O  prazo  para  a  matrícula  ordinaria   vai  do 3  ao 8  de setembro. Os  exames  terán  lugar os  días 15,16 e 17  de  setembro.  

               Texto  completo  da  convocatoria      

               Enlace  á  páxina  da  CIUG

NORMAS

Convocados  os premios  extraordinarios  de  educación  secundaria  obrigatoria  correspondentes  ao  curso 2019/2020. Pode presentarse o alumnado  que  cursase   o  ano  académico 2019/2020  cuarto  curso. O prazo  de presentación de  solicitudes vai do 27  de  xullo  ao 21 de  agosto  de 2020. Desde  aquí pode  accederse  a toda  a  información  sobre  a  convocatoria.

Convocados  os premios  extraordinarios  de  bacharelato  para  o  alumnado que  rematase  os  estudos  de  bacharelato no  curso 2019/2020. O prazo  de presentación de solicitudes  vai  do  23  de  xullo  ao  24  de  agosto de 2020.  Desde  aquí pode  accederse  a toda  a  información sobre  a convocatoria.

O  noso  IES  vén  de    obter  o  100%  de  aprobados na  ABAU.

PARABÉNS  A  TODOS  E TODAS!

As probas  da convocatoria  extraordinaria de setembro  do  curso  2019/20 celebraranse   seguindo  o  calendario  que aparece  a  continuación. No  caso  de  que  as  circunstancias  non  permitan  a  realización presencial  das probas,  realizaranse  a  través da  aula  virtual  do  centro.

Acceso  ao  calendario

As  bibliotecas  dos  centros  públicos  de  Ames  retomaron  o  contacto ao longo  do mes de  maio para preparar  a  Guía  de  lecturas recomendadas  para o verán 2020, guía  que  agora  pon  á  disposición  das  familias    a  través  deste  enlace.

Acceso  ao  calendario.

A matrícula  presencial  deberá facela  tanto o alumnado  novo  como o alumnado do  centro  que  xa  fixo  a prematrícula.

Calendario xeral de matrícula

Documento de proxenitores, OBRIGATORIO para TODO o alumnado

Instrucións sobre recollida do alumnado/información sobre o alumnado

DOCUMENTACIÓN DE MATRÍCULA 1º ESO

DOCUMENTACIÓN DE MATRÍCULA 2º ESO

DOCUMENTACIÓN DE MATRÍCULA 2º ESO PMAR

DOCUMENTACIÓN DE MATRÍCULA 3º ESO

DOCUMENTACIÓN DE MATRÍCULA 3º ESO PMAR

DOCUMENTACIÓN DE MATRÍCULA 4º ESO

DOCUMENTACIÓN DE MATRÍCULA 1º BACHARELATO

DOCUMENTACIÓN DE MATRÍCULA 2º BACHARELATO

Enlace a información sobre o transporte escolar

Enlace a información xeral do centro

Enlace a outros documentos do centro

Dende  aquí pode  accederse  ao calendario  de  final  de  curso 2019-2020  para 2º  de  Bacharelato. O  calendario foi  actualizado segundo  as  últimas  instrucións.

Dende  hoxe, 15 de  maio, xa  se  recolle  na  web  da  CIUG  toda  a  información  sobre  a  Convocatoria  Ordinaria  das  ABAU 2020. 

• Convocatoria  ordinaria.
• Resumo  da  convocatoria.
• Instrucións para o  alumnado.

A partir  do  luns  11  de  maio o  centro  volve  abrir. O  horario  de  atención  ao público  será  de  10h. a  13.30 h.

De  xeito ordinario  o  contacto  entre  o  persoal  do  centro  educativo  e  a  cidadanía  será  a  través do  teléfono  e  do  correo  electrónico.  De  ser  preciso  achegarse  ao centro  para  calquera  xestión será  necesario  solicitar  cita   con  anterioridade. Durante  a  estancia  no centro  haberá  que  respectar  unha  distancia  mínima  de  polo  menos  dous metros, tanto  nos  accesos  coma  nos  espazos  de  atención  ao público. Así mesmo,  será  preciso  extremar  as  medidas  de  hixiene  respiratoria (ao tusir  cubrir  a boca cun pano  desbotable  ou  contra  o  brazo  co  cóbado  flexionado  e  evitarase  tocar  os  ollos, o nariz ou a boca); de  ser posible  portarase  máscara e  en  caso  de  ter  que  asinar  algún documento  é preferible  que  traian  o  seu propio  bolígrafo.

