Blogues

O profesor Sergio Álvarez xa ultimou o programa do III Ciclo de concertos IES Auga da Laxe a celebrar en 2019. Non os perdas, é un programón. O primeiro será un dos últimos concertos de 'Es Un Árbol" non seu Pause Tour.

O próximo xoves 29 de novembro terá lugar durante o recreo a segunda actividade de dinamización poética que organiza o departamento de Lingua Castelá e Literatura no patio interior do instituto co obxectivo de achegar a poesía ao alumnado. Nesta ocasión será unha performance poético-teatral sobre o machismo, na que van participar dez alumnos e alumnas de 4º de ESO e de 1º e 2º de Bacharelato.

No IES Auga da Laxe facemos unha homenaxe a vítimas da violencia machista cunha actividade realizada polo alumnado da materia de Igualdade de Xénero. Noventa globos adicado a cada unha das persoas que xa non están, as oficiais, as non oficiais, a todas.

Hoxe, no recreo, no patio interior unha representación do Iberconsa Amfiv Vigo fixo unha abraiante demostración de baloncesto en cadeira de rodas. Estiveron connosco Franco Alessandrini (Arxentina), Salvador Zavala (México), Louis Hardouin (Francia) e Przemek Bonio (Polonia) e mais Nacho, o seu coordinador.