Do 23 de novembro ao 20 de decembro terá lugar no noso instituto o obradoiro Youtubers polo cambio social, realizado por AGARESO (Asociación Galega de Reporteiros Solidarios) en colaboración coa ACPP (Asemblea de Cooperación pola Paz).

Dentro das actividades celebradas no IES do Milladoiro para conmemorar o 25 de novembro, Día internacional para a non violencia contra a muller, o venres 23 tivo lugar un Obradoiro de igualdade e convivencia positiva promovido polo CIM do Concello de Ames.

 O venres 2 de novembro recibimos no centro a visita do alumnado de cinco anos da escola EEI do Milladoiro. Cada parelliña de infantil foi acollida  por unha parella TEI (Titoría entre iguais) do noso centro, formada por alumnado titor de 3º de ESO e alumnado titorizado de 1º de ESO.

Da man do proxecto Aleida - Conecta e de IGASEX3 comenza en novembro o  "Obradoiro de igualdade e bos tratos" que se desenvolverá ao longo do mes nas horas de titoría de 2º ESO.

Xornada festiva do alumnado de 4º ESO D, gañadores da III Olimpíada da Convivencia do IES do Milladoiro. V. fotos.

O venres 15 de xuño presentamos ao público o vídeo A rede do IES do Milladoiro. Foi  realizado ao longo deste curso por alumnado voluntario de 2º de ESO, nun obradoiro de AGARESO (Asociación Galega de Reporteiros Solidarios),  froito da súa colaboración coa ACPP Galicia e o noso centro. Queremos agradecer a Antonio Grunfeld e a María Aneiros o esforzo e a ilusión postos neste proxecto. Velaquí o resultado.

O xoves 7 de xuño recibimos ao alumnado que fará 1º de ESO o vindeiro curso. Os seus futuros titores do programa de Titoría entre iguais, que actualmente cursan 2º de ESO, foron os encargados de acollelos e de amosarlles as instalacións: laboratorios, ximnasio, patios, biblioteca, etc.

Enquisa sobre as titorías.

Enquisa sobre o programa TEI.

Enquisa sobre as titorías.

Enquisa sobre as titorías

Enquisa sobre o programa TEI

Enquisa sobre as titorías

Enquisa sobre as titorías.

Enquisa sobre as titorías.

Enquisa sobre o programa TEI.

Enquisa sobre as titorías de 2º ESO

Enquisa para a titoría

Enquisa sobre o programa TEI

O luns 21 de maio, ás 18:30 horas, as familias do alumnado de 1º de ESO  están convocadas a unha reunión sobre orientación académica e profesional coa orientadora do centro, M.ª Victoria Fernández, e a xefa de estudos, Paula López. Terá lugar no Salón de Actos do centro. Ás 19.00 están convocadas as familias do alumnado de 2º de ESO.  Máis información aquí.

   O venres 11/5/2018 estivemos, en representación do centro, acompañando o noso alumnado no acto oficial de entrega de premios ó que se refire esta nova. Alí gabouse o esforzo do alumnado e recoñeceuse o traballo de centros coma o noso a prol de todos os alumnos e alumnas, incluídos aqueles con algunha necesidade específica.

Organizada polo Departamento de Orientación e dentro do Plan Director da Xunta de Galicia, o  mércores 9 de abril tivemos a visita da  Garda Civil para dar unha charla sobre os riscos das redes sociais e as novas tecnoloxías.

Á aula de 4º ESO D acudiron dous conferenciantes moi especiais: os nosos exalumnos Saúl Agulleiro e Ian Alonso, que remataron 4º ESO o pasado curso. Explicaron como tomaron a decisión de estudar un Grao Medio, como realizaron a matrícula e que atoparon ao empezar os seus estudos. Compartiron unha experiencia de primeira man que resultou de sumo interese para o alumnado de 4º.

 O martes 8 de maio, ás 18:15 horas,  as familias do alumnado de 3º ESO están convocadas a unha reunión sobre orientación académica e profesional coa orientadora do centro, M.ª Victoria Fernández, e a xefa de estudos , Paula López. Terá lugar no Salón de Actos do centro.

Restantes cursos: consultar calendario aquí.

O martes 24 de abril terán lugar as primeiras reunións de orientación académica e profesional entre a orientadora do centro, M.ª Victoria Fernández, a xefa de estudos , Paula López, e as familias do alumnado, co seguinte horario:

18: 15 = 1º BACHARELATO

19: 00 = 4º ESO

Restantes cursos: consultar calendario aquí.

O alumnado de 1º de ESO participará, a partir do 18 de abril, nun obradoiro sobre o bo uso das novas tecnoloxías. Será dirixido pola ONG Igaxes, en catro sesións que terán lugar nas horas de titoría de cada grupo.

O n.º 70 da Revista Galega de Educación, publicado en marzo, dedícase á aprendizaxe por proxectos e ao carácter formativo da acción titorial. Recolle o caso do noso centro no artigo "Convivencia e saúde en rede: a experiencia do IES do Milladoiro."

O nº 70 da Revista Galega de Educación, publicado en marzo, adícase á aprendizaxe por proxectos e ao carácter formativo da acción titorial. Recolle o caso do noso centro no artigo "Convivencia e saúde en rede: a experiencia do IES do Milladoiro."

Entre o 11 e o 17 de abril os alumnos de 4º de ESO participarán no obradoiro "Círculo de homes" impartido por José Expósito, axente de igualdade de oportunidades.

O 12 de marzo finalizaron as actividades de rodaxe dun documental sobre a Rede do IES do Milladoiro levadas a cabo por AGARESO (Asociación Galega de Reporteiros Solidarios) en colaboración coa ACPP. O noso equipo de gravación de 2º de ESO pasouno moi ben e aprendeu moito. Estamos desexando ver o resultado do seu esforzo!

O IES do Milladoiro, en colaboración co Concello de Ames, vai desenvolver neste curso un programa de prevención de condutas adictivas en 1º de Bacharelato.

Convócase as familias do alumnado de 1º de Bacharelato a dúas reunións informativas no Salón de actos do IES do Milladoiro:

• 1ª reunión, previa ao traballo co alumnado: martes, 13 de marzo, ás 18:30. 
  
• 2ª reunión, posterior ao traballo co alumnado: martes, 2 de abril, ás 18:30.
  

A partir do xoves 22 de febreiro, o alumnado de 3º de ESO participará nas horas de titoría no obradorio "Sexualidade e relacións coercitivas" impartido por IGASEX3.