"Zapatillas rotas" de Xabier Quiroga, Premio da Crítica 2014

zapatillas rotas

 

O pasado fin de semana recibiamos con grande ledicia a nova do Premio da Crítica na categoría de narrativa en galego a Zapatillas rotas, a novela do compañeiro e profesor de Lingua e Literatura Galegas Xabier Quiroga, premio que xa obtivera en 2010 coa súa novela anterior, O cabo do mundo. Os Premios da Crítica, considerados entre os máis prestixiosos do estados español, leva distinguido en edicións anteriores, entre outros, a autores como Luz Pozo, Xohana Torres, Salvador García-Bodaño, Víctor Freixanes ou Manuel Rivas.
O portavoz do xurado, R. Nicolás, destacou  que “Zapatillas rotas é unha obra sobre a busca da identidade”, citando entre as calidades do texto “a mestría do autor na combinación de recursos narrativos, así como o tratamento da vellez cunha visión crítica e case cáustica, que tamén dá pé ao humorismo e o divertimento”.
Un recoñecemento que ven a confirmar a X. Quiroga como un dos nosos grandes narradores actuais. E, por suposto, un orgullo contar entre nós cunha persoa da valía, literaria e humana, de Xabier. Moitos parabéns!
Entrevista ao autor no Diaro Cultural da Radio Galega (min. 5.50 ao 12), xunto ao galardoado no apartado de poesía, Gonzalo Hermo.

...E Coruña tremeu


O LAXEIRO : PERIODISTAS E SOLDADOS.

 

Os alumnos de 3º y 4º PDC  e o grupo de 2º de ESO C visitaron o 14 de abril as instalacións da Voz de Galicia no polígono de Sabón. Pasearon pola redación do periódico, polos enormes almacéns de papel da empresa e contemplaron a rotativa de dúas plantas e de 24 metros de largo onde se crean cada noite os máis de 120.000 exemplares do periódico que diariamente saen desta planta coruñesa. Tamén visitamos o museo Santiago Rey Fernández La torre. Alí  os alumnos  puideron ver periódicos de todos os rincóns do  mundo  e cabeceiras de  épocas  remotas . Tamén botaron un ollo ao  periódico galego máis antigo: O Catón Compostelano de 1800, unha xoia periodística que o museo contén.

Pola tarde e tras unha breve concesión ao ocio por Marineda …ejem, ejem… aproveitamos o bo día de primavera e nos paseamos polo Paseo do Parrote e polo peirao de trasatlánticos. Ata vimos zarpar un…

Ás 4 da tarde armados cos nosos uniformes dezanos xogamos a ser soldadiños no Castelo de San Antón. O Castelo é pequeno, pero non quedou un recuncho sen visitar dende o alxibe ata o torreón.

O día deu para moito e ata fomos quen de perder unha pelota de fútbol que tivemos que deixar aboiando nas augas do porto da cidade. Os do Laxeiro somos únicos …

Para fotos do superevento, clica aquí.

Visita ao parque experimental de Sotavento

Como xa ven sendo tradicional, o pasado mércores 9 de abril de 2015 o alumnado de 1º de Bacharelato da modalidade  de Ciencias e Tecnoloxía visitou o parque eólico de Sotavento, situado na Serra da Loba. Nesta visita puideron afianzar os seus coñecementos de física e tecnoloxía acerca das enerxías renovables. 

Como en anos anteriores, fomos recibidos e moi ben atendidos polo persoal deste parque, que é moito máis que unha central de produción de enerxía eléctrica, senón que funciona como unha aula divulgativa das vantaxes das fontes de enerxía renovables e de promoción de condutas sostibles e respetuosas co medio, tan necesarias para fomentar na cidadanía un consumo enerxético responsable.

Esta actividade estivo organizada polos departamentos de Física e Química, Bioloxía e Tecnoloxía

Intercambio - Échange IES Laxeiro - Lycée Champ-Blanc

Neste curso 2014-15, 24 alumnos do IES Laxeiro, de 4º ESO e 1º Bacharelato, teñen a oportunidade de participar nun intercambio cun grupo de 22 alumnos do Lycée Champ-Blanc (Le Longeron, Francia).

Este é o IX intercambio que desenvolvemos xunto con este centro educativo francés.

Neste caso decidimos estudar o tema das nosas lendas e tradicións.

Do 21 ao 28 de marzo acollemos en Lalín o grupo francés. Durante esa semana, os alumnos franceses viviron nas casas dos seus compañeiros de intercambio, asistiron a clases no IES Laxeiro e participaron en varias actividades relacionadas co tema central do intercambio.

Concretamente, visitamos a nosa vila e coñecemos os seus persoeiros ilustres; fomos á Coruña para traballar sobre as lendas relacionadas coa Torre de Hércules e sobre María Pita; e finalmente entramos en contacto co Camiño de Santiago, percorrendo o tramo que nos leva de Palas de Rei a Melide e visitando a zona vella de Santiago de Compostela.

