Skip to Content

2019/20

III Premio Stephen Hawking

A alumna de 2.º de bacharelato do noso centro, Alba Candal Parafita, acadou un terceiro premio na terceira edición do premio Stephen Hawking co traballo "Estudo sobre a validez de uso dun interferómetro de difracción por orificio para a colocación dunha placa metálica", tamén presentaron traballos os alumnos de 2.º de bacharelato, Martín Blanco Lagares e Gael Garabal Codesido, "Identificación dun fármaco neuroprotector para a dor neuropática de orixe iatroxénica" e Mª Belén Hernández Garabal, Rita S. León Lamelas e Andrea Rodríguez López, "¿Qué mutación tiene esta levadura y cómo podemos solucionarlo?".

O premio está organizado polo IES Plurilingüe Rosalía de Castro de Santiago de Compostela, nel pode participar alumnado de 4.º ESO e 1.º e 2.º de Bacharelato, este ano o tema para o desenvolvemento dos traballos era "Exploración" e estaba coordinado por Teresa Rodrigo Anoro, física do Comité de Política Científica do Laboratorio Europeo de Física de Partículas (CERN)

IV Congreso NOSA

Organizado polo IES Arcebispo Xelmírez II, o día 10 de febreiro de 2020 celebrarase o IV Congreso NOSA no Auditorio de Galicia de Santiago de Compostela. Participarán alumnos dos centros que compoñen NOSA:  IES Maruxa Mallo (Ordes), IES Miraflores (Oleiros), IES Marco do Camballón (Vila de Cruces), IES Arzobispo Xelmirez II (Santiago de Compostela), CPI O Cruce (Cerceda) e IES Ferrol Vello.

Programa

Programa

Cartel

Nós co Día d@ Nen@ Oncolóxico

A través do blog  do Equipo de Dinamización da lingua galega, chegounos unha proposta de colaboración. E alá nos botamos. Para a xentiña miúda deste hospital coruñés mandamos unha chea de grúas con versos cheos de ánimos e alegría; e tamén un titorial para que el@s nos manden a nós algunhas coas súas palabras.

 

Laura LaMontagne&PicoAmperio: retrofuturismo galego

Hoxe o alumnado de 1ºBACH asistiu a un concerto didáctico a cargo da actriz e música Laura LaMontagne e o DJ PicoAmperio. Este dúo formado hai uns meses está levantando unha gran expectación pola aposta que fan ao conxugar letras de cantigas medievais (e tamén contemporáneas) con sons electrónicos. Daquela puidemos desfrutar dunhas versións cheas de forza e delicadeza. Un auténtico luxo.

30 xaneiro: Día escolar da paz e non violencia

Para celebrar o Día Escolar da Paz e Non Violencia contamos un taller de Origami impartido por Pilar Figueroa. Nel os alumnos e profesores participantes aprenderon a confeccionar grúas de papel.

Levamos 253 grúas pero o reto continúa. Deposita a túa nas caixas situadas na biblioteca.

VII Olimpíada Filosófica de Galicia

O venres 24 de xaneiro de 2020 alumnado de 1.º BACH acudiu á Facultade de Filosofía da USC en Santiago de Compostela para participar na modalidade de "Disertación Filosófica" na VII Olimpíada Filosófica de Galicia.

Ata dentro dunhas semanas non se saberá se "pasaron" á fase de defensa oral do seu traballo, o cal suporá participar na final estatal (que se celebra na nosa cidade este ano).

De calquera xeito o premio xa o teñen: pasarono moi ben! Viron canto alumnado está interesado en este tipo de actividade, esperaron con curiosidade o resultado do sorteo do tema da "disertación" e reflexionaron e redactaron algo propio defendendo o que consideraron máis adecuado.

Viva a Filosofía!

 

Pódense ver fotos na seguinte ligazón Fotos

Obradoiro: Ludi Compostelani

O día 22 de xaneiro o alumnado de Humanidades do IES Arcebispo Xelmírez II asistiu a V edición dos “Ludi Compostellani”, organizados pola SEEC (Galicia) na Facultade de Filoloxía (USC). Mediante a realización de diferentes obradoiros (danza grega, espectáculo de gladiadores e outras actividades) achegáronse ao mundo grecolatino dun xeito lúdico.

Ludi Compostelani

Día da Paz: 1000 grúas de papel

O 30 de xaneiro celébrase o Día da Paz e convidamos a toda a comunidade educativa a participar nun reto:

O reto das mil Grúas

Queres colaborar  para conseguilo?

Na biblioteca teremos unha caixa onde podes depositar a túa grúa de papel. Ademais o xoves 30 durante os recreo, Pilar Figueroa impartirá un taller de papiroflexia.

As grúas de origami (papiroflexia) fixéronse famosas a nivel mundial coa historia da nena Sadako Sasaki, vítima da bomba atómica de Hiroshima durante a II Guerra Mundial. Supervivente da explosión, caeu enferma de leucemia. Unha amiga recordoulle a tradición dos origamis e propúxose completar as mil para pedir como desexo a curación dos afectados e a paz. 

