Skip to Content

Centro educativo

Listaxe de libros de texto do IES de Valga curso 2016-2017

Listaxe de libros do IES de Valga  no ficheiro adxunto (rectificado)

100% aprobados na Selectividade

O alumnado de 2º Bacharelato que se presentou á proba de selectividade nos pasados 8, 9 e 10 de xuño obtivo un 100% de aprobados. Noraboa a esta promoción de Bacharelato 2014-2016 que, recén graduada, inicia unha nova andadura acádémica. Desde o IES Valga, desexámoslle moita sorte no seus novos estudos.  

Nova experiencia metodolóxica no IES Valga

Comunidades de aprendizaxe co alumnado de 1º ESO C   Comunidades de aprendizaxe co alumnado de 1º ESO C

Comunidades de aprendizaxe co alumnado de 2º ESO B   Comunidades de aprendizaxe co alumnado de 2º ESO B

O luns 6 e o martes 7 de xuño tivo lugar no noso Centro unha experiencia novidosa dentro das metodoloxías de aprendizaxe, levada á práctica co alumnado de 1º ESO C e 2º ESO B.  Esta actividade sobre “Comunidades de aprendizaxe” está dentro do programado polo grupo de traballo que neste curso académico se desenvolveu no Centro. Participaron na actividade diferentes membros da comunidade educativa: nais, alumnado de 1º Bacharelato, persoal non docente e representante do concello. Foi unha diferente e interesante actividade realizada nas materias de Educación Emocional e Lingua Galega no caso de 1º ESO e de Educación para a Cidadanía no de 2º ESO. Neste enlace pódese ollar unha pequena mostra do que foi esta actividade na aula de 1º ESO C.

Acto de graduación da promoción de Bacharelato 2014-2016

Acto de graduación da promoción de Bacharelato 2014-2016    Acto de graduación da promoción de Bacharelato 2014-2016

O xoves 26 de maio e, no Auditorio de Cordeiro, tivo lugar o Acto de Graduación da promoción de Bacharelato 2014-2016. Foi un acto entrañable e emotivo onde o alumnado fixo un repaso aos anos que pasou no noso Centro. O acto completouse con: actuacións musicais,  os discursos do rexidor municipal, da delegada e subdelegado do curso, da madriña e do padriño, así como do Director de Centro. Tamén non podía faltar a entrega de diplomas ao alumnado graduado, finalmente houbo a entrega dos diplomas á matrícula de honra e do premio Ángel Carracedo, ámbolos dous recaeron na alumna Ana Otero Losada

Alumnado do IES Valga acada primeiros postos na Copa de España de piragüismo

Jonathan Baleirón e J. Antonio Fraga medalla ouro en C-4   Laura González medalla de ouro en K-4   Noa Tourís 5ª clasificada en C-1

   Este fin de semana tivo lugar en Sevilla a Copa de España cadete de piragüismo sobre a distancia de 1.000 metros nas modalidades individuais e de equipo. Os alumnos José Antonio Fraga Souto e Mario Rodríguez Abuín de 3º ESO e Jonathan Baleirón Blanco de 4º ESO do Clube Náutico Pontecesures acadaron o primeiro posto e polo tanto medalla de ouro no C-4. Pola súa banda, a alumna de 4º ESO, Laura González Tubio acadou a medalla de ouro na modalidade de K-4 co seu equipo do Clube Piragüísmo As Torres-Romaría Vikinga de Catoira. Ademais mencionar o quinto posto da alumna de 4º ESO, Noa Tourís do Clube Piragüísmo As Torres-Romaría Vikinga de Catoira na modalidade de C-1. Noraboa campións e sorte en futuras participacións para seguir acadando novos éxitos.

Distribuir contido


by Dr. Radut