Skip to Content

Extraescolares

VISITA DE ALUMNADO DE ITALIA NO IES ELVIÑA

VISITA DE ALUMNADO ITALIANO
(5 de maio de 2022)

01a01b
01e01f

No marco do Proxecto de Internacionalización que os docentes do IES Elviña estamos a desenvolver para potenciar a imaxe exterior do noso centro e convertelo nun punto de referencia educativo a nivel europeo, foi un orgullo para nós recibir a visita dos nosos colegas do ITE Foiano Della Chiana e do ISTITUTO Comprensivo Statale Francesco Morosini, dous centros de estudos situados respectivamente na Toscana e na cidade de Venecia.

Estes colegas estiveron connosco durante dous días observando o noso xeito de traballar, unha representación dos seus alumnos tivo a oportunidade de interactuar cos nosos nunha xornada chea de emoción para eles. Neste intercambio, os seus rapaces explicáronnos os eixos do seu proxecto Erasmus +, así coma o conxunto de actividades que estaban a desenvolver na cidade da Coruña, mentres que os nosos tiveron a oportunidade de explicarlles o proxecto baseado na sostenibilidade no que levan meses traballando, realizando tamén unha visita guiada pola exposición de carteis en varios idiomas que foron colocados no porche do instituto e que plasman as conclusións do noso proxecto.

A celebración do día internacional de Europa, 9 de maio, tivo tamén un lugar especial na visita, conmemorándoo cunha actividade de Kahoot en varios idiomas sobre a Unión Europea.

A xornada finalizou coa actividade “Na procura da árbore perdida”, na que os alumnos debían entrar coa axuda dunha tablet no blogue do herbolario do noso instituto é apuntar a máxima información para localizar eses árbores no xardín botánico. Agasallamos a todos os rapaces e profesores acompañantes cun  pequeno ágape composto de alimentos naturais e sostibles.

No IES Elviña estamos convencidos de que esta xornada foi inesquecible para eles e seguiremos a traballar por mais actividades coma esta.

GRADUACIÓN. Promoción 2020-22

A PROMOCIÓN 2020-22 GRADÚASE
ACTO DE DESPEDIDA NO CENTRO ÁGORA

E agora, viaxeiro,
navega lonxe, busca, atopa... (W.W.)

081012
141618


   
Despois de dous anos limitados pola pandemia (que malhaxa!), o alumnado de 2º de Bacharelato do noso centro pode voltar á celebración por todo o alto do seu egreso. Motivo de felicidade sempre, todas as persoas que compoñen o IES Plurilingüe Elviña poñen o mellor de seu nesta feliz despedida que ten o seu aquel de maina morriña polo alumnado que, tras longos anos de afondamento nos saberes humanos, rompe a codia xa para emprender voos máis audaces nos estudos e na vida. Como é lei estudiantil, hai que miralo co seu aquel de alegre malenconía, mistura entre a tristura da despedida (pois profes e alumnos fomos familia por un tempo) e a ledicia polos deberes cumpridos.

Orla20-22

 

     Esta promoción, de rapaces e rapazas de xeneroso e nobre espírito, despediuse no centro Ágora en compaña de familiares, amigos e docentes (que tamén o son). Coa contribución do ben coñecido xornalista Pablo Portabales, quen aceptou adicarlles unhas verbas de alento para o futuro, o noso alumnado fecha o seu segundo curso de bacharelato (sempre o máis difícil) con honores.

   Compartimos con vós o contento, e tamén, cómpre dicilo, as inquedanzas e esperanzas cara ao porvir. Pero tede confianza. O mesmo esforzo que vos trouxo aquí, levaravos onde desexedes, e todo irá ben. Para nós, formades parte do mellor que pode recibir a sociedade da xuventude e do ensino: sodes e seredes sempre parte deste centro, este IES Elviña, que vos acolleu con cariño e que vos despide hoxe con orgulloVale!

*     *     *

LV Reseña
La Voz de Galicia
publicou hoxe na súa versión dixital unha entradiña
coa
información sobre a graduación do IES Elviña.
Deixamos o enlace de consulta clicando na imaxe.

 

O alumado do IES Elviña na Olimpiada Matemática

Logo AGAPEMAA semana pasada o IES foi un dos catorce centros da área da Coruña participantes na Olimpiada Matemática organizada por AGAPEMA. Destinada aos estudantes de 2º ESO, a Olimpiada Matemática é unha convocatoria anual para os máis apaixoados entusiastas de números e formas xeométricas. Aqueles que aceptan o desafío poñen a proba o seu inxenio fronte a problemas matemáticos de formidable dificultade, co énfase posto na valoración da orixinalidade e creatividade nas respostas, mesmo por riba da súa exactitude.

Na foto, os nosos oito fabulosos participantes na edición deste ano. Grazas por representarnos e sorte coa fase de zona!

 

Foto con diplomaFoto de grupo

ÉXITO NA OLIMPIADA MATEMÁTICA

O ALUMNADO DO IES ELVIÑA, VICTORIOSO NA OLIMPIADA MATEMÁTICA GALEGA

O alumnado do IES Elviña participou neste curso na Olimpiada matemática da AGAPEMA por iniciativa docente do Departamento desta especialidade. Precisamente a pasada semana celebrouse no Círculo das artes de Lugo a final galega deste evento, onde un representante do noso centro acadou o trofeo á "Beleza matemática" polo seu bo facer nas olímpicas probas numéricas (difíciles dabondo, mais non para el, segundo parece).

Noraboa, Paulo, polo teu éxito, que é o de todo o centro. Segue así!

 Paulo gañador

DÍA DA CIENCIA NA RÚA 2021

O IES ELVIÑA DE NOVO PARTICIPANTE NO DÍA DA CIENCIA

Cartel

Desde hai anos, o noso centro ten por tradición da primeira semana de maio, a participación no Día da ciencia na rúa, que vai xa pola súa XXV edición. O ano pasado, o confinamento impediu o desenvolvemento desta actividade, que o Dpto. de matemáticas tiña xa preparada. Por fin, este ano recupérase a tradición de festexar a ciencia na nosa cidade, pero, co aquel de tornar á normalidade pouco a pouco, o fasto houbo de pasar da rúa ao teatro, como lé o lema do cartel anunciador. Pois ben, benvido sexa, pois, o Día da Ciencia no teatro!

 

Ciencia 1
Día da ciencia 2

E ao teatro fomos: unha exquisita selección de alumnado de ESO e Bachaerlato do noso centro e máis dúas profesoras do Dpto. de matemáticas (as dúas Marías, a saber, Sancosmed e Chan, que ergueron o pavillón científico de Elviña con alta dignidade no amplo escenario do Colón). Alí expuxeron os rapaces e rapazas os seus matemáticos traballos, dos cais quedará memoria por mór do glorioso invento de Niepce (exemplos consultables enriba e no Instagram do centro)  e do vídeo dixital colgado en Vimeo pola organización do evento.

Que lles aproveite aos interesados (e interesadas)!
E
noraboa aos sabios participantes!

Vídeo VIMEO

Distribuir contido


by Dr. Radut