Skip to Content

Centro educativo

Acto de graduación alumnado de 2º de Bacharelato

O noso IES  despediu na tarde de onte a unha xeración de alumnos que, tras cursar 2º de Bacharelato, rematan a súa etapa no instituto. Vinte e catro estudanes recibiron os diplomas e as orlas nun acto celebradono Auditorio Municipal e que mesturou a nostalxia dunha etapa que se pecha coa ilusión ante o comezo de novos proxectos formativos e profesionais.

O alcalde, José María Bello Maneiro, e a concelleira de Educación, Carmen Gómez, representaron ao Concello na graduación

 O rexedor afirmou que “é unha satisfacción para Valga contar con mozos tan formados e con tanto futuro”, aos que desexou novos éxitos académicos e profesionais. Transmitiulles o recoñecemento en nome de todos os veciños “polo traballo ben feito durante estes anos de instituto” e felicitou ás súas famlias porque “elas tamén forman parte deste éxito”.

Sobre esta promoción de alumnos, o director Roberto Barral, que tamén se despide este curso do IES de Valga, indicou que “é unha xeración moi potente que aproveitou moi ben esta etapa no instituto. Teñen futuro tanto a nivel académico e profesional, como a nivel persoal, como cidadáns cuns valores de xustiza e solidariedade”.

En representación dos profesores e como padriños de promoción, Juan Carlos Montejano (“Jano”) e Loli Rego pediron aos recén graduados que “sempre levedes no corazón a este instituto público e vos sintades orgullosos de ter estudado no IES de Valga”. Por último, Andrea Carlés, transmitiu en nome dos alumnos o agradecemento aos mestres e ás súas familias.

Durante o acto, que foi presentado por Xabier Martínez, entregáronse os premios Ángel Carracedo ao mellor expediente de Ciencias e IES de Valga ao mellor expediente de Humanidades e Ciencias Sociais. O primeiro recaeu en Lara Padín e o segundo compartírono Manuel Romero e Andrea Rodríguez.

Unha actuación musical a cargo de Lucía Ortigueira e Andrea Búa deu por rematada a graduación.

VIII edición da Carreira da Lingua no IES de Valga

   Máis de catrocentos estudantes de Valga participaron esta mañá na VIII Carreira pola Lingua, que anualmente organiza o instituto coa colaboración do Concello de Valga. Ademais de alumnos de ESO, Bacharelato e Ciclos, correron tamén polo galego escolares de 5º e 6º de Primaria dos colexios de Baño e Ferro Couselo, así como algúns dos seus mestres. Antes de colocarse na liña de saída, alumnos dos tres centros educativos lembraron á homenaxeada este ano no Día das Letras Galegas, María Victoria Moreno, coa lectura da súa biografía, textos da súa autoría e rapeando varios dos seus poemas. Ademais, músicos da Escola e da Banda municipais interpretaron o Himno Galego, ao que puxo voz Isabel Catoira.
                                                                                                                

A carreira discorreu polas zonas de Baño – Avenida Bella Otero, estrada de A Bouza, Outeiriño, Igrexa de Xanza, Senín, Sixto e Carballiño, para regresar de novo por Baño ata o IES. Case sete quilómetros de distancia, se ben se preparou un percorrido alternativo e máis curto para os nenos de Primaria. Efectivos de Protección Civil, do Grupo de Emerxencias e Policía Local, axudados tamén por estudantes, vixiaron que a carreira transcurrira sen incidentes.

Os gañadores na categoría feminina de Primaria foron, de primeiro a terceiro posto, Nerea Novo Romero, María Rodríguez Abuín e Noa Guerra Lestido. En categoría masculina o campión foi Iván ToucedaDiz, seguido de Pablo Miguéns Amo e Roberto Pérez Cecón.

En canto aos corredores do IES de Valga, en categoría masculina, o podio quedou composto por Ángel Rodríguez, Adrián Touceda e Daniel Sánchez. En categoría feminina a gañadora foi Aroa García, Marta Gimarey chegou segunda e en terceiro lugar entrou na meta Noelia Miguéns.

Por último, en maiores de 18 anos o podio feminino quedou integrado por Julia Sainz, Noelia Vallina e Julia Menéndez, as tres mestras. Pedro Cascallar, alumno de Ciclos, gañou en categoría masculina, seguido dos profesores Francisco Rama e Daniel Loureiro.

Os gañadores recibiron a súa merecida medalla nun acto posterior á carreira celebrado no patio exterior do instituto, e logo de reponer forzas con auga, bebidas enerxéticas e froita. Sorteáronse entre os asistentes varios agasallos e tamén se entregaron os premios do concurso de lemas. Os gañadores foron Lucas Fernández, no colexio de Baño; Carlos San Jurjo, no CEP Xesús Ferro Couselo; e Lidia Curros no IES. O seu eslogan “Keep calm and coidadiño que son galego” foi o que luciu nas camisetas que vestiron todos os participantes e que foron aportadas polo Concello. A administración municipal tamén colaborou xestionando os patrocinios de Coca-Cola, Froiz e Cooperativas Lácteas Unidas. O alcalde, José María Bello Maneiro, e a concelleira de Educación, Carmen Gómez, asistiron tanto á saída da carreira como aos actos posteriores.

A xornada de festa rematou con coreografías a cargo dun grupo de alumnos de 1º da ESO e as actuacións de Isabel Catoira e Manuel Rodríguez, que cantaron “Alecrín”, e de Zelani, que versionou ao galego a canción “Perfect” de Ed Sheeran. A banda “Blues do País” puxo o colofón.

Viaxe a Londres de alumnado de 3º e 4º da ESO do IES de Valga

O alumnado de 3º e 4º da ESO está de viaxe esta semana  en Londres acompañado pola profesora Rosa Rutherford e Julia Menéndez.

Para ampliar foto prema na imaxe.

Actividades dia 23 de marzo: Obradoiro de crepes, karaoke TEI, actividades sustentabilidade

     

O dia 23 de marzo foi un dia  de múltiples actividades  no IES de Valga. O departamento de Francés organizou un obradoiro de Crepes, o grupo TEi un karaoke donde titores o titorados cantaron cancións, e realizaronse actividades sobre sustentabilidade como a do iceberg e as tarxetas de economía organizado polo grupo de traballo sobre  Sustentabilidade.

O IES Valga destaca polos seus resultados na ABAU

   O alumnado do noso Centro que participou na última ABAU está dentro dos vinte primeiros centros públicos de Galicia na nota media de selectividade (ABAU) na súa fase obrigatoria, sendo ademais unha das medias máis altas nos concellos de ámbito rural. Os datos foron publicados este pasado fin de semana polo xornal La Voz de Galicia. Neste enlace pódese consultar toda a información desta nova que vén a corroborar o bo traballo levado a cabo pola comunidade educativa do IES Valga.  
   
Distribuir contido


by Dr. Radut