A prensa fíxose eco do éxito acadado pola alumna Rocío Mato Búa logo de conseguir estar entre os 20 mellores expedientes académicos galegos da ESO:

• Nova na Voz de Galicia.
• Nova no Faro de Vigo. 

NORABOA POLO SEU ÉXITO E ESFORZO!!

O Consello Escolar reúnese en sesión ordinaria o martes 9 de febreiro de 2010, ás 18:15 horas.

A sala de exposicións de Caixanova na Estrada acollerá do día 3 ao 21 de febreiro a exposición fotográfica Arqueoloxía en clave de xénero, organizada pola Fundación Atapuerca en colaboración coas concellarías estradenses de Cultura e Igualdade.

Máis información neste artigo da Voz de Galicia.

Case 50 alumnos (15 equipos) do García Barros están inscritos para participar, a vindeira semana, no Concurso de Cultura Clásica ODISEA 2010, organizado pola sección galega da Sociedade Española de Estudios Clásicos, SEECGalicia.

O certame consiste nunha serie de preguntas que os equipos, de ata 3 membros, deberán responder directamente dende a web do concurso o luns, martes, mércores e xoves próximos. Participan nel case 50 centros de toda Galicia, cuns 700 alumnos en total. Os gañadores en Galicia competirán co equipo gañador da Comunidade Valenciana, nunha segunda fase a nivel Estatal. 

Os nosos alumnos estarán dirixidos polos profesores Esther Barroso e Álvaro P. Vilariño. dende os  departamentos de Latín e Grego. Moita sorte a todos!

Convócase ao Consello Escolar, en reunión extraordinaria, para o xoves 28 de xaneiro de 2010.

No día de onte, xoves 21, o 75% do profesorado do noso instituto secundou a folga convocada  pola plataforma "Queremos Galego" e diversos sindicatos.

O martes 26 de xaneiro, o alumnado que cursa francés nos cursos de 2º, 3º e 4º da ESO e 1º e 2º de BAC, acoderá á representación teatral da obra de Moliere: "Le medicin malgré lui" no Colexio LaSalle de Santiago de Compostela. Ás dúas últimas horas da mañá terán clase normal.

O vindeiro luns 25 de xaneiro o alumnado de 2º de Bacharelato que cursa as materias de Arte e Xeografía e Historia de Galicia realizará pola mañá as seguintes visitas:

• "Miradas. Cara ao paraíso. Un diálogo coa arte galega e a vangarda"  (Fundación CaixaGalicia de Santiago de Compostela).
• Obras de restauración do Pórtico da Gloria e as cubertas da Catedral de Santiago.

Pola súa banda, o alumnado de Tecnoloxía Industrial I (1º BAC A) realizará unha visita guiada ás instalacións da factoría madeireira FINSA.

O pasado mércores recibimos a visita de Jose Miguel, do departamento de Formación da Productora Mr. Misto Films.

Grazas as súas explicacións, os integrantes do Proxecto "Dairas", a curta de animación que prepara o Taller de Creación Artística do MGB, puidemos adentrarnos nos segredos da técnica de animación coñecida como stop motion, e visualizar algúns dos vídeos dos pioneiros do xénero, como Ray Harryhausen.

Poñemos en coñecemento de toda a comunidade educativa a celebración dunha misa de funeral, o próximo sábado 16 de xaneiro, ás sete e media da tarde, na igrexa parroquial de A Estrada, por Beatriz Martínez Millarengo, que foi profesora do centro de Ed. Primaria Pérez Viondi e do Instituto Manuel García Barros.

Resolución do 11 de xaneiro de 2010, da Dirección Xeral de Educación, Formación Profesional e Innovación Educativa, pola que se convocan de xeito ordinario probas de acceso a ciclos formativos de grao medio e de grao superior de formación profesional.