Con data de 25 de xuño de 2021 recíbese comunicación escrita de que queda ratificada a continuidade do "Selo de Vida Saudable", dado que o xurado considera que se seguen a cumprir no IES do Milladoiro as condicións e requisitos que deron lugar á súa concesión. |
|||
Neste último trimestre a rapazada do ENDLG de 1º e 2º ESO estiveron a ensaiar e gravar contos infantís. Para que? Pois para compensar que non puidemos ir coma outros anos á EEI do Milladoiro, por mor da pandemia. Daquela, mandáronllelos en audio, seguindo as súas peticións e aínda lles gravaron algún máis de agasallo. Escoitádeos que vos van gustar!
|
|||
No último episodio do programa de Diego Madarnás "Entrevistas con Diego" remata cunha entrevista á compañeira Lucía Sobrado, á que tamén entrevistou no primeiro episodio do seu programa. Esta vez falou con ela sobre o proxecto que levou a cabo para combater a pobreza menstrual, un proxecto solidario realizado en colaboración coa fundación FABRE.
|
|||
Publicación que xorde como resultado dun proxecto educativo realizado co alumnado e vinculado a un Plan Proxecta realizado no centro durante o curso 2020-2021. O proxecto pretende pór en valor o patrimonio material e inmaterial da nosa contorna. |
|||
Nós queremos igualdade, composta e interpretada polos Pitifláuticos (Lorena, Noelia, Ana, Nacho, Matías, Aldán, Alberto, Álex, Iria e Uxía, alumnas e alumnos de 2º ESO D e 2º ESO E) vén de gañar o premio á regueifa máis diversa na categoría escolar. Por outra banda, o dúo Rimas coma balas, formado por Inés e Adrián (2º ESO F), resultaron agraciados co premio á reguifa máis reivindicativa por Exprésate rimando. Moitos parabéns aos afortunados! Neste enlace podedes acceder a toda a información sobre a convocatoria e, como non, a todas as demais regueifas premiadas. |
|||
Onte, 21 de xuño, o noso IES celebrou a Festa da música. Trátase dunha festa na que os músicos tocan gratuitamente en espazos diversos e nos que non é habitual a interpretación musical: rúas, parques públicos, hospitais, museos... O departamento de Música quixo sumarse a esta iniciativa coa organización de concertos na biblioteca durante os dous recreos, concertos nos que se puxo de manifesto que contamos con grandes artistas entre o alumnado. |
|||
Vida infinita, creada e interpretada por Mary Iglesias Bermúdez, resultou gañadora no XLII Certame "Terra Chá" de creación infantil e xuvenil organizado pola asociación Xermolos de Guitiriz. Os premios entregaranse na XLII edición do Festival de Pardiñas, que se celebrará o 28 de agosto ás 19h no Campo da Feira de Guitiriz. Parabéns! |
|||
O concurso convocouno a Sociedade Galega para a Promoción da Estatística e da Investigación Operativa (SGAPEIO) coa colaboración da Facultade de Matemáticas e o Instituto de Matemáticas da USC, a Consellería de Cultura, Educación e Universidade, o Instituto Galego de Estadística e Gadis. |
|||
Onte, 9 de xuño, os grupos de 1º ESO F e 1º ESO G tiveron a sorte de asistir a un relatorio sobre a xeoloxía galega a cargo de Joaquín Rubal, xeógrafo e guía oficial de turismo de Galicia. A actividade foi organizada polo Departamento de Bioloxía e Xeoloxía. |
|||
As bibliotecas dos centros públicos de Ames elaboraron un ano máis a Guía de lecturas recomendadas para o verán, guía que agora se pon á disponsición da nosa comunidade educativa a través deste enlace. |
|||
Ruído. Relatos de guerra de Miguel Anxo Murado é o libro do que falou Lucía Sobrado nesta nova entrega. |
|||
Lucía Sobrado, alumna de 4º ESO B, levou a cabo un proxecto solidario coa colaboración dos membros da comunidade educativa do IES do Milladoiro. Lucía elaborou un vídeo destinado ao alumnado explicando o seu proxecto e tamén un cuestionario coa intención de recoller datos relacionados coa pobreza menstrual. A segunda parte do proxecto consistiu nunha recollida de produtos de hixiene feminina; produtos que o pasado venres, 28 de maio, foron entregados á Cruz Vermella. O proxecto foi promovido pola Fundación Fabre e será presentado na conferencia de Younth MUN Madrid (YMM). Lucía participará o día 11 de xuño no senado representando a Afganistán.
