Centro educativo

Viaxe a Londres de alumnado de 3º e 4º da ESO do IES de Valga

O alumnado de 3º e 4º da ESO está de viaxe esta semana  en Londres acompañado pola profesora Rosa Rutherford e Julia Menéndez.

Para ampliar foto prema na imaxe.

Actividades dia 23 de marzo: Obradoiro de crepes, karaoke TEI, actividades sustentabilidade

     

O dia 23 de marzo foi un dia  de múltiples actividades  no IES de Valga. O departamento de Francés organizou un obradoiro de Crepes, o grupo TEi un karaoke donde titores o titorados cantaron cancións, e realizaronse actividades sobre sustentabilidade como a do iceberg e as tarxetas de economía organizado polo grupo de traballo sobre  Sustentabilidade.

O IES Valga destaca polos seus resultados na ABAU

   O alumnado do noso Centro que participou na última ABAU está dentro dos vinte primeiros centros públicos de Galicia na nota media de selectividade (ABAU) na súa fase obrigatoria, sendo ademais unha das medias máis altas nos concellos de ámbito rural. Os datos foron publicados este pasado fin de semana polo xornal La Voz de Galicia. Neste enlace pódese consultar toda a información desta nova que vén a corroborar o bo traballo levado a cabo pola comunidade educativa do IES Valga.  
   

A exalumna Belén Senín Santiago gañadora do XVIII premio de poesía Díaz Jácome

XVIII Premio Poesía Díaz Jácome    A exalumna Mª BELÉN SENÍN SANTIAGO proclámouse gañadora do XVIII premio de poesía Díaz Jácome convocado polo Concello de Mondoñedo en colaboración coa área de Cultura da Deputación Provincial de Lugo. O seu traballo é un poemario que leva por título “A Culpa” e parte das figuras de Eva, Pandora e Lilith para afondar en temas como o amor, o existencialismo e o feminismo. A gañadora, estudante hoxe en día do primeiro curso do grao de Filoloxía Galega, recibe un premio de 1.500 euros, unha placa e un diploma. Este sábado, a partir das 12 do mediodía, terá lugar na Casa do Concello de Mondoñedo a entrega de premios. Parabéns a Belén e que continúen os éxitos na súa carreira dentro do mundo literario.

Listaxes definitivas de admitidos/as e excluidos/as do fondo solidario de libros de texto curso 2017-2018 da Consellería de Educación

Publicación das listaxes definitivos de admitidos e excluidos nos  ficheiros adxuntos.

NOTA:

Nalgúns casos o alumnado que aparece excluido  é debido a problemas informáticos da Consellería pendentes de solucionar  (as nais/pais  deberían pasarse polo centro).

O alumnado que solicitou matricula fora de prazo procedente doutro centro ten que realizar a solicitude de novo; para este trámite un prazo dun mes desde a data en que formalizou a matrícula.

Nestes dias asignaranse os libros asignados e o centro farase cargo daqueles que  son de adquisición complementaria.

O xoves 21 a ANPA  estará  a partir das 8 da tarde no ximnasio do centro para realizar intercambios de libros  que non entran dentro do fondo solidario da Consellería.

Para máis información, dúbida ou suxestión non dubiden en poñerse  en contacto co centro.

 

 

 

Powered by Drupal - Design by artinet