O alumnado do Ciclo Superior de Educación Infantil do réxime modular acudiu de visita o día 7 de maio a unha saída que durou toda xornada.
Primeiro o técnico de educación do Concello de Oleiros explicoulles os programas educativos para infantil e observaron de primeira ollada unha sesión de hortas escolares nun colexio.
Posteriormente acudiron a unha visita ao espazo Arkhé, onde observaron o espazo, explicáronlles as actividades, a súa liña metodolóxica, a creación da empresa,.... e mil cousas máis.
Pola tarde coñeceron a EIM A Caracola da man de Beatriz e Susana, visitaron o seu espazo e a súa forma de traballar, facendo fincapé nas actividades diarias no exterior chova ou faga sol, no seu programa de comedor con alimentos saudables e na metodoloxía de xogo e de movenento libre.
E xa para rematar a xornada, acudiron ao Centro Ágora onde as bibliotecarias contáronlles varios contos da biblioteca infantil, ensináronlles os espazos e materiais, faláronlle dos programas e dos usuarios e usuarias da biblioteca do Ágora e das outras bibliotecas municipais, e falaron da importancia da coordinación coas asociacións, escolas e colexios da zona, así como o poder achegar a cultura a todas e todos e de adaptarse aos usuarios/as e ás súas características e necesidades.
Acabou sendo un día longo pero moi interesante!
|