Skip to Content

Club de ciencia

Exposición "Astrónomas" no vestíbulo do centro.

Nestas primeiras semanas do curso 2023-24, está dispoñible a exposición "Astrónomas" no vestíbulo principal do centro. Dáse así continuidade ás semanas finais do curso anterior, nos que xa estivo exposta.

Anímate a solicitar unha visita ao teu titor ou titora, ou ao profesorado de calquera materia!

O noso centro accede, a través do Observatorio Astronómico "Ramón María Aller", da USC, e da profesora de astronomía Josefina Ling, ao préstamo da exposición. Están expostos os dezaseis carteis que a forman, que tratan numerosas figuras femininas relevantes na astronomía e a astrofísica a nivel mundial, e diferentes contidos relacionados con este eido científico. Cada cartel leva un código QR que podes escanear para acceder á web do proxecto "Astrónomas", que é moito máis amplo que o que se expón: https://astronomas.org/.

Lanzamento da MARUMASAT V

Dentro do proxecto Marumasat, no que participa o IES Arcebispo Xelmírez II, este ano 2023 retomáronse as actividades ao máximo nivel: o 10 de maio lanzouse a V sonda estratosférica.

Viaxou ata Quiroga, e aquí tedes un avance do sucedido nesta inolvidable data.

 

 

Aquí está o enlace a un pequeno vídeo para abrir boca: https://1drv.ms/v/s!AhQmFdg3YAc8hLF9rvIukUZNsMbRPg?e=ZtB4dC.

 

Xornada do proxecto TEMP Phereclos en Lugo

O alumnado do club de ciencia, participante no proxecto TEMP Phereclos, participou na xornada organizada en Lugo polo decano da Facultade de Administración e Dirección de Empresas (ADE) do campus da USC nesta cidade, así como o equipo a cargo da organización global deste proxecto, Mercedes Novo, Wajih Al-Soufi e Marta Veiga.

O alumnado puido asistir a tres conferencias, presentar as súas ideas para os proxectos finais, nas que a ciencia e a tecnoloxía serían empregadas para a resolución de problemas reais, visitar a empresa AMSLab, o IES Lucus Augusti, instituto histórico de Galicia, e o máis antigo da Comunidade Autónoma, e asistir a actividades de ciencia nunha noite de investigadores no centro sociocultural O Vello Cárcere.

A xornada resultou sumamente completa!

Para máis información, visita o noso blog: https://cienciaxelmirezii.wordpress.com/2021/09/27/o-alumnado-do-club-de-ciencia-completa-o-proxecto-temp-phereclos-cunha-xornada-no-campus-da-usc-en-lugo/.

Estudantes de Portugal, Santiago e Lugo coñecen o Campus de Lugo da USC grazas ao proxecto europeo Phereclos

XuvenCiencia e a facultade de ADE luguesas súmanse á Universidade de Porto. Os adolescentes achegaranse aos centros universitarios e á cidade, participarán nun obradoiro en emprendemento tecnolóxico, conversarán con CEO de start-up e visitarán as instalacións da empresa tecnolóxica AMSLab

 

Sesenta estudantes preuniversitarios da localidade portuguesa de Valongo —duns 90.000 habitantes no distrito do Porto—, Santiago e Lugo participarán en actividades formativas incluídas no proxecto europeo Phereclos organizadas pola  facultade de ADE do Campus de Lugo da USC en colaboración con XuvenCiencia e a Universidade de Porto. Esta visita do alumnado portugués á cidade de Lugo, os días 23, 24 e 25 de setembro, completa o intercambio de estudantes iniciado a principios de setembro coa visita do alumnado galego a Universidade de Porto. 

