Centro educativo

O pasado xoves 11 de maio, tivemos a visita do alumnado de 6º de Educación Primaria dos colexios do concello: CEIPP de Baño e CEP Plurilingüe Xesús Ferro Couselo. Nunha visita guiada, alumnas e alumnos coñeceron as diferentes instalacións do noso centro, así como algunhas das actividades que se desenvolven en cada curso académico. A actividade foi organizada pola Vicedirección en colaboración co departamento de Orientación. Agardámolos no vindeiro curso!

O martes 24 e xoves 26 de xaneiro tivemos dúas xornadas de portas abertas para o alumnado de 4º ESO do CPI de Pontecesures e do CPI Progreso de Catoira. O alumnado destes dous centros puido coñecer de primeira man as instalacións do noso centro (aulas materia, laboratorios, talleres, Biblioteca,...), así como a oferta educativa de Bacharelato e Ciclos formativos, xunto coas actividades que se levan a cabo. O departamento de Orientación e a Vicedirección foron os encargados de deseñar e guiar estas visitas, que ademais contaron coa colaboración de alumnado de 1º e 2º Bacharelato.

 Dende o IES Plurilingüe de Valga queremos transmitir as nosas condolencias á familia, amigos, compañeiros e clubs deportivos aos que pertencía o noso exalumno Ismael García Cores, tristemente falecido esta fin de semana cando practicaba unha das súas afeccións. Ismael estivo no noso centro onde completou os seus estudos da ESO e Bacharelato. O seu sorriso permanente quedará por sempre no recordo do noso centro,
 Descansa en paz, Isma.