Los alumnos del 1ºESO del IES Laxeiro han realizado un documental sobre  magia y  neurociencia donde muestran  cómo nuestro cerebro nos engaña a través de la visión y los tipos de ceguera que explican distintos trucos de magia; además incluye una interesante relación entre visión y Literatura.

Ver el vídeo >>

O venres 25 de maio celebráronse as finais do concurso de Cifras e Letras que organizaron os departamentos de Matemáticas dos dous Institutos de Lalín, “Ramón Mª Aller” e “Laxeiro”. Houbo dúas finais, unha para 1º e 2º de ESO e outra para 3º e 4º de ESO.

Á final de 1º e 2º de ESO, que se celebrou no salón de actos do IES “Ramón Mª Aller”, chegaron os catro equipos gañadores das finais por cursos que se celebraron nos seus respectivos centros. Nela participaron os alumnos:  

1º ESO IES “LAXEIRO: JACOBO JORGE HERMIDA / JUAN MANUEL PÉREZ PEDROUZO

1ºESO IES “RAMÓN Mª ALLER”: RUBÉN FERREIRO ARIAS / RUBÉN NOGUEIRA TABOADA

 2º ESO IES “LAXEIRO:  XABIER GARCÍA ANDRADE / ADRIÁN OURO MIGUÉLEZ

2º  ESO “RAMÓN Mª ALLER”:  DANIEL CAGIDE RIVAS /  SANTIAGO BUJÁN FERREIRA

 Á final de 3º e 4º de ESO, que se celebrou no salón de actos do IES “Laxeiro”, chegaron os catro equipos gañadores das finais por cursos que se celebraron nos seus respectivos centros. Nela participaron os alumnos e alumnas:  

3º ESO IES “LAXEIRO:   BELÉN FERNÁNDEZ LÓPEZ  / NOELIA FERNÁNDEZ VÁZQUEZ

3º ESO “RAMÓN Mª ALLER”: GABRIEL VÁZQUEZ FREIJEIRO / BRAIS PARDO AREÁN

4º ESO IES “LAXEIRO:  MARCOS OTERO VÁZQUEZ/ JUAN CARLOS ORO VIDAL 

4º  ESO “RAMÓN Mª ALLER”:  BRYAN TREJOS RESTREPO /  NICOLÁS VARELA GARCÍA

As finais estiveron moi competidas, na de 1º e 2º resolveuse na última rolda e na de 3º e 4º tivo que recurrirse a unha rolda adicional de cifras para resolver o empate entre o 2º e 3º clasifcado.

Gañaros as respectivas finais os alumnos de 1ºESO B do IES “Laxeiro”: JACOBO JORGE HERMIDA  e  JUAN MANUEL PÉREZ PEDROUZO e as alumnas de 3ºESO B do IES “Laxeiro”: BELÉN FERNÁNDEZ LÓPEZ  e  NOELIA FERNÁNDEZ VÁZQUEZ

Todos os alumnos participantes recibiron agasallos e camisetas deseñadas expresamente para esta final.

O pasado xoves, día 24 de maio de 2012, un grupo de oito alumnos/as de 1º de Bacharelato científico-técnico do IES Laxeiro, estivo presente na Xuntanza de alumando da Axenda 21 Escolar Galega (A21EG) do curso 2011/2012.

Esta Xuntanza celebrouse no Pazo da Cultura de Pontevedra, e nela o alumnado é o protagonista expoñendo os traballos que realizaron ao longo deste curso dentro da A21EG.

O alumnado do IES Laxeiro fixo unha presentación sobre "Os incendios forestais na nosa Terra". Nesta amosáronse os efectos desta lacra que se ceba cada ano cos nosos montes, e a grande pasividade de todo un pobo ante algo moi anormal que xa se ve como normal.

Como remate a esta Xuntanza houbo unha feira de troco, onde o alumnado tivo a oportunidade de cambiar obxectos que trouxo da casa por outros de compañeiros dos distintos centros de ensino participantes.