Un grupo de 22 alumnos/as procedentes da Escola Profissional de Valongo (Profival), acompañado por dous docentes, chegará á Lugo o xoves 23. En primeiro lugar achegaranse á facultade de Ciencias do Campus de Lugo da USC (16.30 horas) e recibirán o saúdo do decano, Francisco Fraga. No percorrido polas instalacións e os laboratorios achegaranse ás tres titulacións de grao –Enxeñaría de Procesos Químicos Industriais, Nutrición Humana e Dietética e Bioquímica— que se imparten no centro. O programa inclúe tamén unha vista á facultade de Veterinaria, onde serán recibidos polo decano, Gonzalo Fernández, e terán a posibilidade de coñecer a Aula de Habilidades Clínicas e o Hospital Veterinario Rof Codina. A xornada do xoves rematará xa no centro da cidade, cunha visita á sede do Museo Pedagóxico de Galicia que alberga o instituto Lucus Augusti, tamén participante neste intercambio preuniversitario promovido dentro do proxecto Phereclos.

Precisamente, o alumnado dos institutos lugueses Lucus Augusti e A Nosa Señora dos Ollos Grandes e do IES compostelán Arcebispo Xelmírez II sumarase ao estudantado de Valongo para a sesión que comezará o venres ás 10.00 horas na facultade de ADE do Campus de Lugo da USC. Roberto Bande, decano de ADE, coa colaboración da Porto Business School, é o responsable do deseño dun obradoiro presencial que dará inicio con conversas con CEOs de dúas start-ups. Trátase de Elio López, responsable da compañía luguesa Innogando, de servizos para os gandeiros e de benestar animal, e Leticia Seara, de LexDigo, unha iniciativa no ámbito das Ciencias Sociais.

 Os estudantes aproveitarán este obradoiro presencial na facultade de ADE de Lugo para presentar as ideas de negocio que saíron das actividades previamente realizadas online e durante a viaxe que o estudantado galego do proxecto realizou a Porto os pasados días 2 e 3 de setembro. A continuación poderán aproveitar unha sesión de traballo titulada ‘Canvas como ferramenta de xestión estratéxica’ da man da profesora do Campus de Lugo da USC Begoña Barreiro, experta en creación de empresas.

Despois dun xantar no Campus, todo o grupo, acompañado nesta viaxe a Lugo por un equipo da Reitoría da Universidade de Porto, desprazarase ata o polígono do Ceao para coñecer as instalacións de AMSLab, unha empresa punteira no ámbito das solucións para análises de calidade en ámbitos tan diversos como o téxtil, a alimentación, a veterinaria, a farmacia ou os xoguetes.

Xa a partir das 18.00 horas do venres, o estudantado dos catro institutos poderá sumarse aos obradoiros, demostracións e presentacións organizados no Vello Cárcere de Lugo por XuvenCiencia e a Asociación de Investigador@s AgroMar do Campus de Lugo con motivo da G-Night, a celebración simultánea en toda Europa da Noite das Persoas Investigadoras. Dous destes obradoiros, ‘Experimentos de física’ e ‘Faz un telemóvel do tempo da pedra’, estarán ao cargo de persoal  docente e investigador da Universidade do Porto.

Os adolescentes e o profesorado procedente da Profival de Valongo e da Universidade do Porto aínda terán oportunidade na mañá do sábado 25 de setembro, antes de emprender camiño de regreso cara a Portugal, de camiñar o centro histórico da cidade e os seus tres Patrimonios Mundiais da Humanidade, así como achegarse a algún dos espazos verdes dunha cidade que é capital das Terras do Miño, que conta con declaración de Reserva da Biosfera pola Unesco.

Unha longa colaboración

Este intercambio está coordinado polos responsables do grupo de innovación docente XuvenCiencia, Mercedes Novo Rodríguez e Wajih Al-Soufi; o decano da facultade de ADE do Campus de Lugo da USC, Roberto Bande Ramudo, e Vítor Silva, da reitoría da Universidade de Porto. Grazas ao seu traballo conxunto e á participación dos institutos galegos Ollos Grandes, Lucus Augusti e Xelmírez II e o portugués de Valongo, a Porto Business School e a asociación Escola-ON naceu esta iniciativa galegoportuguesa de emprendemento tecnolóxico. 

