Skip to Content

INTERNACIONALIZACIÓN ERASMUS+

CONCURSO DE LOGOS

CONVOCATORIA DO CONCURSO DE LOGOS PARA O PROGRAMA "BREAKING DOWN THE WALLS"

Breaking Walls


    Os integrantes do programa de internacionalización do IES Plurilingüe Elviña, que non paran, argallaron un xeito de teren entretidos aos alumnos do centro con talentos de deseño ocultos (ou publicamente recoñecidos). Por iso, para lle dar visibilidade ao seu programa, idearon un concurso de logotipos.

     Neste mundo de hoxe, visual, interactivo, semella cousa de necesidade imperiosa contar cunha imaxe coa que identificar o noso traballo diante da comunidade. Este concurso destínase á creación desa imaxe, aberto a todo o alumnado do centro.

    O proxecto de traballo, dentro do programa Erasmus+ da Unión Europea, leva por título "BREAKING DOWN WALLS" (Derrubando muros), e con el pretendemos rachar coas fronteiras das clases tradicionais e explorar novos horizontes seguindo camiños alternativos para as clases, colaborando inclusive con docentes e centros doutros países de Europa. Este é o proxecto para o que tedes que idear unha imaxe.

As bases son ben sinxelas

A. Poderá participar calquera alumno/a do IES Elviña no curso 2020-21

B. O prazo de presentación de traballos rematará o 22 de xaneiro de 2021

C. O traballo gañador obterá un cheque regalo por valor de 50 € para gastar na librería KIKOS.  Ademais, os traballos finalistas serán recoñecidos polo Dpto. de plástica para subir a nota desta materia nos cursos nos que se imparta

D. Os traballos deberán entregarse na Conserxería do instituto dentro dun sobre pechado e SEN NOME DE AUTOR. Na portada do sobre porase un lema. Dentro doutro sobre, co mesmo lema escrito, irán os datos do/a autor/a do traballo

ANIMÁDEVOS A PARTICIPAR !!

Bases do concurso
Que é un logo

Proxecto "Derribando Muros"

Desde o IES Elviña puxemos en marcha un proxecto de internacionalización para romper cos límites da clase tradicional. O proxecto levarase a cabo durante os cursos 2020-2021 e 2021-2022 coa finalidade de acadar os seguintes obxectivos:

  1. Internacionalizar o centro a través de colaboracións con outras entidades.
  2. Integrar procesos de innovación e modernización no centro fomentando o uso de novas metodoloxías fora da aula.
  3. Posta en valor da contorna do centro incorporando os valores ambientais, socioculturais e lingüísticos.

O noso proxecto "Derribando Muros" presentado dentro do programa Erasmus + KA101 foi aprobado cunha dotación económica de 18.500€.

Durante os dous cursos académicos que dure o proxecto dez representantes do claustro de profesores realizarán cinco actividades de mobilidade: catro cursos dunha semana de duración en centros de formación europeos e un período de observación nun centro escolar de Baia Mare (Rumania).

Achéganse os criterios de selección do profesorado interesado en realizar algunha mobilidade ().

 O comité de selección de candidatos estará formado polo director, xefa de estudos e coordinadora de internacionalización.

 

Distribuir contido


by Dr. Radut