Convocatoria de probas de bacharelato para maiores de 20 anos

A Consellaría de Educación, Cultura e O.U. ven ce convocar a proba de obtención de bacharelato para maiores de 20 anos.

Período de inscricción: do 18 de febreiro ao 3 de marzo

Data da proba: 22 de abril

Lugar: IES San Clemente de Santiago de Compostela

Máis información no portal da xunta www.edu.xunta.es e na propia convocatoria do DOGA (Resolución DOG Xoves, 28 de Xaneiro de 2016)

Podedes descargar o impreso de solicitude Aquì 

 

 

Plan de Consumo de Froita no Laxeiro

 

O noso Instituto participa no Plan de Consumo de Froita promovido e subvencionado polo FOGGA (Fondo galego  de Garantía Agraria) e a Unión Europea.

Ao longo deste curso temos concedidos 4 períodos de reparto de froita durante os recreos para o noso alumnado.   O primeiro período de reparto comezou o 30 de novembro e desenvolveuse ao longo de 10 días.

 

Os seguintes períodos terán lugar a partir do:

    -   15 de Febreiro

     -    4 de Abril

    -   6 de Xuño

 

Comendo froita e facendo exercicio físico a nosa saúde agradecerao.

O número 3787 leva a fantástica Cesta de Nadal que sorteaban os alumnos de 4º ESO

O/A Posuidora/a da papeleta premiada xa pasou a recoller a fantástica Cesta de Nadal con excelentes produtos que sorteaban os alumnos de 4º ESO.

O número Premiado foi o:        3787

A rifa foi vendida pola alumna de 4º ESO Ángela Barrio e xa atopamos ao gañador.

Resultado do sorteo 3787

 

 

NORABOA!!

 

Recordamos que o obxetivo das rifas era e é en PRO-VIAXE de Fin de Curso do alumnado de 4ºESO do IES Laxeiro.

Presentación da novela “Izan o da saca” de Xabier Quiroga

Portada Libro "Izan o da saca"

Mércores, 16 de decembro, ás 20:00 horas, no Salón de Actos do IES Laxeiro, rúa Bos Aires, 71, de Lalín, terá lugar a presentación da novela "Izan o da saca" do noso benquerido compañeiro Xabier Quiroga.

No acto participarán Uxío Grande, Rafael Cuíña, Manuel Bragado e Xabier Quiroga.

      >> Ficha do Libro

Izan o da saca
Xabier Quiroga (Autor)
"O Fiscal Superior de Xustiza recibe do seu editor un paquete que contén, ademais dun cartafol con noticias de varias mortes sen relación aparente, unha novela. Nela, un taxista con ínfulas investigadoras e lector empedernido acepta o delicado encargo dun coñecido político e empresario galego: desentrañar un suposto pasado nazi co que os seus inimigos poden relacionalo. Comeza así, ademais dunha engaiolante procura pola xeografía física e humana deste país, unha perigosa pescuda sobre un dos feitos históricos máis intrigantes da posguerra: a misteriosa «Ruta das ratas» ao seu paso polo noroeste da península Ibérica e cara ao refuxio nazi en América do Sur.Mesturando realidade e ficción, coa mestría da madurez narrativa e facendo encaixar as múltiples pezas desta novela negra nun insólito final, Xabier Quiroga atrápanos nunha trama que, da man do Reiniña, o seu protagonista, remexe no escuro duns feitos agochados no pasado pero que, sen remedio, salpican o presente."

Un ano máis, contra a Violencia de Xénero

Neste 25 de novembro puxémoslle nome a todas as vítimas do ano 2015. Unha flor violeta e unha folla individualizada simbolizaron a dor dos 48 asasinatos que ata este momento estaban oficialmente contabilizados. O alumnado de 4º de ESO A e PDC rodeou este acto simbólico con poemas, e declaracións de intencións. De fronte, o silencio dun público respectuoso sabedor da importancia que a nosa homenaxe particular tiña.

O alumnado do Club de lectura puxo o seu gran de area interpretando unha performance nun acto que o Concello de Lalín organizou para toda a veciñanza, e no que participaron todos os Centros do Concello.

 

Na galería de imaxes tedes as fotos dese día, no que tamén, coa axuda do alumnado de 1º ESO A, plantamos primaveras en recordo a todas as vítimas.

Asemade, queremos dar os parabéns ás alumnas María, Nerea, Aitana e aos alumnos Jorge e Anxo por seren os gañadores do Concurso de Twitter que organizou o Concello de Lalín. Aquí podedes ver, no arquivo adxunto, os chíos que mereceron ser premiados.