Teatro: A vampire story

Hoxe 21 de xaneiro pola mañá o alumnado de 3.°ESO asistiu, acompañado por Alicia e Carmen, profesoras do departamento de Inglés. ao auditorio da Fundación Abanca á representación da obra teatral en inglés: A vampire story.

A vampire story

A vampire story

Sesión STEM: Deseños de Investigación en proxectos científicos.

O xoves 16 de xaneiro de 2020 o alumnado de 1º STEMBACH tivo a fortuna de poder comprobar como se aplica na realidade científica o que aprenderan sobre “Deseños de Investigación en proxectos científicos”.
As doutorandas María Jesús González (Graduada en Bioloxía, investigadora no grupo de Metabolismo Molecular do CIMUS) e Noelia Samartín (Graduada en Psicoloxía, investigadora en Psicobioloxía na Facultade de Psicoloxía da USC) explicáronlles en que consistía a súa investigación (determinados aspectos das función metabólicas do fígado e posibilidade da redución da dor gracias a estimulación eléctrica transcranial en casos de fibromialxia, respectivamente) e como deseñaron dita investigación para que fose válida, rigorosa e os resultados contrastables.
É necesario mencionar que non só explicaron magnificamente o xa dito, senón que incluso se tomaron o traballo de adaptar as súas presentacións aos coñecementos técnicos do alumnado sobre os diferentes deseños de investigación para que lles fora máis doado comprender as investigacións e a súa estrutura.
O alumnado agradeceu  moito a súa cercanía e a súa disposición para explicar calquera dúbida. O profesorado, por suposto, tamén.
Cremos que a súa paixón pola investigación deixará pegada no noso alumnado.
Moitas grazas Chus e Noelia!

Visita: Laboratorios de psicobioloxía da USC

Visita o mércores 15 de xaneiro do alumnado de 1º STEMBACH e de Psicoloxía de 2BACH aos laboratorios docentes de Psicobioloxía da Facultade de Psicoloxía da USC.
Inicialmente, na Sala de Xuntas da Facultade, tiveron unha  excelente xornada de presentación das liñas de investigación das áreas de Psicobioloxía. Dita xornada estivo a cargo de:
-Presentación (Prof. Santiago Galdo Álvarez)
-NUTRIAGE (Profa. Elena Ameneda Losada)
-Consumo intensivo de Alcohol (Prof. Fernando Cadaveira Mahía)
-Fibromialxia (Profa. María Teresa Carrillo de la Peña)
-Deterioro Cognitivo Lixeiro (Prof. Santiago Galdo Álvarez)
Ditas charlas foron moi claras e instrutivas. Realmente constituíron todo un descubrimento do que se está a investigar neste ámbito de coñecemento dentro da USC. Tanto o alumnado como o profesorado asistente quedou impactado da amplitude e da relevancia dos temas expostos e de como a investigación vai claramente encamiñada a conseguir avances significativos.
A continuación o alumnado dividiuse en dous grupos e rotou para poder facer dúas prácticas nos laboratorios docentes, unha sobre medidas psicométricas de funcións cognitivas e outra sobre a actividade cerebral visionada a través de EEG na tarefa “go/no go”.

Charla: Eu son inspector urbanístico

O xoves 9 de xaneiro viñeron á nosa Biblioteca varias persoas da APLU (Axencia de Protección da Legalidade Urbanística) para falarlle ao alumnado de 2.°ESO C de temas como o respecto da legalidade urbanística, o coidado do patrimonio, a planificación do territorio, etc.

APLU

APLU

 

Patinaxe en xeo

Os días 18 e 20 de decembro  o alumnado de 1.° e 2.° da ESO acudiu á pista de patinaxe en xeo de Área Central para  celebrar a entrada das vacacións. Moita diversión e algunha caída.

Patinaxe en xeo

Patinaxe en xeo

Patinaxe en xeo

Sesións STEM: Matemáticas

17/10/2019: Matemáticas Que? e Para que?. Linguaxe matemática

Na primeira parte da sesión reflexionamos sobre o qué entendemos por coñecemento matemático, sobre cómo se interpretaron as matemáticas ao longo da historia, sobre as súas aportacións a outros campos da ciencia e da cultura e sobre a súa utilidade no progreso e no avance da sociedade. Tamén comentamos algúns artículos de prensa e outras publicacións que nos mostran en qué se aplican as matemáticas na actualidade e en qué traballan hoxe os matemáticos. Finalmente, proponse como actividade realizar un comentario crítico dalgunha das lecturas complementarias (impacto da investigación matemática na economía española, papel das matemáticas en investigacións médicas ou ciencia e sociedade)

A segunda parte da sesión adicámola á linguaxe matemática e aos distintos tipos de demostración en matemáticas, resolvendo exercicios...

28/11/2019: Cálculo numérico

Charla sobre métodos iterativos de cálculo numérico, que permiten obter a solución dun problema mediante aproximacións sucesivas, a través do uso de números e operacións matemáticas simples. 

Distribuir contido


by Dr. Radut