Anuncios

Calendario de 2º BACH ata as probas ABAU 2024

O alumnado de 2º de Bacharelato será avaliado o día 15 de maio e recibirá os boletíns da avaliación final o día 16 de maio. O alumnado que titule, de acordo coa lexislación vixente, terá aberto o prazo de prematrícula na secretaría do centro para as probas de selectividade (ABAU) entre o 16 e o 20 de maio. O procedemento será como o dos anteriores anos. Como sempre, toda a información sobre as probas está a disposición do alumnado e das familias no portal da CiUG (Comisión Interuniveristaria de Galicia). Un breve resumo das datas máis importantes ao respecto ofrécese nos seguintes cadros:

*      *      *

*      *      *

DOCUMENTACIÓN PARA O ALUMNADO QUE SE PRESENTA Á PROBA

A. Resumo convocatoria: información básica sobre a convocatoria. Especialmente importante a información sobre material que o alumnado pode levar á proba (dicionarios, calculadoras...)

B. Procedemento de matrícula ABAU:

Instrucións de matrícula
Impreso de matrícula ABAU
Impreso de taxas de matrícula ABAU (pode xenerarse en NERTA)
Instrucións para o pago das taxas da ABAU con tarxeta de crédito a través de NERTA

C. Instrucións para o uso de NERTA

*      *      *

PAGO DAS TAXAS PARA A EXPEDICIÓN DO TÍTULO DE BACHARELATO

Todo o alumnado que titule en 2º Bacharelato deberá solicitar na secretaría do centro o Título de bacharel e proceder ao pagamento das taxas correspondentes a través dunha entidade bancaria asociada. A información de como facelo podedes atopala nos enlaces:

A. Instrucións para o pagamento das taxas do título de BACHAREL
B. Impreso baleiro de pagamento de taxas (premer en "Iniciar Tasa" e "Descargar modelo". O impreso tamén pode atoparse nas oficinas de ABANCA)
C. Información necesaria para cubrir os datos do impreso

*      *      *

MODIFICACIÓNS AO FORMATO DOS EXAMES DAS PROBAS ABAU

As modificacións establecidas para o curso 2020 manteranse nesta convocatoria. Estas modificacións descrébense na Resolución do 28 de abril de 2020 [DOG 6 de maio de 2020].

Parámetros de ponderación para o curso actual

BOLSAS DO MINISTERIO DE EDUCACIÓN
PARA ESTUDOS POSTOBLIGATORIOS
CURSO 2024-2025

PUBLICACIÓN DE PRAZO DE SOLICITUDES
DE BOLSAS MEC PARA O CURSO 2024-25

     O pasado día 13 de marzo foi publicada a Resolución da secretaría de estado de educación coa nova convocatoria de bolsas e axudas de carácter xeral para alumnado de estudos postobrigatorios no curso 2024-2025.

    O prazo para presentación de solicitudes irá nesta ocasión desde o 19 de marzo ata o 10 de maio, ambas datas incluídas. A presentación de solicitudes debe facerse obrigatoriamente a través da sede electrónica do Ministerio de Educación.

Enlaces de interese relacionados coas Bolsas MEC 2024-2025

• Portal de bolsas/becas do Ministerio de educación
• Portal de bolsas/becas do Ministerio de educación (solicitude)
• Páxina de normativa sobre bolsas/becas do Ministerio de educación
• Enlace coa páxina do portal de transparencia do Ministerio de Facenda
• Texto completo da convocatoria

    Lembren que a solicitude e concesión da bolsa de axuda está supeditada ao cumprimento de certos requisitos no curso 2024-25 (manter a matrícula aberta durante todo o curso, non ter absentismo inxustificado en ningunha materia, superar un mínimo do 50 % das materias nas que o/a alumno/a se matricule no curso 24-25). En caso de incumprimento destes requisitos, as contías das bolsas serán reclamadas para a súa devolución.

