Skip to Content

Anuncios

ADMISIÓN: PUBLICACIÓN DE LISTAXES PROVISIONAIS

ADMISIÓN DE ALUMNADO PARA O CURSO 2021-22: PUBLICACIÓN DE LISTAXES PROVISIONAIS DE ADMITIDOS E NON ADMITIDOS

Publicadas as listaxes provisionais de admitidos e non admitidos no proceso de Admisión para o curso 2021-2022. Os interesados poden facer a consulta das listaxes no taboleiro de anuncios da secretaría do centro ou a través da aplicación electrónica de admisión (só persoas que dispoñan de certificado electrónico de acceso).

Contra as listaxes provisionais poderá formularse reclamación dirixida ao Consello escolar no prazo de cinco días hábiles a partir da súa publicación (é dicir, con data máxima do vindeiro martes 13 de abril).

A publicación de listaxes definitivas de admitidos e non admitidos realizarase a partir do 25 de abril e con data límite de 15 de maio, dacordo coa Orde de 18 de decembro de 2020.

XORNADAS DE ORIENTACIÓN ACADÉMICA

XORNADAS DE ORIENTACIÓN ACADÉMICA POLA USC, A UDC E O CONCELLO DA CORUÑA

    Como todos os cursos, chegados a estas datas inícianse as xornadas destinadas a informar e orientar ao alumnado sobre saídas académicas dos seus estudos. Neste ano, as xornadas de orientación realizaranse a través de encontros virtuais como medida de prevención anti-Covid. Todo o alumnado interesado en participar nas charlas informativas que sexan do seu interese deberá acceder a través das ligazóns que proporcionan para este fin tanto a Universidade de Santiago de Compostela como a Universidade da Coruña. Asimesmo, para as charlas que ofrece o Concello da Coruña nas súas Xornadas de Orientación Universitaria e Profesional, os interesados deberán encher a solicitude correspondente a través da ligazon.

Toda a información de interese a tedes no seguinte PDF

Para máis información ou para a consulta de dúbidas, podedes acudir ao Departamento de Orientación do centro no seu horario habitual de mañá ou consultar o seu blog de información académica.

Cartel
UDCUSC

REMATE DO PERÍODO DE ADMISIÓN

INFORMACIÓN IMPORTANTE SOBRE BAREMACIÓN

Xa rematado o perído de admisión o pasado luns 22 de marzo infórmase que, coas admisións presentadas en prazo en estado de rexistro definitivo, NON HABERÁ NECESIDADE DE BAREMAR NAQUELES CURSOS NOS QUE HABÍA VACANTES DISPOÑIBLES [Véxase información sobre vacantes no enlace MATRÍCULA]. A publicación de listaxes de admisión provisionais no taboleiro de anuncios da secretaría realizarase, dacordo coa convocatoria, antes do día 25 de abril. Informarase a través desta mesma web no momento en que se faga.

MATRÍCULA CURSO 2021-2022

ABERTO O PERÍODO DE ADMISIÓN EN CENTROS NON ADSCRITOS

Entre o 1 e o 22 de marzo estará aberto o período de admisión para solicitude de praza desde centros distintos ao de orixe ou desde centros no adscritos de primaria [Véxase MATRÍCULA].

Rematado este prazo, se nalgún dos cursos nos que haxa vacantes existisen máis solicitudes que prazas, habería que iniciar un proceso de baremación, do que se informaría no seu momento nesta mesma web.

Poden descargar os formularios e documentación necesaria nestes enlaces e entregalos cubertos na secretaría do centro de ensino. Tamén poden facer a solicitude on line a través da Sede electrónica (procedemento ED550B).

 

Formulario de
solicitude

Anexo IIbis

Documentación
necesaria
Criterios do baremo
e acreditación

OUTRO PREMIO NO IES ELVIÑA

PREMIO POLA IGUALDADE
PARA UNHA ALUMNA DO IES ELVIÑA

[A ENTREGA DOS PREMIOS NA CIDADE DA CULTURA PODERÁ SEGUIRSE EN STREAMING DESDE A CANLE DE YOUTUBE DA SECRETARÍA DE IGUALDADE O DÍA 5 DE MARZO A PARTIR DAS 11:00 HORAS. BASTA CON PREMER NO SEGUINTE ENLACE: https://youtu.be/GnA5-MPAjcc]

     Nunha semana chegará a conmemoración do Día Internacional da muller. Como, polo que parece, as manifestacións multitudinarias non van ser posibles este ano, a celebración vai ter que quedar no íntimo, mais non por iso menos auténtica nen sentida.

     No IES Elviña o compromiso cos dereito de igualdade e empoderamento da muller xa ten tradición. Por iso, e para que non decaia, velaquí temos outro exemplo: Noa, unha das nosas talentosas alumnas de 4º curso de ESO ven de se alzar co Segundo Premio do Concurso de carteis organizado pola Secretaría Xeral de igualdade da Consellería de educación da Xunta de Galicia para celebrar entre todos os centros da nosa comunidade autónoma a festividade do 8 de marzo. A intrépida gañadora, que verá o seu cartel impreso nos centros de ensino de Galicia, recollerá o premio a vindeira semana en Santiago de Compostela cunha representación do centro. Parabéns para ela (e para a igualdade entre os sexos)!

    Aquí tedes o cartel que obtivo tan merecido galardón...

Cartel

Distribuir contido


by Dr. Radut