Skip to Content

Extraescolares

Viaxe a Grecia 2019

      O alumnado de Grego de Bacharelato do noso centro, acompañado pola súa profesora, visitamos a Hélade na semana de Antroido nunha viaxe organizada pola SEEC de Galicia. Percorremos a sorprendente Atenas e o multiforme Peloponeso: o canle de Corinto, Micenas rica en ouro, Epidauro como centro terapéutico de Asclepio, Mesenia a sempiterna rival de Esparta, Pilos e o pazo de Néstor, Olimpia orixe dos xogos, Delfos e o seu oráculo...

Seguinco as pegadas dos antigos gregos clarificamos o noso mundo. Nesta viaxe polo berce da nosa civilización guiounos a luz do noso magnífico Hermes particular chamado Lefteris.

Rapazas e rapaces interactuaron no "eclesiasterion" de Mesenia coa lectura de poemas de Tirteo e de Pondal nun magnífico día case de primavera. Aprendemos e desfrutamos moito. Quedamos deslumbrados na nosa peregrinación pola beleza. Queda aquí unha mínima mostra gráfica...

Álbum: Actividades -> Viaxe a Grecia 2019

ACTIVIDADES DE XANEIRO (e III)

 BRANCAS DIVERSIÓNS PARA COMEZAR O ANO

09

    Como rematou xa a 1ª avaliación (esperemos que chegaran ás casas boas noticias) e veñen os tempos das choivas e dos ventos na nosa anterga Galicia, cómpre fuxir uns días do trafego diario, e onde mellor recalar que nunha estación invernal na compaña de dous profes rumbosos de Educación física? Pois alá se foron, ás nevadas lomas do Pirineo a dar choutos cos esquís. Disque había escaseza de neves ata que chegaron eles, que trouxeron as ventiscas ao lombo desde as nosas terras. Soe pasar. Xa se sabe que, coas ventiscas, as pistas pechan, así que tamén se aproveitou para facer un pouco de patinaxe, argallar un boneco (con cenóurico apéndice nasal e todo) e saír nos telexornais de Telecinco (Elviña sempre é noticia!).

02

03
Na pista de xeoPosando con Cenouro

     Sendo, como son, fantásticas estas actividades nas que o traballo se combina co lecer, hai que subliñar desta volta o comportamento dos rapaces que mesmo recibiron felicitacións dos responsables do hotel como o mellor grupo de alumnado que viran en tempo (outra vez Elviña dando exemplo!). E deberon ser porque desta vez pouco traballo deron ao dispensario. En resume, cumpríronse todos os obxectivos: os profes sobreviviron, o alumnado desfrutou (Uriel viu a neve!!), todos patinaron e esquiaron, saíron na tele e, como non, inmortalizaron as súas estampas nas fotos de rigor. Velaí tedes algunhas...

151214
05 SEMANA BRANCA
(Curso 2018-19)
01
110605

CHEGOU O NADAL AO IES ELVIÑA

Fin do primeiro trimestre

     Achéganse os días finais do primeiro trimestre e as luces do Nadal acéndense no noso instituto. Ao mesmo tempo que se adorna o rostro da fachada cunha nova e flamante porta de cristal, engalánanse tamén os andares e os espazos públicos do centro para festexar o fin de tremestre e a chegada do tempo das Saturnalia-Janucá-NadalAcumúlanse as actividades e celebracións no IES Elviña nestas datas: patinaxe sobre xeo, visita á casa-museo de Valle-Inclán en Vilanova de Arousa, exposición de tarxetas postais, preparación de "cookies" non informáticas, exposición de murais sobre os dereitos humanos, actividades da Biblioteca... En fin, que neste frenesí de fin de trimestre, entre exame e exame, avaliación e avaliación, aínda hai tempo para as celebracións.

A nosa "Árbore de biblionadal"

010203
101112

     Empecemos pola Biblioteca. A intrépida bibliotecaria Alba Lorenzo, adicou un tempiño co alumnado de 3º de ESO para acondicionar a seriosa biblio de acordo coas datas que corren. Como, polo visto, Santa Claus tamén pasará pola nosa biblioteca, deixouse unha árbore de libros para que se entreteña este orondo visitante nórdico. En fin, que, desde a biblioteca do IES Elviña, se desexan felices festas e que o vindeiro 2019 veña con moitas lecturas para todos e todas!

O instituto vestido de invernía

     Pois o dito, que como chega o solsticio de inverno toca encher todo de espumillóns verdes, árbores con boliñas de cores e todo iso. Aí van as fotos.

