"Quero soñar que irei para perderme
alá onde ancoran todos os navíos
e ser pedra de lava, laranxeiro
que chanta sobre ti raíces firmes"
X. M. Millán Otero
O luns 20 de novembro, nun emotivo e sinxelo acto, a nosa comunidade educativa fíxolle unha homenaxe ao noso compañeiro e profesor Javier Hermida, recentemente falecido. Neste evento descrubiuse unha placa na entrada aos talleres de Fabricación Mecánica, espazo onde Javier desenvolveu o seu labor docente e que a partir deste momento levará o seu nome. O acto contou coa asistencia do responsable da Xefatura Territorial da Consellería de Educación, César A. Pérez Ares, o alcalde de Valga, José María Bello Maneiro e a concelleira de Educación, Carmen Gómez, ademais do Equipo directivo, membros da ANPA e compañeiros e excompañeiros docentes de Javier.