Enlace coa entrada correspondente no blog da orientadora do centro [En preparación]

[RESUMO do portal da Consellería de cultura]

A. INFORMACIÓN SOBRE O PROCEDEMENTO DE ADMISIÓN DE ALUMNADO

     O procedemento de admisión para alumnado de centros adscritos sen praza ou para o alumnado doutros centros estará aberto entre o día 1 de marzo e o día 20. O trámite de admisión poderá realizarse na secretaría do primeiro centro de elección ou a través da Sede electrónica da Xunta de Galicia (procedemento ED550B) se o/a solicitante posúe certificado electrónico ou Chave 365.

B. DOCUMENTACIÓN INDISPENSABLE [Descargar]

a. Formulario de admisión ANEXO II ED550B cuberto e asinado.

b. ANEXO IIbis co formulario de comprobación de datos no que consten TODOS OS DEMAIS membros da unidade familiar coas súas sinaturas + formulario de conformidade do/a outro/a proxenitor/a cuberto e asinado.

c. Copia do Libro de familia onde o/a alumno/a figure (deberá traerse tamén o orixinal para o cotexo) e de todos os membros da unidade familiar. Para facilitar a corrección de erros frecuentes cos datos persoais, copia dos DNI de todos os membros da unidade familiar.

d. Boletín de cualificacións de xuño/setembro ou certificación académica do/a alumno/a (orixinal ou copia cotexada).

e. No seu caso, convenio regulador ou resolución xudicial de separación ou divorcio (completa).

f. Documentación xustificativa que corresponda aos criterios de baremo alegados (pode adiantarse no período de admisión ou presentarse no período de alegacións e baremación, ver cadro no punto seguinte)

C. PRAZOS E BAREMACIÓN

     Os prazos do procedemento, segundo a Orde de 21 de outubro de 2022, serán os seguintes:

1. Presentación de solicitudes. Entre o 1 e o 20 de marzo. Todas as presentadas despois deste rango de datas serán solicitudes Fóra de prazo e quedarán automaticamente excluídas.

2. Información de prazas non suficientes. No caso de non existir prazas suficientes para algún dos cursos, esta circunstancia farase pública o día 21 de marzo a través desta páxina web e do taboleiro informativo da secretaría do IES Elviña. Esta circunstancia obrigará á baremación das solicitudes corrrespondentes. Os criterios de baremo e a súa xustificación documental responderá ao indicado na lexislación vixente (CRITERIOS DE BAREMACIÓN).

3.Requerimento de subsanación de erros e/ou de aportación de documentación necesaria.
O centro de ensino poderá requerir calquera documentación faltante en prazo de 5 días. A non subsanación de erros poderá ser obxecto de perda do dereito de participación no procedemento.

4. Prazo de aportación de documentos para baremación. Os solicitantes disporán de 10 días hábiles para entregar a documentación que acredite os criterios de baremo que alegasen nos formularios de admisión. Esta documentación, para facilitar o proceso, poderá ser entregada xunto co resto da documentación no período de presentación de solicitudes. IMPORTANTE: NON SE CHAMARÁ A NINGUÉN PARA RECLAMAR A ENTREGA DE DOCUMENTACIÓN.

5. Publicación de listaxes provisionais. As listaxes provisionais faranse públicas únicamente no taboleiro da secretaría do centro ou a través da aplicación electrónica. Na páxina web do centro darase conta da súa publicación cando se produza.

6. Prazo de reclamación contra as listaxes provisionais. As reclamacións deberán presentarse no prazo disposto a través de instancia escrita e asinada na secretaría do centro, facendo constar razoadamente a causa da reclamación. Finalizado o prazo de reclamacións, o consello escolar do centro avaliará e resolverá as reclamacións presentadas.

6. Publicación de listaxes definitivas. As listaxes definitivas faranse públicas únicamente no taboleiro da secretaría do centro ou a través da aplicación electrónica. Na páxina web do centro darase conta da súa publicación cando se produza.

Referencias lexislativas aplicables

a.   Decreto 13/22022, do 3 de febreiro, polo que se regula a admisión en centros docentes sostidos con fondos públicos que imparten ensinanzas de segundo ciclo de educación infantil, educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación [DOG do 11 de febreiro de 2022]

b.  Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C) [DOG 8 de novembro de 2022]

ENLACE COA INFORMACIÓN COMPLETA DE SECRETARÍA SOBRE O PROCEDEMENTO DE MATRÍCULA