Skip to Content

Orientación

QUE VIVA A MEDIACIÓN!

Os "canteiráns" da mediación no IES Elviña

Din os sabios que "falando se entende a xente". Lamentablemente, como case todas as máximas sabias, poucas veces se aplica. Non así no noso centro, afortunadamente. E temos a demostración no marabilloso compromiso do alumnado voluntario do servizo de mediación, que sacrificou parte do seu tempo de lecer todos os mércores pola tarde para vir ao instituto na compaña do intrépido Alberto Alonso (xestor da mediación no noso centro) coa finalidade de traballar e mellorar a capacidade de encauzar os conflitos pola desexable vía da conciliación. Aí os tedes na foto posando para a ocasión. Noraboa a todas e todos eles...

Sodes exemplo e orgullo para todo o IES Elviña!

 mediación

CHARLA AESLEME

O pasado 29 de outubro o renovado Departamento de Orientación do instituto dirixido pola nosa benquerida Ana María Rivera preparou para o alumnado de 4º de ESO e 1º de Bacharelato unha charla de concienciación sobre os problemas das persoas con lesións medulares. Acudiu para a ocasión ao noso humilde salón de actos un representante de AESLEME (a Asociación para el Estudio de la Lesión Medular Espinal) quen alertou aos rapaces coa súa presenza e coas súas palabras das dramáticas consecuencias que pode ter a condución descoidada. Esperemos que a charla sirva para que descenda no futuro o elevado número de accidentados con lesións medulares nas nosas estradas costeiras, ben coñecidas por esta razón...

AESLEME-03miniAESLEM-01mini

MATRÍCULA PARA PROBAS DE ACCESO A CICLOS

INFORMACIÓN SOBRE ACCESO A CICLOS DE GRAO MEDIO E SUPERIOR

    Para o alumnado que teña interese en acudir ás probas oficiais de acceso a ciclos formativos de FP de grao medio e superior, vense de publicar o Borrador da Orde de convocatoria que as regula en todos os seus aspectos (matrícula, organización, realización, estrutura e outros). Para calquera interesado, remítese ao texto completo do borrador da Orde dispoñible no enlace. En todo caso, resúmense a continuación algúns datos de interese sobre calendario, matrícula e características das probas:

 I. CALENDARIO

 

 PROBAS ACCESO
GRAO MEDIO
PROBAS ACCESO GRAO SUPERIOR
Inscrición2 ao 13 de marzo10 ao 19 de febreiro
Listaxes provisionais3 de abril6 de marzo
Reclamacións14 ao 17 de abril9 ao 13 de marzo
Listaxes definitivas8 de maio27 de marzo
Lugares das probas8 de maio27 de marzo
PROBA28 de MAIO23 de ABRIL
Cualificacións provisionais10 de xuño11 de maio
Reclamacións10 ao 15 de xuño12 ao 15 de maio
Cualificacións definitivas22 de xuño1 de xuño
Certificacións nos centrosA partir do 23 de xuñoA partir do 3 de xuño

 

 II. MATRÍCULA, CARACTERÍSTICAS DAS PROBAS

A. PROBA DE ACCESO A CICLOS DE GRAO MEDIO

Requisito básico: o alumnado deberá ter cumpridos 17 anos ou deberá cumplilos no mesmo ano da realización da proba.

Lugar de matrícula:

a. calquera centro que teña ciclos de grao medio na súa oferta educativa.
b. vía on line desde a plataforma da xunta (www.edu.xunta.es/fp) cubrindo o formulario ED312C (dispoñible a partir da data de inscrición tamén na sede electrónica da xunta sede.xunta.gal). En todo caso, haberá que imprimir o resguardo e entregalo na secretaría dun centro que oferte ciclos.

Importante: o centro no que se entregue a documentación será determinante para a asignación do lugar de realización da proba que corresponda.

Estrutura da proba: a proba consta de tres partes.

a. Parte sociolingüística: proba de lingua castelá, proba de lingua galega e proba de ciencias sociais.
b. Parte matemática: proba de matemáticas.
c. Parte técnico-científica: proba de ciencias naturais e proba de tecnoloxía.

Para aprobar a media das tres partes debe ser superior ao 5. Nengunha parte debe obter calificación inferior a un 4. Poden consultarse modelos de exames dos anos anteriores neste enlace.

B. PROBA DE ACCESO A CICLOS DE GRAO SUPERIOR

Requisito básico: o alumnado deberá ter cumpridos 19 anos ou deberá cumplilos no mesmo ano da realización da proba.

Lugar de matrícula:

a. calquera centro que teña ciclos de grao medio na súa oferta educativa.
b. vía on line desde a plataforma da xunta (www.edu.xunta.es/fp) cubrindo o formulario ED312D (dispoñible tamén a partir da data de inscrición na sede electrónica da xunta sede.xunta.gal). En todo caso, haberá que imprimir o resguardo e entregalo na secretaría dun centro que oferte ciclos.

Importante: o centro no que se entregue a documentación será determinante para a asignación do lugar de realización da proba que corresponda.

Estrutura da proba: a proba consta de dúas partes.

a. Parte común: proba de lingua castelá, proba de lingua galega e proba de matemáticas.
b. Parte específica (con tres opcións, a escoller a que se desexe):

Opción A. Economía, lingua estranxeira (francés/inglés) e filosofía.
Opción B. Debuxo técnico, tecnoloxía industrial e física.
Opción C. Ciencias da terra e ambientais, química e bioloxía.

Para aprobar a media das dúas partes debe ser superior ao 5. Nengunha parte debe obter calificación inferior a un 4. Poden consultarse modelos de exames dos anos anteriores neste enlace.

Distribuir contido


by Dr. Radut