Skip to Content

Física e Química

Conferencia do Dr. Miguel González Blanco no STEMbach

O doutor Miguel González Blanco, investigador do CiMUS da USC, pronunciou no noso centro unha conferencia para o alumnado STEMbach.

Nesta charla, puido compartir co alumnado a súa traxectoria investigadora, desde a súa etapa predoutoral ata a actualidade. Ademáis, explicou con enorme claridade os aspectos esenciais do traballo que desenvolve na investigación de reparación do ADN.

Moitísimas grazas ao Dr. González Blanco, así como ao CiMUS, por esta motivadora conferencia, e por compartir con nós o seu valioso tempo e os seus inmensos coñecementos.

O alumnado STEMbach visita a Facultade de Matemáticas

O xoves 11 de xaneiro, o alumnado STEMbach tivo a oportunidade de visitar a Facultade de Matemáticas da USC no Campus Sur.

A decana da facultade, a profesora Elena Vázquez Cendón, deunos a benvida e presentou á profesora Elena Vázquez Abal, que impartiu unha marabillosa conferencia, "Medindo como se curvan as cousas", que nos fixo reflexionar a todos sobres diferentes xeometrías posibles.

 

Moitísimas grazas á USC, á Facultade de Matemáticas e ás profesoras Elena V. Cendón e Elena V. Abal pola súa dispoñibilidade, pola calurosa acollida e pola calidade da conferencia.

Programacións didácticas 2023-24 departamento de Física e Química

Programacións didácticas correspondentes ás materias do departamento de Física e química para o curso 2023-24 (Física e química de 2º ESO, 3º ESO, 4º ESO e 1º Bach, Física de 2º Bach e QUímica de 2º Bach).

Plans de recuperación de pendentes Física e Química 2023-24

No arquivo adxunto pódese consultar a información relativa ás materias pendentes do departamento de física e química para os cursos 2º ESO, 3º ESO e 1º Bach. Inclúen os criterios de cualificación, as tarefas que se deben entregar e os prazos para facelo, así como as datas aproximadas das probas escritas de avaliación.

Tamén se pode consultar a información no seguinte enlace: https://1drv.ms/b/s!AhQmFdg3YAc8hO4rAV0pPrejotDnBw?e=eITz7L.

Exposición "Astrónomas" no vestíbulo do centro.

Nestas primeiras semanas do curso 2023-24, está dispoñible a exposición "Astrónomas" no vestíbulo principal do centro. Dáse así continuidade ás semanas finais do curso anterior, nos que xa estivo exposta.

Anímate a solicitar unha visita ao teu titor ou titora, ou ao profesorado de calquera materia!

O noso centro accede, a través do Observatorio Astronómico "Ramón María Aller", da USC, e da profesora de astronomía Josefina Ling, ao préstamo da exposición. Están expostos os dezaseis carteis que a forman, que tratan numerosas figuras femininas relevantes na astronomía e a astrofísica a nivel mundial, e diferentes contidos relacionados con este eido científico. Cada cartel leva un código QR que podes escanear para acceder á web do proxecto "Astrónomas", que é moito máis amplo que o que se expón: https://astronomas.org/.

Lanzamento da MARUMASAT V

Dentro do proxecto Marumasat, no que participa o IES Arcebispo Xelmírez II, este ano 2023 retomáronse as actividades ao máximo nivel: o 10 de maio lanzouse a V sonda estratosférica.

Viaxou ata Quiroga, e aquí tedes un avance do sucedido nesta inolvidable data.

 

 

Aquí está o enlace a un pequeno vídeo para abrir boca: https://1drv.ms/v/s!AhQmFdg3YAc8hLF9rvIukUZNsMbRPg?e=ZtB4dC.

 

PROGRAMACION DIDACTICA LOMLOE FISICA E QUIMICA 2022-23

Programación didáctica do departamento de FQ para o curso 2022-23 nos niveis LOMLOE: 3º ESO e 1º BAC.

PROGRAMACION DIDACTICA LOMCE FISICA E QUIMICA 2022-23

Programación didáctica do departamento de FQ para o curso 2022-23 nos niveis LOMCE (non afectados pola lexislación LOMLOE) 2º ESO, 4º ESO e 2º BAC.

Transnational meeting en Plovdiv

O pasado 10 de setembro dous profesores do centro, José Luis Martín Iglesias e Moisés Iglesias González, viaxaron a Bulgaria para asistir ao segundo Transnational meeting do proxecto BYOD. A reunión tivo lugar en Plovdiv, a segunda cidade máis importante de Bulgaria, próxima a Sofia, e tratáronse aspectos relacionados coa evolución do proxecto e co desenvolvemento dos obxectivos do mesmo. Foi unha experiencia moi fructífera e moi interesante, tanto pola ubicación da xuntanza, Plovdiv é unha cidade do tamaño de Santiago e cun grande patrimonio histórico, coma por volver ver aos participantes de novo.