|
|||
O pasado 21 de maio o noso alumnado de 2º de bacharelato celebrou o seu acto de graduación; un acto atípico dadas as circunstancias, pero tamén cheo de emocións.
|
|||
Hoxe, 24 de maio, tivo lugar durante o segundo recreo a entrega de premios aos gañadores do concurso Canguro matemático, organizado polo departamento de Matemáticas. Os premios recaeron nas seguintes persoas: Nivel 1º ESO, 1º premio: Uxía Riveiro Fernández Nivel 1º ESO, 2º premio:Mario Campos Alonso Nivel 2º ESO, 1º premio: Sofía Paola Chang Gómez Nivel 3º ESO, 1º premio: Alba Diez Mariño
|
|||
O venres 21 de maio o alumnado da materia de Economía de 1º de bacharelato puido asistir a un relatorio onde se trataron temas relacionados co grao de Dirección e Administración de Empresas (ADE). A actividade foi organizada polo Departamento de Economía e estivo a cargo de Adolfo Carballo Penela, profesor da USC. |
|||
Hoxe, 15 de maio, en Outeiro de Rei, lugar onde está a Casa-Museo Manuel María, déronse os premios de videopoemas da IV Edición do Concurso de videopoemas sobre composicións poéticas de Rosalía e Manuel María. Eloi Zabala González, alumno de 4º ESO A, conseguiu un dos premios outorgados cun vídeo realizado a partir do poema "Cando non haxa" de Manuel María.
|
|||
Dous programas de radio realizados polo alumnado do EDLG do IES. Diego Madarnás fixo un novo podcast do seu programa de entrevistas e desta vez trouxo, nin máis nin menos, a Xela Arias!
Pola súa banda, o alumnado do Equipo de dinamización preparou un recitado coa súa poesía. Mais estade atentos e atentas porque, en breve, imos colocar un repositorio de todas as lecturas de poemas feitas tanto polo profesorado coma polo alumnado.
|
|||
Hoxe, 5 de maio, é o Día da Lingua portuguesa, segundo instaurou no ano 2009 a CPLP (Comunidade de Países de Lingua Portuguesa). O galego, como lingua irmá, permite comunicarnos con falantes da CPLP, con todo o mundo lusófono. Pero, ademais, hai alumnado que estuda portugués no instituto e que fixo un par de programas aproveitando o que aprendeu nas aulas. O grupo de 3º ESO C gravou un programa específico sobre o Día da Lingua portuguesa, e o grupo de 4º ESO fixo, para o 25 de abril, día da Revolución dos Cravos, un programa especial. Este contou coa colaboración de alumnado que non estuda portugués pero que se implicou aprendendo a canción da revolución, Grándola, vila morena. Co agradecemento a Eloi Zabala e a María Iglesias, deixámosvos os podcast para que escoitedes e mais tamén a gravación que se fixo da actuación en directo destes dous artistas, acompañados polo profesor de música Manolo Maseda, o pasado luns 26 de abril.
|
|||
O proxecto Enreguéifate foi adiante tamén este curso. Con máscaras, con distancia e con grupos reducidos, o alumnado de 2º ESO aprendeu a regueifar da man de Lupe Blanco, mais tamén aprendeu moitas cousas sobre improvisación oral. Nos seguintes vídeos podedes ver a potencialidade dalgún alumno do IES, e mais unha "lección" en verso sobre a improvisación oral no mundo.
|
|||
O número Pi é o protagonista de dous contos realizados no marco das actividades organizadas para o 14 de marzo (Día de Pi). Xa vistes que se fixeron bastantes actividades para esta conmemoración, demostrando ademais que se pode usar o galego para tratar de cuestións matemáticas, neste caso, do número Pi. Paula Mosquera e Elena Núñez conxugaron literatura e matemáticas con cadanseu conto: Pi, o doutor inesperado é o título de Paula, Crimes detrás de Pi o de Elena. Non deixedes de escoitalos!
