O pasado 29 de novembro de 2017, no marco do programa da Consellería de Cultura, Educación e Ordenación Universitaria "Visitas a Empresas", o alumnado de Economía e de Iniciación á Actividade Emprendedora de 4º ESO visitou as instalacións da CRTVG.

O pasado mes de decembro de 2017 parte do noso alumnado de 2º ESO tivo a oportunidade de participar nunha actividade moi especial organizada pola Consellería de Cultura, Educación e Ordenación Universitaria: a "semana STEM". O departamento de física e química fixo a solicitude para o centro no mes de setembro e en outubro recibimos a noticia de que o IES Arcebispo Xelmírez II resultara seleccionado para a súa participación con 25 alumnas e alumnos. O balance global da experiencia é moi positivo.

O IES Arcebispo Xelmírez II de Santiago de Compostela convoca o III Premio Ofelia Devesa de Educación Activa, que ten como finalidade promover a investigación, a divulgación e a creatividade entre o alumnado de Educación Secundaria e Bacharelato.

O pasado venres, 15 de decembro, o alumnado de psicoloxía de 2º de bacharelato asistiu no Salón Teatro á representación da obra Fémina Sapiens de INVERSA TEATRO. 

Ao longo destes días continuamos co desenvolvemento das actividades en relación co Día internacional contra a violencia de xénero, que comezamos a pasada semana cunha serie de charlas-coloquio organizadas polo departamento de filosofía. En particular, para o día de mañá 23 de novembro, en colaboración coa Federación de ANPAS de Compostela, temos prevista unha concentración no patio da entrada ás 12:10 h coincidindo co segundo recreo.  Se a situación meteorolóxica é adversa, a concentración trasladarase ao vestíbulo do centro.

O terceiro xoves do mes de novembro celébrase, cada ano, o Día Mundial da Filosofía para recordar a importancia da reflexión filosófica e animar as persoas de todo o mundo a compartir a súa herdanza filosófica entre si. Co gallo desta celebración, ao longo desta semana, o Departamento de Filosofía do noso centro organizou unha serie de charlas-coloquio dirixidas ao alumnado de 3º e 4º de ESO e de 1º e 2º de Bacharelato.

Co gallo do 25 de novembro, día Internacional contra a violencia de xénero, o IES Arcebispo Xelmírez II súmase á campaña promovida polo Concello de Santiago de Compostela #EnNegroContraAsViolencias.