Centro educativo

O alumnado da promoción de Bacharelato 2021-2023 que acudiu a realizar a proba de Avaliación de Bacharelato para o Acceso á Universidade (ABAU) 2023 na convocatoria ordinaria de xuño obtivo uns moi bos resultados ao acadar o 100% de aprobados. Parabéns!!! e moita sorte para o futuro.

O mércores 31 de maio a Escola Técnica Superior de Enxeñaría (ETSE) da USC acolleu a entrega dos premios da III edición do concurso de vídeos "Informatízate" no que resultaron gañadoras do 1º premio para a modalidade de Estudantes de Secundaria, Bacharelato e Formación Profesional as alumnas do noso centro Yaiza D. Tarrío Leiva (2º ESO) e Ainhoa Valiño Valiño (1º Bacharelato) polo seu traballo: "Entrevista a Marta Arca". Xunto a Yaiza Tarrío recibiron o recoñecemento deste 1º premio: Marta Arca, xerente de proxectos da empresa Plexus Tech, Aubrey Benmark (auxiliar de conversa de Inglés), e o profesorado Nieves Gómez, Beatriz Lloret e Diego Botana.

Lembrar que o proxecto gañador destaca o papel da muller no ámbito tecnolóxico e pódese ollar picando neste enlace.

Parabens a todas elas!!!