO e Bacharelato.

Podedes ler as reseñas completas aparecidas no Faro de Vigo e na Voz de Galicia.

Imaxe: Campamentos de refuxiados saharahuis, Tinduf, Arxelia, 2006. Fotografía de Santiago Berges

3833378527_c4e36f66d0.jpg
Distribuir contido