Skip to Content

Taboleiro

Exames de pendentes para alumnado de 2º de Bacharelato

Adxúntase calendario de materias pendentes para alumnado de 2º de bacharelato.

Calendario de probas de materias pendentes (Segundo Trimestre)

16/01/2024 08:50

Adxúntase calendario para a realización das probas das materias pendentes correspondentes ao segundo trimestre.

Conferencia do Dr. Miguel González Blanco no STEMbach

O doutor Miguel González Blanco, investigador do CiMUS da USC, pronunciou no noso centro unha conferencia para o alumnado STEMbach.

Nesta charla, puido compartir co alumnado a súa traxectoria investigadora, desde a súa etapa predoutoral ata a actualidade. Ademáis, explicou con enorme claridade os aspectos esenciais do traballo que desenvolve na investigación de reparación do ADN.

Moitísimas grazas ao Dr. González Blanco, así como ao CiMUS, por esta motivadora conferencia, e por compartir con nós o seu valioso tempo e os seus inmensos coñecementos.

O alumnado STEMbach visita a Facultade de Matemáticas

O xoves 11 de xaneiro, o alumnado STEMbach tivo a oportunidade de visitar a Facultade de Matemáticas da USC no Campus Sur.

A decana da facultade, a profesora Elena Vázquez Cendón, deunos a benvida e presentou á profesora Elena Vázquez Abal, que impartiu unha marabillosa conferencia, "Medindo como se curvan as cousas", que nos fixo reflexionar a todos sobres diferentes xeometrías posibles.

 

Moitísimas grazas á USC, á Facultade de Matemáticas e ás profesoras Elena V. Cendón e Elena V. Abal pola súa dispoñibilidade, pola calurosa acollida e pola calidade da conferencia.

STEMbach en Xenebra (II)

A previsión do tempo para o martes 12 non pintaba ben, e non foi mellor do esperado.

Tivemos sorte cedo pola mañá: non chovía e puidemos achegarnos á Place des Nations para ver o monumento Broken Chair e achegarnos á entrada para contemplar o Paseo das Bandeiras (desde fóra, iso si).

As obras no complexo da ONU non permiten facer unha visita guiada en boas condicións. A continuación, achegámonos ao edificio do Museo da Cruz Vermella.

   

Dado que seguía sen chover, decidimos visitar o Xardín Botánico.

   

Posteriormente, acabouse a sorte! Quixemos entrar no museo de Historia das Ciencias, pero os martes pecha...Cambio de plans, e tempo para visitar a Zona Vella e comer, pero o tempo non permitía gran cousa. Aínda así, pola tarde atrevémonos co banco de madeira máis longo do mundo, a Catedral, a súa torre con vistas e o impresionante órgano e un pequeno paseo.

Mesmo atopamos nunha chocolatería as marmitas que conmemoran o papel que supostamente tivo a Mère Royaume na defensa da cidade en 1602, victoria que se conmemora cada ano no festival L'Escalade (este ano na fin de semana previa, do 8 ao 10 de decembro).

       

Visita do STEMbach a Xenebra e ao CERN

Fixemos o luns 11 a viaxe de ida, en voo directo desde Santiago a Xenebra, sen incidencias.

Á chegada, xa de noite aínda que eran pouco máis das 17:00, a cidade recibiunos con chuvia. Tras baixar do aeroporto á estación Cornavin, no centro, en tren, e confundirnos de saída Triste chegamos ao aloxamento e rexistrámonos moi rápido.

Así, deunos tempo a saír, xa sen chuvia, a dar unha volta polo mercadiño de Nadal, que aquí se chama Noël au Quai, e chegar á zona vella para un pequeniño paseo.

   

Assim ou assado, 100 perguntas sobre a língua portuguesa

O Departamento de Português do nosso centro organizou, conjuntamente com a Escola Oficial de Idiomas de Compostela, a visita de Marco Neves e Sam The Kid. Eles dois são figuras proeminentes na cultura portuguesa cada um no seu ramo, para além de estarem no comando da elaboração de um podcast: Assim ou Assado.


Marco Neves é autor, professor, tradutor, podcaster e especialista em línguas. Tem-se sagrado como uma das vozes mais notáveis na filologia portuguesa contemporânea com as suas obras Doze segredos da língua portuguesa, A incrível história secreta da língua portuguesa ou História do português desde o Big Bang.


Sam The Kid é o nome artístico de Samuel Mira, produtor musical e rapper, que se define como curioso das línguas. Foi esta curiosidade que levou o Sam a contactar com o Marco Neves e propor-lhe a ideia de um podcast onde falassem abertamente e de maneira descontraída sobre as línguas, o preconceito linguístico ou outros factos filológicos. Fruto da compilação das informações do podcast Assim ou assado, nasceu o livro homónimo, que vieram apresentar nesta pequena digressão.


Nesta palestra houve espaço para muitas perguntas. O nosso alunado teve a oportunidade de interagir com os palestrantes que nos deram o seu tempo e que foram capazes de transmitirem a sua paixão pela língua. Conseguimos até ouvir o Sam The Kid fazer free style.

       
Voltem sempre, as portas estão escancardas!

