Skip to Content

Filosofía

Programación Didáctica Curso 2020-2021

Xúntase a Programación Didáctica do Departamento de Filosofía do curso 2020-2021.

Adaptación da Programación do Departamento de Filosofía para o curso 2019-20

Adaptación da Programación do Departamento de Filosofía para o curso 2019-20, de acordo co establecido nas Instrucións do 27 de abril de 2020, da Dirección Xeral de Educación, Formación  Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.

https://www.edu.xunta.gal/centros/iesarcebispoxelmirez2/system/files/XelmirezII-Adapt_prog-Filosofia.pdf

Información. Traballo on-line durante o estado de alarma.

 

DEPARTAMENTO DE FILOSOFÍA

Semana do 16 ao 20 de marzo

Semana do 23 ao 27 de marzo

 

 

Traballo a través da Aula virtual

 

Charla: O valor da igualdade

O venres 28 de febreiro de 2020 a Medalla de Ouro en Kata, Para-Kárate, a galega Cristy Tojo estivo no noso centro para falar co alumnado de 4.º ESO e co de Valores Éticos de 3.º ESO sobre “O valor da igualdade”.
Cristy achegouse ao alumnado con frescura, sinxeleza e xenerosidade para compartir a súa visión dos graves problemas de desigualdade que hai na nosa sociedade.

Cristy Tojo

O núcleo da charla centrouse nas desvantaxes que teñen para practicar e competir as persoas con discapacidades.

A partires de aí, con exemplos concretos da súa propia vida e da súa contorna (que é a nosa: creceu en Negreira, fundou o seu propio club en Santiago de Compostela e adestra na nosa cidade sen ter apoio institucional), foi contando e explicando como a discriminación (por exemplo do colectivo LGTBIQ) é unha violencia, como a invisibilización é unha violencia (por exemplo das persoas con discapacidades que compiten e que gañan medallas), como, en fin, o importante é vivir en harmonía e paz sen molestar ás demais persoas polo seu cor de pel, ou por a quen aman, ou por ter distintas capacidades que a media, ou …

VII Olimpíada Filosófica de Galicia

O venres 24 de xaneiro de 2020 alumnado de 1.º BACH acudiu á Facultade de Filosofía da USC en Santiago de Compostela para participar na modalidade de "Disertación Filosófica" na VII Olimpíada Filosófica de Galicia.

Ata dentro dunhas semanas non se saberá se "pasaron" á fase de defensa oral do seu traballo, o cal suporá participar na final estatal (que se celebra na nosa cidade este ano).

De calquera xeito o premio xa o teñen: pasarono moi ben! Viron canto alumnado está interesado en este tipo de actividade, esperaron con curiosidade o resultado do sorteo do tema da "disertación" e reflexionaron e redactaron algo propio defendendo o que consideraron máis adecuado.

Viva a Filosofía!

 

Pódense ver fotos na seguinte ligazón Fotos

Sesión STEM: Deseños de Investigación en proxectos científicos.

O xoves 16 de xaneiro de 2020 o alumnado de 1º STEMBACH tivo a fortuna de poder comprobar como se aplica na realidade científica o que aprenderan sobre “Deseños de Investigación en proxectos científicos”.
As doutorandas María Jesús González (Graduada en Bioloxía, investigadora no grupo de Metabolismo Molecular do CIMUS) e Noelia Samartín (Graduada en Psicoloxía, investigadora en Psicobioloxía na Facultade de Psicoloxía da USC) explicáronlles en que consistía a súa investigación (determinados aspectos das función metabólicas do fígado e posibilidade da redución da dor gracias a estimulación eléctrica transcranial en casos de fibromialxia, respectivamente) e como deseñaron dita investigación para que fose válida, rigorosa e os resultados contrastables.
É necesario mencionar que non só explicaron magnificamente o xa dito, senón que incluso se tomaron o traballo de adaptar as súas presentacións aos coñecementos técnicos do alumnado sobre os diferentes deseños de investigación para que lles fora máis doado comprender as investigacións e a súa estrutura.
O alumnado agradeceu  moito a súa cercanía e a súa disposición para explicar calquera dúbida. O profesorado, por suposto, tamén.
Cremos que a súa paixón pola investigación deixará pegada no noso alumnado.
Moitas grazas Chus e Noelia!

