Skip to Content

ABAU 2018. Convocatoria de matrícula

Mar, 08/05/2018 - 18:54

Mañá mércores 9 de maio ábrese o prazo de matrícula anticipada para a convocatoria ordinaria de xuño de 2018 da proba ABAU para o alumnado que xa estea en posesión do título de Bacharelato. Para o alumnado que cursa 2º de Bacharelato neste ano académico o prazo de prematrícula será do 24 ao 28 de maio.

Toda a información de datas e procedementos podedes consultala no ficheiro adxunto que corresponde á convocatoria de matrícula.

Participamos no lanzamento á estratosfera da cápsula MarumaSat III no IES Maruxa Mallo

Mar, 08/05/2018 - 00:27

Onte, luns 7 de maio, participamos no lanzamento á estratosfera da cápsula MarumaSat III. Este foi o terceiro lanzamento da Axencia Espacial Escolar Galega (NOSA) creada polos IES Maruxa Mallo (Ordes), Miraflores (Oleiros) e Marco do Camballón (Vila de Cruces). Parte do alumnado do noso Club de Ciencia, ImAXIInacción, asistira xa o pasado mércores día 2 ao ensaio con globo cautivo e tamén colaborou no lanzamento e seguemento da sonda.

Reclamacións 2º Bacharelato

Mér, 02/05/2018 - 11:00

Circular nº 2/2018 da Dirección Xeral de Educación, Formación Profesional e Innovación Educativa, pola que se desenvolve a Orde do 22 de abril de 2010, polo que se establece o procedemento que cómpre seguir nas reclamacións das cualificacións outorgadas no segundo curso do bacharelato establecido na Lei orgánica 2/2006, do 3 de maio, de educación para o curso 2017-18.

"Derrocando o estigma: implicacións do Trastorno Obsesivo Compulsivo", recibimos a visita de María Tubío Fungueiriño

Sáb, 28/04/2018 - 19:15

O pasado venres 20 de abril, o alumnado de psicoloxía de 2º de bacharelato recibiu a visita de María Tubío Fungueiriño, psicóloga doctoranda que investiga no grupo do CIMUS "Genomics and bioinformatics". A investigadora impartiu unha charla titulada "Derrocando o estigma: implicacións do Trastorno Obsesivo Compulsivo".

Charla do neto do sindicalista galego Marcial Villamor para o alumnado de Valores Éticos e Historia do mundo contemporáneo

Mar, 17/04/2018 - 20:14

O pasado xoves 12 de abril, recibimos no centro a visita de Manuel Marcial San Martín Villamor; neto de Marcial Villamor, sindicalista veciño do barrio de Sar  (Santiago de Compostela) que foi asasinado no ano 1937.

ABAU 2018. Instrucións para a realización das probas

Mar, 17/04/2018 - 09:48

Xúntase a Resolución do 27 de marzo de 2018, conxunta da Secretaría Xeral de Universidades e da Dirección Xeral de Educación, Formación Profesional e Innovación Educativa, pola que se ditan instrucións para a realización, dentro do curso 2017/18, da avaliación de bacharelato para o acceso á Universidade (ABAU) para o curso 2018/19:

RESOLUCIÓN do 27 de marzo de 2018

Recordade que podedes consultar toda a información relacionada coa realización das ABAU neste ano académico no apartado correspondente na web do IES Arcebispo Xelmírez II e na web da CIUG (http://ciug.gal/).

Publicadas as listaxes provisionais de persoas admitidas para as probas de acceso a ciclos formativos de grao medio

Mar, 17/04/2018 - 09:44

Publicadas as listaxes provisionais de persoas admitidas e excluídas e as listaxes de exención para as probas de acceso a ciclos formativos de grao medio.

Período de reclamación: do día 17 ao 20 de abril, ambos os dous incluídos, no centro onde se presentou a solicitude de inscrición.

Consulta a listaxe aquí:

Solicitudes e resolución de exencións para as probas de acceso a ciclos formativos. Listaxe provisional. Convocatoria: Ordinaria 2018. Grao Medio.

A nosa experiencia no UniStem Day 2018 na Facultade de Medicina da USC

Mar, 20/03/2018 - 22:51

O pasado venres 16 de marzo o alumnado das materias Psicoloxía e Bioloxía de 2º de Bacharelato participou no UniStem Day 2018 que se celebrou na Facultade de Medicina da Universidade de Santiago de Compostela, acompañado polos profesores Cecilia, David e Marita.

