CLUB DE LECTURA O BERETE LECTOR

Este martes 10 de maio, ás 15:00 horas o club de lectura O berete lector celebrou a derradeira xuntanza deste curso. Nesta ocasión compartimos a lectura da novela xuvenil O segredo de Al´Eume e contamos coa presenza da autora Pilar Ortega Piñeiro.

Canto hai da vida da escritora na novela? Cal é a frontera entre realidade e ficción? Como é o proceso da escritura? Que persoaxes e temas atraeron e sorprenderon máis? Estas foron algunhas das inquietudes que xurdiron no trascurso da agradable tertulia.