Visita: Laboratorios de psicobioloxía da USC

Visita o mércores 15 de xaneiro do alumnado de 1º STEMBACH e de Psicoloxía de 2BACH aos laboratorios docentes de Psicobioloxía da Facultade de Psicoloxía da USC.
Inicialmente, na Sala de Xuntas da Facultade, tiveron unha  excelente xornada de presentación das liñas de investigación das áreas de Psicobioloxía. Dita xornada estivo a cargo de:
-Presentación (Prof. Santiago Galdo Álvarez)
-NUTRIAGE (Profa. Elena Ameneda Losada)
-Consumo intensivo de Alcohol (Prof. Fernando Cadaveira Mahía)
-Fibromialxia (Profa. María Teresa Carrillo de la Peña)
-Deterioro Cognitivo Lixeiro (Prof. Santiago Galdo Álvarez)
Ditas charlas foron moi claras e instrutivas. Realmente constituíron todo un descubrimento do que se está a investigar neste ámbito de coñecemento dentro da USC. Tanto o alumnado como o profesorado asistente quedou impactado da amplitude e da relevancia dos temas expostos e de como a investigación vai claramente encamiñada a conseguir avances significativos.
A continuación o alumnado dividiuse en dous grupos e rotou para poder facer dúas prácticas nos laboratorios docentes, unha sobre medidas psicométricas de funcións cognitivas e outra sobre a actividade cerebral visionada a través de EEG na tarefa “go/no go”.

Exposición: Aporofobia

Na última semana do primeiro trimestre, instalouse no vestíbulo do centro a exposición itinerante da ONG Cooperación Internacional : aporofobia.

A exposición está centrada nunha das manifestacións da aporofobia: o trato cruel, inhumano e degradante que reciben moitas personas sin hogar e que conculca os seus dereitos fundamentais. Dando voz a algúns deles, tratamos de sensibilizar ao alumnado sobre a situación de extrema vulnerabilidade dos que, por diversas circunstancias que tamén nos poden acontecer, se viron abocados a vivir na rúa.

Aporofobia

 

Aporofobia

 

Aporofobia

 

Aporofobia

Visita: CIMUS USC

O alumnado de STEMbach de 1º de Bacharelato e o da materia de Psicoloxía de 2º de Bacharelato visitaron o CIMUS para coñecer parte do traballo de tres grupos de investigación: @UnisemSantiago (enfermidade de Párkinson), @GMXenomica (Trastornos do Neurodesenvolvemento) e ·#MolecularMetabolism (relación entre algunhas zonas do encéfalo e comportamento alimenticio).

Tanto o profesorado acompañante como o alumnado quedou moi satisfeito coa visita, non só polos temas tratados senón polas magníficas e interesantes explicacións. A maior riqueza do CIMUS son as persoas que traballan nel. O noso máis sinceiro agradecemento!

Sempre dicimos e mesmo e cumprímolo: voltaremos

Visita ao CIMUS

Visita ao CIMUS

Exposición: Unha gran burla negra: Creatividade popular e memoria do Prestige

O 13 de novembro ás 12:30 horas, un pouco antes de que se cumprisen 17 anos do mayday do capitán Mangouras, inaugurouse no vestíbulo do IES Arcebispo Xelmírez II a exposición “Unha gran burla negra: Creatividade popular e memoria do Prestige”

Asistiron á celebración do acto gran parte das persoas implicadas na recollida e arquivado de todo este patrimonio cultural, algunhas das cales, ademais, comisariaron a mostra: Daniel L. Abel, Jorge Linheira, Miguel Anxo Rodríguez e Diego Vites. Como representante do Concello de Santiago de Compostela acompañounos Noa Díaz Varela (Concelleira responsable de Educación, Mocidade, Igualdade e Políticas Lingüísticas).