III Premio Ofelia Devesa de Educación Activa. Ampliación de prazo

Sáb, 17/03/2018 - 22:11

Amplíase o prazo para a entrega de traballos ata o día 6 de abril ás 14:10 h.

Anímate a participar!

Participamos nos actos da XXIII entrega do Premio San Clemente Rosalía-Abanca

Dom, 04/03/2018 - 17:48

O Premio de narrativa Arcebispo Juan de San Clemente convertiu na súa XXIII edición aos alumnos e as alumnas en protagonistas á hora de conceder un premio literario, xa que o seu xurado estivo composto por estudantes de Bacharelato do Instituto Rosalía de Castro de Santiago e doutros centros de Galicia. Xosé Monteagudo, Fernando Aramburu e Ralf Rothmann foron os galardonados, en lingua galega, castelá e extranxeira respectivamente.

O día da cerimonia de entrega, o pasado 1 de marzo, os estudantes foron tamén os protagonistas do evento, compartindo mesa e mantel cos escritores premiados no Hostal dos Reis Católicos no marco dunha grande festa. Na imaxe sobre estas liñas disfrutan dese momento Cristian Mirás, Eva Álvarez Sánchez, Noa Ínsua Amigo, Daniel Martínez Castro, Eva Carollo Brea, María García Caamaño e Yadhira González Sabel, alumnas e alumnos de 2º de Bacharelato do Xelmírez II, acompañados pola directora do centro Ana María Alonso.

Uxía León 3º premio de narración na XLVI edición dos Minerva

Sáb, 03/03/2018 - 18:56

Parabéns á nosa alumna Uxía León Fernández polo 3º Premio acadado na XLVI edición dos Premios Literarios Minerva, pola súa narración titulada "Itinerante".

 O acto literario de entrega de premios terá lugar o vindeiro xoves 5 de abril, ás 17:00 h, no salón de actos do Colexio M. Peleteiro. Nel actuará como mantedora a escritora e académica da Real Academia Galega Dª Fina Casalderrey. 

Vacantes 2018-19

Mar, 27/02/2018 - 20:04

Publicadas vacantes para o curso académico 2018-19.

Publicada relación de admitidos 1º ESO. Reserva centros adscritos.

Publicada relación de admitidos 1º Bacharelato. Reserva centros adscritos.

Consultar ficheiros adxuntos.

Alumnado de ESO e Bacharelato participa na V Olimpíada Filosófica de Galicia

Mér, 21/02/2018 - 21:47

O pasado venres, 16 de febreiro, alumnas e alumnos do noso centro participaron na V Olimpíada Filosófica de Galicia que se celebrou na Facultade de Filosofía da USC. O alumnado de 3º e 4º ESO participou na categoría de "Dilemas Morais" e o alumnado de 1º e 2º de Bacharelato na categoría de "Disertación Filosófica". 

Alumnado de 3º e 4º ESO recibiu a visita de Xoana Pintos Barral para falar de mulleres e ciencia

Mér, 21/02/2018 - 14:06

Nos últimos días, con motivo da conmemoración do Día Internacional da Muller e a Nena na Ciencia o pasado 11 de febreiro, oímos falar moito do traballo de Xoana Pintos Barral. investigadora da USC especialista en estudos de xénero e na presenza da muller no eido científico. Xoana é autora da tese de doutoramento "As mulleres nos estudos experimentais da Universidade de Santiago : 1910-1960" e creadora da exposición "Mulleres no laboratorio: primeiras científicas da USC" que temos esta semana no vestíbulo do noso centro. 

Construíndo no vestíbulo cúpulas de Leonardo

Dom, 18/02/2018 - 17:45

 

Entre esas actividades que nos gusta amosar e compartir con toda a comunidade educativa está a desenvolvida polo departamento de Matemáticas do centro na semana do 22 ao 26 de xaneiro. O alumnado dos distintos cursos da ESO construíu, coa axuda do profesorado da materia, diferentes estruturas das famosas cúpulas autoportantes de Leonardo e, como podedes ver nas imaxes, a experiencia foi moi enriquecedora e divertida.

Distribuir contido


by Dr. Radut