|
|||
Con motivo da conmemoración o 21 de marzo do Día Mundial da Poesía o departamento de Lingua Castelá organizou unha actividade baseada na realización de exercicios de creación literaria centrados fundamentalmente nas técnicas vangardistas do cadáver exquisito e do caligrama. No seguinte vídeo pode comprobarse que contamos con grandes poetas.
|
|||
Diego Madarnás, no seu programa de entrevistas, realiza un especial para recoller as voces dos principais protagonistas dos traballos realizados polo Día de Pi. |
|||
A UDC (Universidade da Coruña) organiza o vindeiro xoves, 8 de abril, unha Xornada Virtual de Portas Abertas coa finalidade de dar a coñecer a súa oferta de titulacións. Haberá tamén dúas videoconferencias do presidente da CIUG, Pedro Armas, sobre a ABAU e a preinscrición 2021, unha ás 10 h e outra ás 19:30 h. Máis información en www.udc.es |
|||
O primeiro podcast do Programa "Voces da lusofonía" é de Ana Caamaño, Uxía Reyes, Saínza Ruíz e Alba Vidal (1º ESO). Uxía Senlle falou con elas para contestarlles varias preguntas, algunhas referidas ao tema central deste primeiro programa: o festival Cantos na maré. |
|||
Un novo podcast de Lucía Sobrado, no seu programa "Diario dunha estudante". Fálanos sobre o libro de Antía Yáñez: Senlleiras.
|
|||
O pasado 14 de marzo celebrouse o Día do número Pi e no noso IES a rapazada de diferentes niveis fixo bastantes actividades arredor do famoso 3,14... Mary Iglesias Bermúdez, alumna de 2º ESO A, compuxo unha peza musical titulada Vida infinita, que ademais interpretou cantándoa acompañada do ukelele. Desde o Equipo de Dinamización da Lingua Galega gravouse o vídeoclip coa canción, nunha actividade na que participaron os departamentos de Matemáticas e de Música e na que colaborou todo o alumnado de 2º ESO A.
|
|||
Co gallo do 8M, Día Internacional da Muller Traballadora, o Comité de Igualdade organizou durante os recreos do día 10 de marzo unha danza reivindicativa. A actividade serviu para pór de manifesto as inquedanzas do noso alumnado, así como a necesidade de camiñar todos e todas xuntos/as cara a unha sociedade máis igualitaria. |
|||
Arranca un novo programa dirixido por Yomara Ferreiro. Chámase Sinag, que quere dicir "raio de luz", un nome aberto para un programa que non está enfocado a un tema concreto. O primeiro podcast recollía unha reflexión a propósito da situación que levamos vivindo este ano e o segundo centrouse nos conceptos que se manexan para atender a diversidade sexual.
|
|||
Neste vídeo recóllense as imaxes do Photocall feito o pasado mércores para conmemorar o Día de Rosalía. A actividade, organizada polo EDLG en colaboración co Comité de Igualdade, titulouse "Rosalía tamén tivo teito de cristal" e estivo centrada no papel da autora como defensora dos dereitos da muller.
Pola tarde, Aroha Brandón, Ana Caamaño, Uxía Reyes e Alba Vidal foron as encargadas de ler parte do manifesto que escribiu Anne Figueirido para a AELG e que se leu nun acto sinxelo diante da casa de Barbazán en Bertamiráns, onde Joseba Muruzabal pintou "as Rosalías"
|
|||
Deixamos aquí o vídeo que reflicte a homenaxe que as alumnas do noso IES lle quixeron render a algunhas das científicas máis importantes do panorama internacional con motivo da conmemoración do Día Internacional da Muller e da Nena na Ciencia. A través de diálogos de gran viveza e orixinalidade o público asistente puido achegarse de xeito lúdico aos logros dunha serie de mulleres que dedicaron a súa vida á ciencia. A actividade foi organizada polo departamento de Física e Química e o Comité de Igualdade e serviu para pór en valor o papel fundamental das mulleres no eido científico, pero tamén reivindicar a igualdade de xénero e lograr unha maior participación e inclusión das mulleres e das nenas no mundo da ciencia e da tecnoloxía. |
|||
- « primeira
- ‹ anterior
- …
- 8
- 9
- 10
- 11
- 12
- 13
- 14
- 15
- 16
- …
- seguinte ›
- última »
![IES do Milladoiro RSS Distribuir contido](/centros/iesmilladoiro/misc/feed.png)