Linguas clásicas

Fillos de Roma

Linguas clásicas

O venres 28 de xaneiro a profesora da USC Ana Suárez Piñeiro fixo unha exposición sobre o queda de Roma en nós. Falou de Gallaecia e o seu patrimonio romano, desde monumentos (muralla de Lugo, a nosa Torre, as salinas de Vigo, Aquae Querquennae...) ata festas que celebran este pasado como Arde Lucus, Ave Crunia, Gallaicoi ou a Festa do Esquecemento e abriu un debate no que participou o alumnado asistente. O resultado foi enriquecedor.

Gañadoras do concurso "A máscara que inspira"

Linguas clásicas

Paula e Isa, alumnas de Latín e Grego do noso centro, gañaron o primeiro posto e o accésit do concurso "A máscara que inspira" na modalidade Polignoto. Este concurso foi convocado pola Sociedade Española de Estudos Clásicos de Galicia tendo como base o arquetipo de Hécuba; as nosas alumnas revitalizaron a traxedia de Eurípides coas súas interpretacións en banda deseñada. Podedes ver os seus debuxos nesta mesma páxina web no apartado de linguas clásicas; aquí van as fotografías da entrega de premios na Facultade de Filoloxía da USC. Parabéns ás premiadas!

Hécuba

Linguas clásicas

As alumnas de Grego I crearon unhas fantásticas bandas deseñadas baseándose na traxedia de Hécuba. As artistas son Isa:

E Paula:

E tampouco debedes perdervos a obra de Alba, Sabela e Aroa neste podcast. Parabéns a todas!

Nostra urbs

Linguas clásicas

A nosa cidade foi descrita en latín para o proxecto "Breaking down walls". O alumnado de cuarto da ESO de Latín fixo este vídeo de imaxes, emocións e palabras latinas como conmemoración do Día de Europa. Unha das características da idea de Europa é a celebración e continua conversa co pasado, e así o demostramos...

Celebrando o día Internacional do Libro

Linguas clásicas

Festexamos o Día do Libro de dúas maneiras: Por unha banda lemos e debatemos estes días a obra de Eurípides Medea e por outra descubrimos a Safo. As alumnas de Grego estudaron a figura desta muller do século V a.C. que rachou moldes e escribiu sobre o amor; foi amplamente recoñecida polos seus coetáneos e xeracións posteriores e chegou ata os nosos días malia a censura que provocou o seu espírito libre.

Velaquí o vídeo elaborado polas alumnas de primeiro de Bacharelato:

ESPAZO MAKER

Erasmus+ Internacionalización

DEPARTAMENTOS

Departamentos

Ciencias naturais	Debuxo
Economía	Educación Física
Filosofía	Física e Química
Lingua castelá	Lingua francesa
Lingua galega	Lingua inglesa
Linguas clásicas	Matemáticas
Música	Tecnoloxía
Xeografía e Hª	Normalización
Orientación	Relixión

BIBLIOTECA

Club de lectura

Revista "Xiada dixital"

Último número
Números anteriores

Dereitos de imaxe

As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.