Skip to Content

Música

ADAPTACIÓN DE CONTIDOS E CRITERIOS PARA A 3ª AVALIACIÓN

DEPARTAMENTO1º ESO2º ESO3º ESO4º ESO1º BACH2º BACH
MÚSICA--MúsicaMúsicaMúsicaLePMusical--

NOTA LEGAL: A actualización das programacións didácticas é compentencia exclusiva de cada departamento didáctico, e a responsabilidade do seu cumprimento dos docentes que os integran, todo isto suxeito á supervisión de inspección educativa; polo mesmo, debe axeitarse ao cumprimento das instrucións publicadas pola Consellería de Educación, Universidade e Formación Profesional o pasado 27 de abril (http://www.edu.xunta.gal/portal/node/30936) e o resto de normativa en vigor.

Voltar a Departamentos

EXCELENCIAS MUSICAIS

ALUMNADO DO IES ELVIÑA FINALISTA DA FINAL DO
CONCURSO DE CORDA "CIDADE DE VIGO" 2019

    Hai uns días falabamos das excelencias de certa alumna de 3º de ESO do noso instituto, de concerto por Culleredo. Non se pechaba aínda esa información, cando chegaba á nosa redacción a noticia de que esa mesma alumna alcanzaba a final no Concurso de corda "Cidade de Vigo" 2019.
     Entoábamos na primeira ocasión os nosos máis sinceiros desexos (máis ben presumibles certezas) de que a intérprete tivese no eido da interpretación do violoncello un futuro prometedor... Pouco imaxinaba o redactor da anterior reseña que ese futuro se volvese tan rápido presente.

Os nosos parabéns á experta intérprete e aos seus mestres!

Premiobases

ENSAIOS DA ORQUESTRA SINFÓNICA DE GALICIA

17 de xaneiro, 2020
09:30 horas
Vento do leste e choiva intensa 

Grupo expedicionario de alumnos e alumnas de 1º de Bacharelato e 2º de ESO do IES Elviña comandados polas xenerais de brigada Gemma López e Ana Rivera. Saíron en misión de aprendizaxe cara o Pazo da Ópera da cidade.

Misión: asistir á escoita (e desfrute) dun concerto de música clásica da OSG comandado polo director holandés Otto Tausk.
En programa: a estrea mundial da obra "sol, quizás, o nada" (título moi axeitado para este día) do compositor Hugo Gómez Chao e o  Concerto para dous pianos do compositor francés Francis Poulenc. Foron solistas os irmáns Lucas e Arthur Jussen, que tiveron moito éxito (non só musical). Amabilísimos, accederon a retratarse cos rapaces.

Misión cumprida con éxito!

010304

EXCELENCIAS DO ALUMNADO DE ELVIÑA

De concerto en Culleredo

Concerto Xóvenes intérpretes

     Abrimos a fiestra para amosar o talento do noso alumnado. O pasado martes 19 de novembro ás 19:30 horas unha das nosas alumnas de 3º de ESO participou no Concerto para intérpretes de violoncello que se ofreceu no Auditorio Gustav Mahler do Conservatorio de Música de Culleredo. Unha representación do profesorado do noso centro acudiu presto e xeneroso para dar pulos á solista, quen, facendo honor á ousadía que adoita ser norma da xuventude, actuou co aplomo dunha profesional auténtica, segundo testemuñaron os deleitados cronistas.

      Baixo a mirada atenta -e seguramente severa- da súa mestra Ruslana Prokopenko e coa compaña ao piano de Damián Hernández, interpretou obras de Tchaikovskij, Goltermann, Eccles e Aratiunian nun programa de entidade no que compartiu escenario con outras xóvenes promesas galegas -e galegas de adopción- da interpretación deste fermoso instrumento que agocha nas súas cordas as verbas senlleiras da humana emoción.

     Noraboa á intérprete polos seus logros xuvenís, que fan esperar o mellor para o futuro, e noraboa tamén a quen a alenta o seu labor (os seus fachendosos pai e nai, moi especialmente).

cello1cello2

Adorno

FIN DE TRIMESTRE NO IES ELVIÑA

O IES ELVIÑA
desexa Felices Festas

Como cada decembro, despedimos o ano co festival de Nadal. Gemma López encargouse da realización, con tanto éxito e gosto como de costume. O alumnado de todos os grupos traballou arreo para ofrecer a todo o público un espectáculo de calidade. 

festival

Houbo teatro, música de grupos, de solistas, e monólogos cómicos. Fallou o baile: os zapatos non chegaron a tempo... (...outra vez será!). O calor das actuacións tivo resposta no calor do público, que aplaudiu con gañas. Boa forma de rematar o ano. De últimas, proxectouse o vídeo das actividades coa felicitación da comunidade escolar para o ano que ven. Aí vai, cos nosos mellores desexos.

Boas festas e feliz aninovo
a todos e todas!

  

Distribuir contido


by Dr. Radut