O alumnado do 2º de Bacharelato do IES de Chapela coñeceu onte as cualificacións da convocatoria ordinaria da ABAU, na que máis do 95% dos presentados lograron superar a proba. Parabéns a todas e todos por este resultado, e ao profesorado polo seu labor preparatorio ao longo de todo o curso!
|
|||
O pasado 14 de xuño o grupo de alumnos e alumnas de 3ºESO participante no “Online Exchange”, celebrou a última xuntanza deste curso 22-23. A conversa cos nosos socios, o alumnado do Instituto portugués Rocha Peixoto, en Póvoa de Varzim, foi fluída e distendida, xa que era o seu último día do curso escolar. A charla tratou sobre os plans para o verán e as súas impresións sobre o curso recén rematado. A experiencia foi valorada moi positivamente tanto polo alumnado como polo profesorado, polo que intentaremos mantela para o vindeiro ano.
|
|||
O IES de Chapela convoca a toda a comunidade educativa a unha concentración o venres 16 de xuño ás 11:30 horas no centro en protesta ante a decisión unilateral da Consellería de Educación de modificar a oferta de ciclos de FP para o vindeiro curso 2023/24. A nova oferta suprime os ciclos superiores de Dietética e Educación Infantil do réxime de persoas adultas na modalidade presencial para implantalos a distancia. Desde o centro non entendemos este cambio, xa que os ciclos presenciais contaban cunha gran demanda ano tras ano e o IES de Chapela era o centro público de referencia na comarca onde poder cursalos.
|
|||
A continuación podedes desfrutar das doce obras de teatro radiofónico elaboradas polo alumnado de 1º ESO ao longo deste curso 22-23 na materia de Proxecto competencial.
|
|||||||||||||||||||||||||||
|
|||
O alumnado de ciclos que se matricule o vindeiro curso en 2º de Ordinario ou unicamente en FCT / Proxecto (Ordinario ou Modular) debe formalizar a matrícula de forma directa na secretaría do centro (sen facer admisión vía telemática). Para isto, establécense uns períodos escalonados de matrícula que haberá que respectar. Tedes a información sobre estes prazos e a documentación a presentar nas seguintes ligazóns:
|
|||
A continuación podedes desfrutar das oito obras de teatro radiofónico elaboradas polo alumnado de 3º ESO ao longo deste curso 22-23 na materia de Proxecto competencial. Xunto ao audio de cada peza incorporamos a ficha técnica cos nomes dos alumnos e alumnas que escribiron os guións, o reparto vocal, música e efectos empregados, e unha pequeña sinopse da obra.
|
|||||||||||||||||||
O IES de Chapela está incluído no proxecto de educación dixital (Edixgal) en todos os cursos da ESO, polo que o alumnado do IES de Chapela non pode participar no fondo solidario de libros de texto e das axudas para adquirir libros de texto. Non obstante, si que poderá solicitar a axuda para adquirir material escolar (cheque de 60 € ou 75 €, dependendo da renda per cápita familiar) cando reúnan os requisitos establecidos na Orde do 10 de maio de 2023.
O prazo de solicitude é do 20 de maio do 2023 ata o 21 de xuño de 2023, ambos incluídos.
Información resumida da Orde do 10 de maio de 2023 - IES de Chapela
Enlace con máis información á paxina da consellería
Enlace á aplicación para descargar os formularios
Enlace á sede electrónica para presentar solicitudes por este procedemento
|
|||
|
|||
|
|||
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »