Skip to Content

Extraescolares

GRADUACIÓN DO ALUMNADO DE 2º DE BACHARELATO

012º BACHARELATO. 41ª PROMOCIÓN (2017-2019)

Rematado o curso, o pasado venres 24 de maio o noso alumnado de 2º de Bacharelato celebrou o seu ansiado egreso. Por esta causa, todos os integrantes da comunidade de Elviña -familias, alumnado, profesorado e persoal non docente-, sacaron do armario as súas mellores galas para o evento. Pagaba a pena facelo para unha ocasión tan festiva.  A nosa benquerida amiga Mercedes Feijóo Díaz acudiu de novas ao centro na súa calidade de exdirectora, profesora de matemáticas e conferenciante (aí queda iso!) para dar unha ultima lectio aos graduados e ás graduadas sobre a vida de dúas mulleres matemáticas de excepción (a francesa Sophie Germain e a galega María Wonenburger). Todos os presentes desfrutaron da charla, amena e didáctica.

020304
10a10b10c
10d10f10e

Os rapaces e as rapazas do curso recolleron os seus diplomas conmemorativos e leron os seus discursos de despedida, inmellorablemente dirixidos polos presentadores do evento, Tatiana e Miguel, que amosaron o seu encanto natural e bo humor. A ocasión do egreso dunha promoción ten sempre esa dupla faceta de alegría polo fin dun ciclo e de melancólica tristura pola despedida. Así foi unha vez máis. En todo caso, parabéns a todo o alumnado que rematou os seus estudos. Agora toca voar alto.

Orla

 

PROXECTO TERRA 2019

SAÍDA A FERROL DENTRO DO PROXECTO TERRA

Dentro das actividades do Proxecto Terra, co que o Departamento de Xeografía e Historia do noso centro ven colaborando dende hai xa bastantes anos, tocoulle o turno neste curso á visita á cidade de Ferrol. Co material do Proxecto, o alumnado puido estudar nas aulas as características da paixaxe urbana dunha cidade costeira. Para rematar as unidades didácticas deste estudo, o estudantado de 3º ESO A e B acudiu o día 9 de maio á veciña cidade ártabra para coñecer in situ as súas características. Pasaron alí todo o día (a choiva acompañou, non en van vivimos na milenaria Galiza das brétemas). Deron un paseo en barco pola Ría, visitaron Mugardos, o castelo de San Felipe e, claro está, percorreron a cidade. Velaquí as fotos da xornada: 

05161824
30333442
47505152

adorno

O album completo da xornada

Álbum: Actividades -> 2019. Proxecto Terra: Ferrol

XXIV DÍA DA CIENCIA NA RÚA

ELVIÑA NA RÚA, DIGO... A CIENCIA NA RÚA

000 Como xa é costume inveterado (e moi saudable), o noso centro participou o pasado sábado día 4 de maio na XXIV edición do Día da ciencia na rúa que organiza a Asociación de amigos de la Casa de las Ciencias no Parque de Santa Margarita da Coruña. En espazo privilexiado dentro da explanada central do parque, o noso centro montou a súa "jaima" chea de sedutores reclamos científico-matemáticos. O alumnado colaborador estivo a traballar todo o ano para preparar as actividades e explicalas con todo luxo de detalles aos concurrentes. Alí se viron cousas de nomes fascinantes e exóticos coma as razóns matemáticas das curvas (que ninguén pense mal, son as elipses e paraboloides dos billares...), adiviñas topolóxicas, maxia matemática (moito máis coñecida entre o vulgo como "prestidixitación mental a través de código binario") e outras moitas actividades semellantes.

010405
252224
081009

     O profesorado de matemáticas e ciencias do IES Elviña implicouse na festa (mención especial para Edita, profesional entregada á causa e responsable principalísima da alta calidade do traballo deste ano) e, como sempre, os alumnos e as alumnas participantes responderon coma profesionais. Dígano todos os visitantes que se achegaron pola "jaima", incluído R2D2, e que saíron algo máis que satisfeitos da experiencia (porque saíron máis sabios do que entraron!). Grazas tamén a todas as familias, profesorado e alumnado que aproveitaron o bo tempo para achegarse ao parque en apoio do centro.

