Skip to Content

Acceso á universidade

ABAU 2022. Instrucións de matrícula

Instrucións de matrícula

Para a matrícula nas probas de ABAU en realidade hai que realizar dous trámites:

1. Solicitar o título de Bacharel:

2. Prematrícula nas probas ABAU

                - presencialmente en oficina bancaria. O pago efectúase antes da prematrícula no centro, e hai que aportar o xustificante de pago.     

               - telematicamente a través de Nerta. Esta modalidade de pagamento realízase despois da prematrícula no centro, despois de ter recibido os datos de acceso no correo electrónico e activar a conta na aplicación.     

  • Documentación a aportar para realizar a prematrícula:
    • Impreso de solicitude do título de bacharelato cuberto
    • Xustificantes de pago das taxas (de ABAU -agás en caso de pagamento online- e do título), cada un por duplicado. En caso de pagamento online das taxas do título, os xustificantes xerados no momento do pagamento. Se se fai presencialmente no banco, os documentos selados pola entidade bancaria.
    • Impreso de matrícula ABAU cuberto
    • Fotocopia do DNI
    • En caso de familia numerosa, orixinal e fotocopia do libro de familia

 

PRAZO DE MATRÍCULA DO XOVES 19 AO LUNS 23 DE MAIO

Horario de atención no centro:

    • Para evitar aglomeracións, convén que a matrícula se faga por grupos, en horario de 10:30 a 14. Preferentemente, o xoves 19 matrícula do alumnado con primeiro apelido ata a letra L (incluída), e o venres 20 o alumnado restante. 

 O martes 24 o alumnado debe revisar no centro os seus datos de matrícula en NERTA, podendo interpoñer na secretaría do centro reclamación aos mesmos, ata as 14:00. Ese día recollerán o certificado de Celga 4 e o seu historial académico.

 ABAU: COMISIÓNS DELEGADAS E SEDE DOS EXAMES

As comisións delegadas son os lugares onde se celebran os exames da ABAU, podes consultar a relación delas neste arquivo. O alumnado do IES Arcebispo Xelmírez II examínase na Facultade de Ciencias Económicas e Empresariais, no Campus Norte.

PROTOCOLO PARA A REALIZACIÓN DAS PROBAS ABAU

É importante ler con atención o protocolo que rexirá a realización das probas.

ABAU 2022. Instrucións para a realización das probas

Xúntase a Resolucióndo 11 de febreiro de 2022, conxunta da Secretaría Xeral de Universidades e da Secretaría Xeral de Educación e Formación Profesional, pola que se ditan instrucións para realizar, dentro do curso 2021/22, a avaliación de bacharelato para o acceso á universidade (ABAU) no curso 2022/23:

RESOLUCIÓN do 11 de febreiro de 2022

Recordade que podedes consultar toda a información relacionada coa realización das ABAU neste ano académico no apartado correspondente na web do IES Arcebispo Xelmírez II e na web da CIUG (http://ciug.gal/).

Preinscrición e matrícula na universidade

Resumo do procedemento de preinscrición e matrícula na universidade en Galicia 2020

Ver o seguinte arquivo

 

Procedemento e prazos reclamacións cualificacións 2º Bacharelato

Publicada na web da Consellería de Educación o procedemento para a reclamación das cualificacións de 2º Bacharelato.

Na convocatoria ordinaria o prazo de reclamación é o 10 e 11 de xuño (ata as 14:00)

Na convocatoria extraordinaria o prazo é o 3 e 4 de setembro.

 

ABAU 2020. Instrucións

ABAU 2019. Cartel

ABAU 2019. Instrucións para a realización das probas

Publicada no diario oficial de Galicia (DOG) do día 21 de febreiro de 2019 a Resolución do 11 de febreiro de 2019, conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2018/19, da avaliación de bacharelato para o acceso á universidade (ABAU) para o curso 2019/20.

ABAU 2018. Convocatoria de matrícula

Mañá mércores 9 de maio ábrese o prazo de matrícula anticipada para a convocatoria ordinaria de xuño de 2018 da proba ABAU para o alumnado que xa estea en posesión do título de Bacharelato. Para o alumnado que cursa 2º de Bacharelato neste ano académico o prazo de prematrícula será do 24 ao 28 de maio.

Toda a información de datas e procedementos podedes consultala no ficheiro adxunto que corresponde á convocatoria de matrícula.

ABAU 2018. Instrucións para a realización das probas

Xúntase a Resolución do 27 de marzo de 2018, conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2017/18, da avaliación de bacharelato para o acceso á Universidade (ABAU) para o curso 2018/19:

RESOLUCIÓN do 27 de marzo de 2018

Recordade que podedes consultar toda a información relacionada coa realización das ABAU neste ano académico no apartado correspondente na web do IES Arcebispo Xelmírez II e na web da CIUG (http://ciug.gal/).

ABAU 2018. Instrucións para o alumnado publicadas pola CIUG

A CIUG ven de publicar no día de hoxe unha circular con instrucións importantes para o alumnado que se presente ás ABAU no 2018, en relación con aspectos como: a presentación, a matrícula, a realización dos exames ou o material permitido, entre outras cousas.

Podedes consultala premendo na imaxe sobre esta liñas ou nesta ligazón: Instrucións ABAU 2018.

Ponderacións das materias para o acceso ás ensinanzas universitaris no curso 18/19 e notas de corte do curso anterior (Actualizado)

ABAU 2018. Borrador coas instrucións.

Publicado o BORRADOR da Resolución conxunta do ---- de marzo de 2018, da Secretaria Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2017/2018, da avaliación de bacharelato para o acceso á Universidade (ABAU) para o curso 2018/2019.

Distribuir contido


by Dr. Radut