Novas MeGaBiblio

A biblioteca a pleno rendemento

Enviado por BiblioMGB o 17 Novembro, 2009 - 21:07

Podedes solicitar documentos en préstamo, comprobar as novidades adquiridas, as exposicións... Por desgraza, non poderemos celebrar outro Día da Biblioteca ata o 24 de outubro do vindeiro ano, nin comprobar se foron as formigas as que remataron os dóces...

A biblioteca instalou un punto de lectura para pais e nais ao carón de Dirección. Se algún pai desexa levar en préstamo un deses libros, só ten que achegarse á biblioteca: o profesor de garda apuntarao no carné lector do seu fillo. Terá un prazo de devolución de 15 días. Esperamos que este servizo vos sexa útil.

Foto biblio pais.jpg

24 de outubro, Día da Biblioteca. Comeza o préstamo de libros no MGB.

Enviado por webmaster o 26 Outubro, 2009 - 00:06

O 24 de outubro foi o Día da biblioteca. O luns 26 a biblioteca do MGB invítate a que a coñezas.

Ven, entra, proba, e disfruta. Ademais, xa podes levar libros e documentos en préstamo!

Imaxe Xosé Cobas.

diabiblioteca.jpg

Videoconferencia entre os IES da Estrada

Enviado por Vicedirec. o 24 Marzo, 2009 - 11:54

O vindeiro venres 27  de marzo con motivo do "Día da poesía" os/as alumnos/as de 2º ESO e 3º ESO A participarán na videoconferencia "Versos a Palestina" realizada entre os tres IES da Estrada, coa colaboración técnica do Centro Multimedia de Galicia, e na que se lerán diversas poesías conmemorativas. Será na Biblioteca do centro ás dúas últimas horas.

Tropa de trapo: "A hora azul"

Enviado por BiblioMGB o 23 Xaneiro, 2009 - 13:30
   O próximo mércores, día 28, contribuíndo a conmemorar unha miguiña o día da PAZ, 30 de xaneiro, desenvolverase no noso centro un espectáculo “A hora azul” de A TROPA DE TRAPO, música e contacontos para o alumnado de 4º ESO e 1º BAC., incluído un obradoiro co alumnado de 1º de bacharelato.
   A hora azul é un espectáculo de música e contacontos, onde dúas voces suxerentes, de muller e de home, narran historias traídas do lonxano oriente, da Galicia, de Andalucía, de calquera parte do mundo e de todas á vez. Son historias humanas e sinceras, cheas de vida, acompañadas polo son do laúde árabe, da darbouka, da guitarra flamenca, do caixón, da guitarra portuguesa...
   Esta actividade está financiada conxuntamente pola Biblioteca, o  departamento de Lingua Española, o departamento de Educación Física e Normalización Lingüística.

Lecturas para o Nadal

Enviado por BiblioMGB o 16 Decembro, 2008 - 18:19

Dende a biblioteca do IES Manuel García Barros recordámosvos que o Nadal é tempo de vacacións pero tamén de libros. É unha boa ocasión para pedir e regalar libros. Aquí vos deixamos algunhas recomendacións.

faro_biblio.png

Plan Lector

Enviado por Vicedirec. o 28 Outubro, 2008 - 09:09

Hoxe martes 28 de outubro empeza a funcionar no centro o Plan Lector destinado aos alumnos/as de 1º e 2º ESO. Neste plan os alumnos/as terán unha hora o día de dedicación a lectura na aula según un horario establecido e que poden consultar nos taboeiros das suas aulas.

BENVIDA DA BIBLIOTECA

Enviado por BiblioMGB o 30 Septembro, 2008 - 15:04

A biblioteca dá a benvida a toda a comunidade educativa do IES Manuel García Barros.

Boletín nº 5

Enviado por BiblioMGB o 24 Xuño, 2008 - 12:55

A biblioteca MGB publica o Boletín nº 5 coas recomendacións das lecturas para este verán. Disfrutádeas!

Concurso "Pasapalabra"

Enviado por BiblioMGB o 15 Maio, 2008 - 13:14
A semana do 19 ao 23 de maio continuarase co concurso "Pasapalabra", esta vez en galego, para conmemorar as LETRAS GALEGAS. O calendario de participación está no taboeiro das actividades e repartirase aos titores correspondentes.

BOLETÍN Nº 4

Enviado por BiblioMGB o 15 Abril, 2008 - 17:47

A biblioteca publica o seu Boletín nº 4 onde dá a coñecer as actividades a celebrar o Día do Libro (23 de abril) e as propostas do plan de lectura "Tempo de LEceR".

DÍA DO LIBRO

Enviado por BiblioMGB o 27 Marzo, 2008 - 13:52

Con motivo do Día do Libro, a biblioteca do MGB convoca o concurso "Pasapalabra" para todo o alumnado do centro.

DÍA DA MULLER TRABALLADORA

Enviado por BiblioMGB o 4 Marzo, 2008 - 18:29
A biblioteca do MGB, con motivo do Día da Muller Traballadora, propón unha serie de actividades que, unha vez realizadas, se exporán nos corredores do instituto.

DÍA DE SAN VALENTÍN

Enviado por BiblioMGB o 4 Marzo, 2008 - 18:22

Actividades convocadas pola biblioteca con motivo do Día de San Valentín

20060214104127-san-valentin.jpg

BOLETÍN Nº3 DA BIBLIOTECA DO MGB

Enviado por BiblioMGB o 15 Febreiro, 2008 - 11:19

A biblioteca do MGB ven de publicar o seu boletín nº3, onde se recollen as actividades propostas para o día da Paz.

ACTIVIDADES DÍA DA PAZ

Enviado por webmaster o 24 Xaneiro, 2008 - 13:06
Con motivo do día da Paz, o vindeiro mércores 31 de xaneiro, a Biblioteca do MGB prepara unha serie de actividades para os alumnos de ESO. Descarga o programa en *.pdf dende aquí.
Distribuir contido