Skip to Content

Club de ciencia

Experimentos

experimentos

 

Actividades Club de Ciencia

Lanzamento da Cápsula Estratosférica MARUMASAT

O alumnado do club de ciencias e do StemBach asistiu, o día 28 de maio, ao lanzamento á estratosfera da cuarta sonda MarumaSat da Axencia Espacial Escolar Galega, NOSA

Marumasat

Pódense ver fotos na seguinte ligazón Fotos

III Congreso da Axencia Espacial Escolar Galega NOSA

O alumnado do club de ciencias e do StemBach asistiu o día 11 de febreiro ao III Congreso da Axencia Espacial Escolar Galega NOSA celebrado no IES Miraflores de Oleiros.

Congreso NOSA

A tradición indica que os centros participantes neste proxecto (ademais do citado, o CPI O Cruce de Cerceda, así como os IES Maruxa Mallo de Ordes, Marco do Camballón de Vila de Cruces, Ferrol Vello desa localidade e o noso Arcebispo Xelmírez II de Santiago) van organizando por turno o congreso de cada ano.

Esta edición estivo amadriñada pola escritora Marilar Aleixandre. O desenvolvemento do Congreso consistiu, como vén sendo habitual, na presentación dos resultados do lanzamento da sonda espacial e os experimentos instalados na mesma (nesta edición correspondían á misión Marumasat III) e a comunicación dos obxectivos científicos que se pretenden lograr na seguinte edición.

O alumnado do club de ciencia presenta na EGAP o seu traballo.

O IES Arcebispo Xelmírez II foi invitado a expoñer o traballo desenvolvido no club de ciencia nas xornadas organizadas polo CAFI "Compartindo experiencias de formación en centros" (S1803002), celebradas na EGAP de Santiago de Compostela o 6 de outubro.

Seis alumnas e alumnos participantes no club de ciencia, en representación de todos os seus compañeiros, presentaron ao profesorado asistente as principais actividades levadas a cabo no proxecto de investigación de propiedades do solo, "Mira por onde pisas", así como as actividades proxectadas para este novo curso escolar.

Visita de Pilar Brocos e experimentos con auga no Club de Ciencia (La Voz de Galicia)

A experiencia do noso Club de ciencia na Revista Galega do Ensino (eduga)

O IES Xelmírez II continúa co programa de innovación educativa Club de Ciencia no curso 2017/2018 (La Voz de Galicia)

"Este club alienta a futuros científicos". A nosa experiencia co Club de Ciencia ImAXIInacción (Faro de Vigo, La Opinión A Coruña)

Poñemos en marcha o noso Club de Ciencia: "ImAXIInacción"

Hoxe recibimos a confirmación de que o noso centro resultou seleccionado pola Consellería de Cultura, Educación e Ordenación Universitaria para participar no programa piloto de innovación educativa "Club de Ciencia".

Distribuir contido


by Dr. Radut