O equipo transnacional no que toman parte XuvenCiencia e a Facultade de Administración e Dirección de Empresas de Lugo está liderado pola Universidade do Porto, a través da súa Universidade Júnior, que participa do proxecto PHERECLOS da convocatoria europea Horizon2020. O proxecto PHERECLOS (Partnerships for Pathways to Higher Education and Science Engagement in Regional Clusters of Open Schooling), que se podería traducir como Colaboracións para Camiños cara a unha Educación Superior e Compromiso Científico en Grupos Rexionais de Escolaridade Aberta, está integrado por universidades para nenos e mozos de Austria, Polonia, Dinamarca, Italia, Portugal, Finlandia, Romanía, Reino Unido e Colombia.

XuvenCiencia e a Universidade Júnior de Porto manteñen unha longa colaboración que ten como orixe a pertenza de ambas as institucións á Eucu.net, a rede das universidades europeas para a infancia e a mocidade, e nos exitosos campamentos para público preuniversitario que organizan tanto o grupo de innovación docente do Campus de Lugo da USC como o seu homólogo portugués.

Intercambio de estudantes de Galicia e Portugal

O Campus de Lugo da USC e a Universidade de Porto promoven un intercambio de estudantes de secundaria de Galicia e Portugal no mes de setembro

A iniciativa é unha acción resultante do proxecto europeo Phereclos, no que participan XuvenCiencia e a facultade de ADE luguesa. O alumnado manterá conversas con responsables de empresas tecnolóxicas lusas

Un grupo de 35 alumnos de Bacharelato dos institutos Arcebispo Xelmírez II de Santiago, e N. Sra. dos Ollos Grandes e Lucus Augusti de Lugo  ultiman os preparativos para viaxar á cidade de Porto os días 2 e 3 de setembro, onde participarán en obradoiros formativos incluídos no proxecto europeo Phereclos baixo a supervisión de XuvenCiencia e a facultade de ADE do Campus de Lugo da USC e da Universidade de Porto. 

Experimentos

experimentos

 

Actividades Club de Ciencia

Lanzamento da Cápsula Estratosférica MARUMASAT

O alumnado do club de ciencias e do StemBach asistiu, o día 28 de maio, ao lanzamento á estratosfera da cuarta sonda MarumaSat da Axencia Espacial Escolar Galega, NOSA

Marumasat

Pódense ver fotos na seguinte ligazón Fotos

III Congreso da Axencia Espacial Escolar Galega NOSA

O alumnado do club de ciencias e do StemBach asistiu o día 11 de febreiro ao III Congreso da Axencia Espacial Escolar Galega NOSA celebrado no IES Miraflores de Oleiros.

Congreso NOSA

A tradición indica que os centros participantes neste proxecto (ademais do citado, o CPI O Cruce de Cerceda, así como os IES Maruxa Mallo de Ordes, Marco do Camballón de Vila de Cruces, Ferrol Vello desa localidade e o noso Arcebispo Xelmírez II de Santiago) van organizando por turno o congreso de cada ano.

Esta edición estivo amadriñada pola escritora Marilar Aleixandre. O desenvolvemento do Congreso consistiu, como vén sendo habitual, na presentación dos resultados do lanzamento da sonda espacial e os experimentos instalados na mesma (nesta edición correspondían á misión Marumasat III) e a comunicación dos obxectivos científicos que se pretenden lograr na seguinte edición.

O alumnado do club de ciencia presenta na EGAP o seu traballo.

O IES Arcebispo Xelmírez II foi invitado a expoñer o traballo desenvolvido no club de ciencia nas xornadas organizadas polo CAFI "Compartindo experiencias de formación en centros" (S1803002), celebradas na EGAP de Santiago de Compostela o 6 de outubro.

Seis alumnas e alumnos participantes no club de ciencia, en representación de todos os seus compañeiros, presentaron ao profesorado asistente as principais actividades levadas a cabo no proxecto de investigación de propiedades do solo, "Mira por onde pisas", así como as actividades proxectadas para este novo curso escolar.

Visita de Pilar Brocos e experimentos con auga no Club de Ciencia (La Voz de Galicia)

A experiencia do noso Club de ciencia na Revista Galega do Ensino (eduga)

O IES Xelmírez II continúa co programa de innovación educativa Club de Ciencia no curso 2017/2018 (La Voz de Galicia)

Distribuir contido


by Dr. Radut