Do 25 de abril ao 03 de maio, tocaralles aos alumnos do IES Laxeiro viaxar a Le Longeron.

Tamén residirán nas casas dos compañeiros de intercambio e participarán en diversas actividades organizadas polo Lycée Champ-Blanc: estudarán a dous persoeiros famosos desa zona de Francia, Jules Verne e Barba Azul.

Por suposto, terán a oportunidade de visitar as cidades de Nantes, Cholet, Tiffauges...

Se vos interesa esta actividade e queredes seguir o seu desenvolvemento, non dubidedes en visitar o sitio web que elaboramos entre todos: https://sites.google.com/site/champblanclaxeiro/echange-2014-2015

O IES Laxeiro participa no Parlamento Xove 2015

Parlamento Xove 2015Dous equipos do IES Laxeiro participan na fase preliminar de Bacharelato do Parlamento Xove 2015.
O Parlamento Xove é un concurso de debate no que participan 48 equipos de Institutos de Galicia.
A fase preliminar terá lugar o sábado 28 de febreiro no Pazo de Mariñan, en Bergondo, a partir das 9:00 h..
O IES Laxeiro participa con dous equipos:
 

  1. O primeiro equipo esta formado por Alba Tomé, Uxía Adán, Alejandro Carral e Andrea Roqueiro, e coordinado polo profesor Manuel Igrexas.
  2. O segundo equipo está formado por Belén Fernández, Marcos Diéguez, Andrea González e Iván Calvo, e coordinado pola profesora Sara Castro.

 
Máis información sobre o debate: http://www.parlamentoxove.com/

Pódense consultar os resultados en tempo real en: http://www.parlamentoxove.com/index.php/Novas/Novas/resultados-a-tempo-real.php

No IES Laxeiro tamén celebramos o Día de Rosalía

[24 de febreiro] Tamén no IES Laxeiro celebramos o Día de Rosalía.

Sumámonos á proposta da AELG de celebrar o Día de Rosalía cun vídeo para conmemorar e celebrar o Día de Rosalía.

-

No IES Laxeiro pintamos moito!

 

 

 

 

 

 

 

 Estamos de noraboa!

A nosa alumna Noelia Vázquez Val de 1º ESO C, resultou galardoada co 1º premio na categoría infantil do IX Concurso de Pintura Fefriga coa súa obra "A seitura".

Felicidades tamén a Anabel Ramos Bendoiro -de 3º ESO- polo seu 5º premio na categoría junior co seu traballo "Mountain Cow".

Mastigamos saúde...

O vindeiro luns 23 de febreiro continuaremos no Laxeiro co segundo periodo de reparto de froita durante os recreos para todo o alumnado do Centro; xa sabedes, a froita estará na entrada do pavillón A.

Trátase dun programa promocionado e subvencionado polo Fondo Galego de Garantía Agraria, (FOGGA), e desde o noso Centro queremos recordarvos a necesidade de manter unha vida sá que se consegue cunha boa alimentación acompañada de exercicio físico diario.

Inicio do procedemento de admisión de alumnado en centros docentes sostidos con fondos públicos para o curso 2015/2016

[29/01/2015] O día 1 de febreiro comeza o plazo para a admisión do alumnado en centros docentes sostidos con fondos públicos para o curso 2015/2016.

Pincha para mais ->  Información e documentación

Pantallas Amigas e o IES Laxeiro xuntos para combatir o "Ciberbullying".

Será o día 4 de febreiro no Salón de Actos do IES Laxeiro onde este grupo que cumple agora dez anos de traballo, dará a coñecer as súas experiencias  e iniciativas que teñen como misión a promoción do uso seguro e saudable das novas tecnoloxías e o fomento da cidadanía dixital responsable na infancia e na adolescencia.

O ciberbullying é uha prioridade para PantallasAmigas que xa no 2006 publicou a súa primera guía sobre o asunto. Un grupo que conta co apoio de EDEX , organización non lucrativa de acción social con máis de 40 anos de traxectoria no  impulso do desenvolvemento integral da infancia e a adolescencia.

EDEX é unha organización sen fins de lucro, independente e profesional, comprometida coa acción socioeducativa que naceu en Bilbao en 1973.

O "Ciberbullying" é unha prioridade para Pantallas Amigas que xa publicou en 2006 a súa primeira guía sobre este asunto.

Decálogo por la ciberconvivencia positiva y contra la violencia digital

Unha actividade que dada a súa importancia vai a estar dirixida tanto ao alumnado do centro coma ás/aos nais/pais que así o desexen.

O horario para o alumnado será pola mañá desde as 11:00 horas ata ás 14:30 e pola tarde desde as 16:00 ata as 18:40 horas.

O horario para pais e nais de alumnos será ás 20:00 horas no Salón de Actos do instituto.

Dada a importancia desta problemática actual agardamos que sexa do interese de toda a Comunidade Educativa

 

Distribuir contido