01
02
03


Christmas & Cookies

     Outros que se sumaron ás celebracións son os rapaces e as rapazas e o profesor e a profesora (hai que ser inclusivos e inclusivas) do grupo de Actividades plurilingües do luns á tarde. Así que, co aquel da viciñanza do Nadal, o grupo fixo unha actividade consistente en cociñar unha receita tradicional inglesa, os Gingerbread cookies. Metidos novamente a cociñeiros despois do Thanksgiving, adeliñaron os ingredientes da masa e déronlles forma, coa calor da lareira (i.e. forno) déronlles tamén vida (They are alive!), e despois as degustaron (ou sexa, que as comeron, pero finamente) mentres cantaban a Christmas Carol (galego común: panxoliña) The twelve days of ChristmasMáis fotos para o delight da vista.

040507
010302


Árbore e postais de Nadal

E, para rematar, a nosa árbore, montada este ano polo alumnado de PMAR coa inestimable dirección de Gemma López. Grazas a todos polo traballo.

árborePostais

Felices festas desde o IES Elviña!

III CONCURSO "COMIDAS DE OUTONO" NO IES ELVIÑA

COMIDAS DE OUTONO NO IES ELVIÑA

 00 
 

INGREDIENTES

287 rapaces e/ou rapazas
42 profesores, profesoras e persoal do centro de ensino
50 m2 de instalacións do IES Elviña
100 pratos de cartón (contra o cambio climático)
cubertos varios
unha chea de ricos entrantes, postres...
40 Kg de orixinalidade e gañas
50 Kg de bo humor
e 2 toneladas de paciencia familiar (benditas nais...!)

 

PROCEDEMENTO

Póñanse os rapaces, os profesores os pratos e a chea de ricos entrantes e postres cos cubertos no soto das instalacións do IES Plurilingüe Elviña ás 12:10 horas do día 30 de novembro. O bo humor e a paciencia familiar xa se dan por feitos, tratándose das familias e do alumnado máis rumboso da Coruña (que ninguén se nos enfade, xa dixemos que temos bo humor). Axítese todo ben e déixese acougar vinte minutos.

Et voilà! Bon appétit!
Xa temos preparadas as comidas do outono do IES Elviña

010203
040506

 

III Concurso de "comidas de outono"

     Como xa ven sendo tradicional no noso centro o Departamento de dinamización da lingua galega organiza a finais de novembro unha xornada lúdica adicada ao pracer da mesa autumnal, a saber, o Concurso de comidas de outono, que xa vai pola súa terceira edición. Xa se sabe que o de gañar só é unha fermosa honriña para un par de privilexiados; aquí o importante é compartir, pasar un bo chisco xantando as creacións culinarias d@s compañeir@s (e dos demais membros da comunidade escolar, que tamén adicaron a súa tarde a preparar as súas delicatessen).
     E iso foi o que pasou: alegría para a rapazada (sobre todo, pero non só) no segundo recreo e unha xornada para lembrar.

111009


    Nesta ocasión fixéronse máis de 30 receitas, desde as tradicionais castañas cocidas (máis otoñal non se pode) ata as delicias de cenoura e cabaza que fixeron as ídem da populosa concurrencia. Un ano máis, o chocolate saiu triunfante, coa receita de gulosas galletas de Fernando (2º ESO), que levou a palma.

Arturo-receitaArturo
 

    Unha mención especial para Arturo Piñeiro, que deixou abraiado a todo o mundo coa súa Biosfera de outono con aires de vainilla e menta. E abofé que estaban ben saborosos eses ventos con sabores de novembro. Bravo, Arturo!

     O noso experto director de cinema Carlochos fixo este vídeo sobre a xornada, adicado a nosa compañeira Pilar, que se xubila en marzo. Que a súa xubilación sexa venturosa!

IES ELVIÑA AND THANKSGIVING DAY

O DÍA DE ACCIÓN DE GRACIAS DO IES PLURILINGÜE ELVIÑA

     O terceiro xoves de novembro celébrase en Estados Unidos Thanksgiving. Con motivo desta festividade o grupo de Actividades Plurilingües púxose mans a masa coordinado pola "master chef" Janna Karatas, que, ademais das conferencias e das aulas de idiomas, tamén lle pon o seu touch na repostería. O pinche Fran Amado contribuiu coa súa sabia presenza a que a masa estivese no seu punto xusto. Todos xuntos e ben avenidos cociñaron dúas receitas tradicionais desta data: Sweet Potato Slices Cornbread. Foi unha oportunidade para que o alumnado aprendera unha chea de novo vocabulario ao tempo que participaba dunha das máis antergas e venerables tradicións americanas.

E claro, de paso tamén encheron o bandullo. Faltaría máis!

ThanksgivingThanksgivingThanksgiving
Thanksgiving
Distribuir contido


by Dr. Radut