Curso de formación en Chipre

A pasada semana, do 25 ao 29 de setembro, dúas profesoras e un profesor do centro asistiron en Nicosia a un curso de formación dentro do proxecto Erasmus+ BYOD-learning, que ten como obxectivo a creación dunha plataforma de vídeos didácticos de matemáticas. O proxecto está xa no seu segundo ano e este curso pretende formar ao profesorado na creación de vídeos e no uso da plataforma de cara a aproveitar as súas funcionalidades. Dúas profesoras participaron como asistentes e un profesor como relator dun dos módulos do curso.

Lárnaka

Curso

Foi un pracer volver ver aos socios do proxecto, intercambiar opinións e experiencias e coñecer as realidades educativas dos países participantes no consorcio. Chipre é un país moi interesante, moi distinto de Galicia, polo que a visita tamén foi moi produtiva desde o punto de vista cultural.

Calendario de probas para o alumnado con materias pendentes (1º trimestre).

10/10/2023 14:57

Calendario de exames de materias pendentes para o mes de novembro (1ª avaliación). Dependendo do departamento, nalgunhas materias realizaranse dúas probas escritas en lugar de tres. Consultar os correspondentes plans de recuperación.

Exposición "Astrónomas" no vestíbulo do centro.

Nestas primeiras semanas do curso 2023-24, está dispoñible a exposición "Astrónomas" no vestíbulo principal do centro. Dáse así continuidade ás semanas finais do curso anterior, nos que xa estivo exposta.

Anímate a solicitar unha visita ao teu titor ou titora, ou ao profesorado de calquera materia!

O noso centro accede, a través do Observatorio Astronómico "Ramón María Aller", da USC, e da profesora de astronomía Josefina Ling, ao préstamo da exposición. Están expostos os dezaseis carteis que a forman, que tratan numerosas figuras femininas relevantes na astronomía e a astrofísica a nivel mundial, e diferentes contidos relacionados con este eido científico. Cada cartel leva un código QR que podes escanear para acceder á web do proxecto "Astrónomas", que é moito máis amplo que o que se expón: https://astronomas.org/.

Entrega de libros do fondo solidario e cheques de material

A entrega fárase a próxima semana no seguinte horario:

 

4º ESO   LUNS 11 DE SETEMBRO          17:30-20:30

 

3º ESO   MARTES 12  DE SETEMBRO    17:30-20:30

 

2º ESO   XOVES 14  DE SETEMBRO       17:30-20:30

 

1º ESO   VENRES 15 DE SETEMBRO     17:30-20:30

 

A recollida de libros e cheques de material, se é o caso, debe ser feita polo pai/nai/titor/a legal do alumnado.

 

En caso de non ser posible, poderá recoller calquera outra persoa maior de idade con autorización expresa e escrita por parte do pai/nai/titor/a legal.

 

Se non poden vir no horario establecido poden chamar ao centro en horario de mañá e concertar unha hora.

 

En caso de ser varios irmáns de diferentes cursos poden vir recoller un único día (sempre o último do calendario de recollida)

 

A recollida farase na aula de audiovisuais á que se accede polo lateral do edificio.

Comezo do curso 2023/2024

ALUMNADO DE ESO (1º,2º,3º e 4º)

DÍA: LUNS 11 DE SETEMBRO. Chegada ao centro ás 8h30 e saída do centro ás 14h10. 

ALUMNADO DE BACHARELATO

1º BACHARELATO

DÍA: MARTES 12 DE SETEMBRO. Presentación ás 9h00 e a continuación actividade lectiva ata 14h10 e pola tarde de 16h20 a 18h00.

2º BACHARELATO

DÍA: MARTES 12 DE SETEMBRO. Presentación ás 10h30 e a continuación actividade lectiva ata 14h10 e pola tarde de 16h20 a 18h00.

OBSERVACIÓN: O TRANSPORTE ESCOLAR FUNCIONARÁ DENDE O LUNS 11 DE SETEMBRO EN HORARIO HABITUAL.

AVISO SERVICIO DE TRANSPORTE ESCOLAR

01/09/2023 18:57

O próximo luns 4 de setembro ás 11:00 realizarase un sorteo público  no que  se otorgarán as plazas libres na liña ED150622_01 ( RUTA 6: Sigüeiro) entre o alumnado de bacharelato que solicitou a parada de autobús en Sigüeiro.

A continuación publicarase nos taboeiros do centro o listado do alumnado beneficiario do servicio de transporte escolar.

 

1 I

Fondo Solidario de Libros de Texto: Listaxes Definitivas

Publicada a Listaxe Definitiva de admitidos e excluídos.

Tal como indica a Orde do 10 de maio de 2023 pola que se regula a participación no fondo solidario de libros de texto, esta listaxe publicarase única e exclusivamente no taboleiro de anuncios no interior do edificio.

Así mesmo, as persoas solicitantes poderán acceder por vía electrónica, a través da aplicación fondolibros, empregando a Chave 365 ou certificado dixital.

O reparto de libros de texto e a entrega de vales de material farase en setembro, segundo o calendario que se publicará na páxina web a principios do antedito mes.

Distribuir contido


by Dr. Radut