Ana e Heloísa cocacoleando pola cidade

      Mención moi especial para as dúas alumnas de 1º de Bacharelato (Ana Caramés e Heloísa Souza) que participaron no concurso Cocaleando, facendo unha xincana científica por toda a cidade. Coma os resultados do concurso non se fixeron públicos aínda, contamos con posibilidades de que gañen premio. Ben merecido o terán pola súa entrega e compromiso con todas as actividades do centro. 

015017

 

O ALBUM DE FOTOS DO EVENTO

Álbum: Actividades -> XXIV Día da ciencia na rúa

O IES ELVIÑA NA FINAL DO JUNIOR BUSINESS TALENT

FINAL DO CONCURSO DE SIMULACIÓN EMPRESARIAL JUNIOR BUSINESS TALENT
 
     Parabéns aos alumnos de 1º BACH B: Paco Díaz Feito, Mario Mato Saccomanno e Bruno González García, finalistas do concurso.
 
     O 5 de abril, un equipo formado por estes alumnos acudiu á FINAL DO CONCURSO DE SIMULACIÓN EMPRESARIAL JUNIOR BUSINESS TALENT celebrada en Madrid, despois de se teren clasificado de entre máis de 3000 equipos en toda España, entre os 4 primeiros da provincia da Coruña que daban dereito a asistir á mesma.
     Acompañados do profesor de Economía Iñaki Tomás aproveitaron o día anterior para facer unha visita cultural por Madrid para ver, entre outros, os museos Reina Sofía e o Prado. Pola noite asistiron a unha obra de teatro na Gran Vía. 
     Xa nunha emocionante final, que se desenvolveu na Nave en Villaverde (Madrid) os nosos loitaron de forma moi competitiva logrando colocarse terceiros do seu grupo.

010203
040506
070809

DE VIAXE EN SANTANDER

1º e 2º de ESO por terras cántabras

     Adoitan os métodos pedagóxicos o acomodo, mal que ben, co espírito de cada época. Nos tempos dos que xa o temos, o espírito educativo tiña hábitos sedentarios (ou sexa, que os estudantes pasabamos as horas e os días sentadiños na aula e atendendo ao profe de turno, aínda que o de atender era un dicir, claro, figura literaria chamada antonomasia). Quen nos ía dicir a nós que tanto mudarían as tornas? Agora o que priva para aprender é o movemento: hai que saír por aí, sacar aos rapaces para que lles dea o ar e lles ventile o maxín coas paisaxes non coñecidas. En fin, que o espírito pedagóxico ese mudou en itinerante, e abofé que aos rapaces non semella importarlles moito. E aos sufridos "profes"? Aí os vedes, sorrindo rexuvenecidos (sen esaxerar, xa eran xóvenes cando saíron), todos felices e contentos... Quen diría que pasaron catro noites sen durmir!

    Pero vaiamos ás cuestións: quen foron? Foron os rapaces e as rapazas de 1º e 2º de ESO do Elviña. E "Ubi fuerunt?" que diría o Boecio. Pois foron a Cantabria cun percorrido completiño: Santander, covas do "Soplao", albergue rural con actividades lúdicas na montaña, parque de Cabárceno, Santillana do Mar, Altamira... E como o pasaron? Iso terano que dicir eles, pero, a xulgar polas imaxes, diríase que non mal de todo.

01020304
1V2V3V4V
05060708

 
Presíntese que queimaron enerxía. Afortunadamente deixaron algunha:
AÍNDA LLES QUEDA UN TRIMESTRE!

Álbum: Actividades -> Viaxe a Cantabria 2019
Distribuir contido


by Dr. Radut