O martes, día 8 de maio de 2012 o xornalista e divulgador científico Emilio Varela, estivo no IES Laxeiro impartindo unha charla sobre o vulcanismo. A charla titulouse ¡Xénese: Un mundo en actividade!, e nela este divulgador científico de orixe galego pero afincado en Cataluña estívonos falando dos volcáns, esas poderosas forzas da Natureza que tanto nos fascinan e atemorizan ao mesmo tempo.

Emilio Varela achegounos a catro grandes áreas dominadas no pasado ou no presente por poderosos volcáns, que deixaron nalgúns casos e están deixando noutros a súa forte pegada. Estas zonas son os campos volcánicos da zona de Olot en Cataluña, a zona do Teide en Tenerife (Illas Canarias), a zona do Vesubio en Italia e a zona volcánica do deserto de Atacama entre Chile e Arxentina. Coas súas explicacións deixoulle ao alumnado de 1º de bacharelato unha grande inquietude por ir ver estas zonas, e saber máis sobre os volcáns e a influencia que sempre tiveron nas poboacións que vivían preto deles.

Nova edición, estreamos novo número, o número 9 da nosa revista escolar "Kcharela"

aquí tendes a edición dixital:

Premede na ligazón --->>> https://sites.google.com/site/kcharela9

BloGalízate! Este é o ´slogan´ a prol do Galego dende o IES Laxeiro de Lalín. Dende o principio deste curso, estivemos comprobando como moitos alumnos traballaron a prol do Galego  e das TIC´... agora e cando anunciamos: 

         Xa temos os nosos tres primeiros gañadores do I Concurso de Blog´s en galego!

1º premio: eoquepensoeninguenovaicambiar.blogspot.com ---->> Mónica Jacobo Torres (4º ESO )

2º premio: maiscercadacompeticion.blogspot.com ---->> Iván Álvarez Portela (4º ESO )

aínda que estes foron os tres mellores, tamén chegaron a ser finalistas...

odiariodenayara.wordpress.com/ ---> Jasmín ( 4º ESO )

unsorrisonanenez.wordpress.com/ ---> Ana Belén ( 1º BAC )

lugaresfermosos.wordpress.com/ ---> Antía ( 1º BAC )

un saúdo, e vémonos para a entrega de premios!

Os alumnos e alumnas  de 4º ESO e 1º Bacharelato do IES Laxeiro de Lalín acadaron o segundo premio no IV Concurso Galego de Robótica.

Celebrando o Ano Galego da Tecnoloxía 2012, o Instituto Galego de Ciencia IGACIENCIA organizou a actividade "A Maxia da Robótica". Realizouse durante os días do 16 ao 20 de abril en Lugo. Nesta actividade pretendeuse achegar aos nosos alumnos e alumnas o campo da robótica e aproveitar a súa "maxia" para promover a cultura científica na nosa sociedade galega. 

O día 23  de abril celebramos  o Día Internacional do Libro no Laxeiro.

Os monitores  de 3º y 4º Diversificación que se encargaron dos obradoiros coa axuda das profesoras Ester González y Sara Castro.

O pasado luns, día 16 de abril de 2012 o alumnado de 3º de ESO do IES Laxeiro acompañados de tres profesores realizaron unha visita didáctica aos museos Aquarium e DOMUS de A Coruña. Nesta visita tiveron ocasión de ver de cerca a fauna do noso litoral e o reparto de comida ás focas e aos peixes da sala Nautilus (un dos acuarios máis grandes de España). Asemade realizaron actividades interactivas sobre os ecosistemas mariños o que lles serviu de complemento ás explicacións das clases.

Na DOMUS viron unha película en 3D sobre a necesidade que temos todos de coidar o medio ambiente e loitar contra o cambio climático, realizaron actividades sobre a estrutura e o funcionamento dos distintos aparatos e sistemas do corpo humano, e finalmente tiveron ocasión de ver a disección dun corazón de porco seguido da explicación do funcionamento do mesmo a cargo dunha monitora do museo.

O pasado xoves, día 12 de abril de 2012,  alumnado de 1º de bacharelato da materia de Ciencias para o Mundo Contemporáneo acompañados de tres profesores, realizaron unha visita didáctica á Central térmica de MEIRAMA e ao Complexo Medioambiental de SOGAMA no Concello de Cerceda.