As persoas responsables da escolla do material, que por primeira vez exponse nun centro de ensino, explicáronlle ao alumnado de primeiro de bacharelato a importancia da resposta cidadá ante o que unha grande parte da poboación da nosa Comunidade sentiu como un “ataque” a algo esencial de Galicia: o seu mar. Tamén resaltaron que ante isto a cidadanía non se limitou a queixarse polo baixo e rosmar, senón que cunha grande inventiva fixo que o “chapapote” estivese presente en todas partes e en moitas ocasión en ton burlesco e retranqueiro: en chisqueiros, en esquelas, en festexos tradicionais, en pins e chapas, en barrallas …

Conferencia: Obesidad: ¿La clave está en tu cerebro?

O martes 12 de novembro estivo no noso centro Cintia Folgueira, investigadora postdoutoral no CIMUS (Centro de Investigación en Mediciña Molecular da USC), premiada este ano 2019 como autora da mellor tese doutoral en Endocrinoloxía e Nutrición pola Sociedade Española neste campo.

A doutora Folgueira compartiu co noso alumnado as liñas xerais e os principais resultados desta premiada investigación. Como complemento, destacou cales son os aspectos máis importantes nalgúns problemas asociados á nutrición nas sociedades desenvolvidas de hoxe, nomeadamente o sobrepeso e a obesidade, as súas repercusións en diferentes aspectos relativos á saúde e as innovacións que se están a investigar na prevención e tratamento dos mesmos.

A esta charla asistiu o alumnado da materia de Psicoloxía de 2º de bacharelato, así como o alumnado de 1º curso matriculado no STEM_Bach.

Pódense ver fotos na seguinte ligazón Fotos

Twiter

Asistencia: Sesión de xuízos

O día 6 de novembro de 2019 o alumnado de 4ESO das materias de Filosofía e de Valores Éticos acudiu aos Xulgados de Santiago para poder presenciar xuízos (non penais) e así poder observar directamente como funciona a nosa Xustiza.

Aínda que non houbo moita “sorte” porque parte dos xuízos se suspenderon (por exemplo porque as partes chegaron a un acordo) finalmente puideron ver algún procedemento interesante (reclamación de anos de traballo despois dun despido, reclamación respecto á categoría laboral e execución hipotecaria). 

Sesión de xuízos

Quizais o que resultou máis interesante foi a explicación que lle proporcionaron de xeito altruísta as persoas que levaban as defensas e as acusacións sobre o que sucedía (ou non, xa que houbo un xuízo que se suspendeu porque se tivo que convocar a unha terceira parte implicada) na sala.

Charla: Pracer e sexualidade

Un curso máis, e gracias ao consello das anteriores xeracións, a psicóloga e sexóloga Noa Tilve, de Quérote+, charlou co alumnado da materia de Psicoloxía (2BACH) o día 29 de outubro de 2019, sobre aspectos da sexualidade que van máis aló do meramente anatómico, do ámbito da protección fronte ás ETS ou dos embarazos non desexados.

Pracer re sexualidade

 A charla foi moi interesante porque abordou aspectos sobre os que os adolescentes o xoves non “saben” ou non “teñen” con que falar dun xeito franco, empático e sen vergoña. Ante todo falouse de respecto, de tolerancia, de autocoñecemento, e de comunicación.

Quérote + e Noa Tilve aceptaron inmediatamente a petición do alumnado.

Dado o alto grao de satisfacción que ten esta charla, dende o Departamento de Filosofía pensamos que o próximo curso imos ter que repetir a petición.

Conferencia de Marcelino Agís

Conferencia de Marcelino Agís

Distribuir contido


by Dr. Radut