TPM Plovdiv

Visita: Saída a Sotavento

O pasado 16 de novembro, o alumnado de 4ºESO de Ciencias Aplicadas, Cultura Científica e Tecnoloxía visitou o Parque Eólico Experimental de Sotavento, en Xermade (Lugo).

Logo de recibir unha explicación xeral da historia e sentido do Parque, o alumnado dividiuse en dous grupos para percorrer as instalacións acompañados polo persoal, que foi explicando polo miúdo todo canto alí se viu.

Entre outras cousas, o alumnado puido ver os elementos que se aloxan na góndola dun aeroxerador e incluso asomarse ao interior do fuste dun aeroxerador en funcionamento.

Un dos momentos máis interesantes da visita foi a entrada na vivenda bioclimática demostrativa, na que observar diversas técnicas de aforro enerxético, dende o propio deseño pasivo da vivenda (orientación, muros trombe, reaproveitamento de pluviais, etc.), ata a incorporación de instalacións enerxéticas eficientes (caldeira de biomasa, bomba de calor, etc.).

Sen dúbida, unha saída ben aproveitada. Grazas ao persoal de Sotavento.

Sotavento

Sotavento

Sotavento

IX Maratón de Astropartículas

O IX Maratón de Astropartículas celebrarase en Santiago de Compostela entre os días 13 e 15 de outubro de 2021. O proxecto, financiado pola Fundación Española para a Ciencia e a Tecnoloxía ( FECYT), pretende divulgar todas as cuestións e investigacións actuais relacionadas co Universo, o seu principio, os seus constituíntes, a materia escura ou os raios cósmicos que nos chegan continuamente desde o espazo exterior. Son temas de actualidade que pretenden achegar a física e promover as vocacións científicas entre xovenes desde os 13 anos ata os 18 anos.

Este maratón está organizado polos seguintes profesores e profesoras: Enrique Cao Rodríguez, Jorge Castro Mon, Xosé Dobarro, Jesús Fidalgo, Víctor Gómez González, Belén López, Jose Luís Martín Iglesias y Rosa Quintela Sende dos institutos: IES Antonio Fraguas, IES Arcebispo Xelmírez I, IES Arcebispo Xelmírez II e IES Rosalía de Castro e Mª Dolores Rodríguez Frías da Universidade de Alcalá, e contará cos seguintes relatores:

  • Gonzalo  Parente. Universidade de Santiago de Compostela
  • Luís do  Peral. Universidade de Alcalá
  • Ramón Iglesias. Observatorio  Javalambre, Teruel
  • Xosefina  Ling. Universidade de Santiago de Compostela
  • Verónica Villa. Universidade de Santiago de Compostela
  • Victor Tilve Rúa. Profesor de FP
  • Mª Dolores Rodríguez Frías. Universidade de Alcalá

Cartel da actividade

Programación Didáctica do Departamento de Física e Química para o Curso Académico 2021 -2022.

Programación Didáctica do Departamento de Física e Química para o Curso Académico 2021 - 2022.

Programación_Didáctica_Departamento_Física_e_Química_Curso_2020_2021

Programación Didáctica Departamento de Física e Química das materias adscritas para o curso académico 2020 - 2021.

Actividades do maratón de astropartículas

Os días 14 e 16 de outubro desenvolveuse no IES Arcebispo Xelmírez II a Maratón de Astropartículas (https://cienciaxelmirezii.wordpress.com/2020/10/25/maraton-de-astroparticulas/), un ciclo de charlas e actividades para o alumnado de 4º ESO (todo o alumnado) e 1º e 2º de bacharelato (de física e química e física, respectivamente) no marco da realización en Galicia desta actividade, grazas ao empeño da nosa compañeira Raquel Veira, do CPI O Cruce de Cerceda, e ao tesón da coordinadora da actividade, Mª Dolores R. Frías, que lidera este proxecto de divulgación financiado pola FECyT. Participou tamén alumnado do IES Rosalía de Castro (Santiago), co cal as actividades desenvolvérense en tres centros diferentes.

O maratón de astropartículas chega a Santiago de Compostela (e bisbarra...)

Entre o mércores 14 e o venres 16 de outubro de 2020 terá lugar o Maratón de Astropartículas en Santiago de Compostela.

Coordinado por Mª Dolores Rodríguez Frías, catedrática de Física na Universidade de Alcalá de Henares, é o resultado dun proxecto do FECyT.

Nesta ocasión, visitarán o IES Arcebispo Xelmírez II (mércores e venres pola mañá), así como o CPI O Cruce de Cerceda e o IES Rosalía de Castro. No noso centro haberá charlas e talleres para o alumnado de 4º ESO, e 1º e 2º de bacharelato (bacharelato científico e alumnado de Física).

Entre os poñentes das numerosas actividades, atópanse Luis del Peral (UAH), Gonzalo Parente (USC), Víctor Tilve e Ramón I. Marzoa (Observatorio de Javalambre), Mario Gómez (Univ. de Huelva) e Josefina Ling (USC).

https://spas.uah.es/

Distribuir contido


by Dr. Radut