Finalistas do IV Concurso de Tuits contra a violencia de xénero 2015

Aquí tendes un vídeo elaborado no propio centro:

Na nosa lembranza

Vimos  de saber que marchaches de onda nós, Xosé. Encontros con Laxeiro
Agora estarás con Laxeiro, botando uns viños e uns risos con el, falando das vosas lembranzas por estas terras dezás que vos viron nacer aos dous e que vos acompañarán sempre con cariño e admiración.
O noso centro está vinculado a ti por aquel libro que dedicaches ao noso mestre pintor e por tantas e tantas horas de lectura que agasallaches ao noso alumnado. Queda tamén a lembranza da visita dos nosos a túa casa e dunha relación que perdura nos anos de convivencia.
Que a terra che sexa leve

Xosé Neira Vilas

Celebramos o Día da Ciencia en Galego!

Día da Ciencia en Galego

Como hai políticos que cren que a nosa lingua non serve para ser científica, nos centros de ensino empeñámonos en demostrar que si. E resulta ben doado! 

Un ano máis, no noso centro decidimos dar o protagonismo ao alumnado de Diversificación para que fosen eles e elas quen demostrase que a ciencia pode explicarse en galego, converténdose en profesorado por un día. E que ben o fixeron!

 As experiencias xiraron arredor da luz e da óptica.

     Ver Fotos

 

Visita ao Parlamento

O xoves día 15 de outubro o alumnado de 3º de ESO visitou o Parlamento de Galicia en Santiago de Compostela. Actividade promovida desde o Departamento de Ciencias Sociais, para ver e entender unha das Institucións máis importantes da Comunidade Autónoma de Galicia.

     Os alumnos e alumnas disfrutaron, das diferentes dependencias do Pazo do Hórreo, onde os diputados e diputadas galegos levan a cabo a súa labor. O edificio en sí, xa chama a atención pola súa envergadura, fundado para ser Facultade de Veterinaria, cumple hoxe perfectamente cas necesidades dun Parlamento actual e moderno. Chama a atención as extraordinarias vidrieiras-mosaico, unha delas, obra do pintor Laxeiro, que cubre o teito dunha das estancias da entrada.

    Pero sen dúbida, un dos espazos que máis gustaron foi o hemiciclo, onde os diputados/as discuten, propoñen e defenden as súas ideas. O alumnado sentouse nas cadeiras do goberno e da oposición e algún alumno saliu á tribuna de oradores, semellando ser un parlamentario.

     Ver máis fotos.

 

 

Xornada de Convivencia na Devesa de Moa


     O pasado 1 de outubro, os 75 alumnos de 1º da ESO acompañados por sete dos seus profesores participaron nunha Xornada de Convivencia, que contempla o Plan de Convivencia do Centro co fin de facilitar o coñecemento e cohesión do alumnado, que provén de diferentes centros de Primaria e tamén establecer relacións de proximidade cos distintos profesores. Para este fin, deseñouse unha ruta de sendeirismo pola Devesa de Moa, onde ademais de compartir conversa e camiñata, deu pé para coñecer as excelencias naturais desta paraxe, da que cabe destacar a súa ampla biodiversidade botánica e zoolóxica. Igualmente serviu para coñecer os cursos dos ríos Deza e Zobra e valorar a importancia que a apicultura tivo no Candán, coa visita e explicación da función das alvarizas.

    A xornada foi un éxito de alegría e alumnos e profesores regresamos satisfeitos da experiencia. 

    Neste enlace pódense ver algunhas fotos da xornada.

 

Visita do Dr. Ángel Carracedo

O 2 do outubro tivemos a honra de ter entre nós ao Dr. Ángel Carracedo para desenvolver diversas actividades co noso alumnado. Entre música e presentacións adentrámonos no apaixoante mundo da investigación xenética mediante unha charla para o alumnado de 4º de ESO e Bacharelato.

Descubrimos a placa que inaugura o Laboratorio de Bioloxía co seu nome, e o alumnado de 2º BAC disfrutou nel dun café coloquio.

Na última hora da maña, o alumnado de 1º e 2º de ESO asistiu a unha charla sobre o mundo da lectura.

Nos seguintes enlaces pódense ver o programa de actividades, fotos e máis información publicada nos xornais da comarca: "El Faro de Vigo" e "La Voz de Galicia".

Programa de actividades do día 2 de outubro

Blog da Biblioteca ---> "Unha pegada indeleble" Resumo da visita

Distribuir contido