Skip to Content

Tecnoloxía

Programación didáctica do departamento de Tecnoloxía do curso 2023-24.

Transnational meeting en Plovdiv

O pasado 10 de setembro dous profesores do centro, José Luis Martín Iglesias e Moisés Iglesias González, viaxaron a Bulgaria para asistir ao segundo Transnational meeting do proxecto BYOD. A reunión tivo lugar en Plovdiv, a segunda cidade máis importante de Bulgaria, próxima a Sofia, e tratáronse aspectos relacionados coa evolución do proxecto e co desenvolvemento dos obxectivos do mesmo. Foi unha experiencia moi fructífera e moi interesante, tanto pola ubicación da xuntanza, Plovdiv é unha cidade do tamaño de Santiago e cun grande patrimonio histórico, coma por volver ver aos participantes de novo.

TPM Plovdiv

Transnational meeting en Cracovia

O pasado 28 de febreiro e 1 de marzo dous profesores do centro, Pilar Tobar Quintanar e Moisés Iglesias González, viaxaron a Polonia para asistir ao segundo Transnational meeting do proxecto BYOD. A reunión tivo lugar en Cracovia, e foi a primeira reunión presencial entre os membros do proxecto. Tratáronse aspectos organizativos e de xestión do mesmo, así como relacionados co desenvolvemento dos obxectivos do mesmo. Foi unha experiencia moi fructífera e moi interesante, tanto pola ubicación da xuntanza, Cracovia, coma por desvirtualizar aos compoñentes do grupo.

TPM Krakov

Visita: Saída a Sotavento

O pasado 16 de novembro, o alumnado de 4ºESO de Ciencias Aplicadas, Cultura Científica e Tecnoloxía visitou o Parque Eólico Experimental de Sotavento, en Xermade (Lugo).

Logo de recibir unha explicación xeral da historia e sentido do Parque, o alumnado dividiuse en dous grupos para percorrer as instalacións acompañados polo persoal, que foi explicando polo miúdo todo canto alí se viu.

Entre outras cousas, o alumnado puido ver os elementos que se aloxan na góndola dun aeroxerador e incluso asomarse ao interior do fuste dun aeroxerador en funcionamento.

Un dos momentos máis interesantes da visita foi a entrada na vivenda bioclimática demostrativa, na que observar diversas técnicas de aforro enerxético, dende o propio deseño pasivo da vivenda (orientación, muros trombe, reaproveitamento de pluviais, etc.), ata a incorporación de instalacións enerxéticas eficientes (caldeira de biomasa, bomba de calor, etc.).

Sen dúbida, unha saída ben aproveitada. Grazas ao persoal de Sotavento.

Sotavento

Sotavento

Sotavento

Programación didáctica do departamento de Tecnoloxía curso 21-22

Visita ao Parque Eólico Experimental Sotavento- Enerxías alternativas

O alumnado de 3.º de ESO visitou o día 30 de abril, acompañados polos profesores José Antonio Ferreira e Luis Sáez, o Parque Eólico Experimental Sotavento. Durante a visita realizaron distintas actividades:

  • Aula divulgativa (Enerxías renovables e non renovables)
  • Sala de eficiencia enerxética / Zona solar
  • Visita Vivenda Bioclimática Demostrativa
  • Visita aos aeroxeradores

Para rematar a visita o persoal do parque agasallounos cun chocolate feito nunha cociña solar.

Sotavento

Pódense ver fotos na seguinte ligazón Fotos

Visita á fábrica de FINSA do alumnado de Tecnoloxía Industrial I

O pasado 27 de Marzo o alumnado de Tecnoloxía Industrial I visitou ás instalacións de FINSA en Santiago para coñecer os procesos industriais desenvolvidos na planta.

Fonte de alimentación

Distribuir contido


by Dr. Radut