Non  será posible  acceder  ás  aulas  para  recoller  ningún  tipo de  material.

No día de  hoxe, 6  de  maio, publícase no  DOG   a  Resolución  do  5  de  maio  de  2020 na  que  se  recolle o  acordo  sobre  o  restablecemento  do procedemento  de   admisión  de alumnado  para  o  vindeiro  curso, quedando  os  prazos  como  se  reflicte  a  continuación:

• Do  11  ao  18  de  maio: presentación  de  solicitudes  de  admisión  de  alumnado.
• Ata  o  26  de  maio: presentación  da  documentación  acreditativa  dos  criterios  do  baremo.
• Antes  do 9  de  xuño: publicación  das  listaxes  provisionais  do  alumnado  admitido  e  non  admitido. A partir  do día  seguinte  a  esta  publicación  contarase  con  3 días  hábiles  para  formular  reclamacións  contra  esas  listaxes.
• Ata  o  26  de  xuño: publicación  das  listaxes  definitivas  de  alumnado  admitido  e  non  admitido.
• Do 1  ao  10  de  xullo: prazo  ordinario  para  a  formalización  da matrícula (do  1  ao  10  de  setembro  como  prazo  extraordinario).

No  DOG de  hoxe, 6  de  maio, recóllese  a  Resolución  do  28  de  abril de  2020 (que  modifica  a  Resolución  do 26  de  febreiro de 2020)  pola  que  se  ditan  as  instrucións  para  a  realización  da ABAU   dentro  do  curso 2019-20 no  que  se  refire  ás  características  e deseño  das probas. Neste  enlace  pode  accerse  a  toda  a información.

O  13  de maio a  Univesidade  de  Vigo  celebrará unha  Xornada  de  Orientación  Universitaria  Virtual  e  o  día  14  unha  Xornada  de Portas  Abertas  Virtual,  onde  se poderá  contactar  co  profesorado  das  distintas  titulacións.

O  mércores, 29  de  abril,   celebrouse  unha  reunión  da  Comisión  de  Coordinación  Pedagóxica  na  que  se  chegou  aos  seguintes  acordos  en  relación  aos  Criterios de  avaliación   e  cualificación:

1. Alumnado  coas  dúas  primeiras  avaliacións  aprobadas:

   NOTA  MEDIA  DA  1ª  E  DA  2ª  AVALIACIÓN + Traballos  de  reforzo  ou  ampliación  realizados  no  terceiro trimestre, se  os  houbera, PARA  SUBIR  NOTA.

2. Alumnado  con  algunha  avaliación suspensa:

    O  profesorado  proporá  as  probas  e/ou  traballos  necesarios para  recuperar  a  materia. Unha  vez  avaliada  e cualificada,  aplicarase  a  fórmula  anterior.

    NOTA  MEDIA  DA  1ª  E DA  2ª  AVALIACIÓN (NO  SEU  CASO,  DA  RECUPERACIÓN) + Traballos  de  reforzo  ou  ampliación  realizados  no  terceiro  trimestre, se  os  houbera, PARA  SUBIR  NOTA.

Desde este  enlace  pode  accederse  ás  Instrucións da  Dirección Xeral  de  Educación, Formación  Profesional  e  Innovación  Educativa  para  o  desenvolvemento  do  terceiro  trimestre.

A  CiUG  publicou  os novos  modelos  de  exame para  as  ABAU 2020, aos  que  se pode acceder  desde aquí.

Hoxe, 23  de  abril,  e tamén mañá   a  UDC (Universidade da  Coruña)  pon  en  marcha  unhas  xornadas  de portas  abertas  virtuais  nas  que  os  visitantes (futuros  estudantes  e  as  súas  familias) poderán  coñecer  esta  Universidade (titulacións,residencias  públicas, asociacións  estudiantís...) e  interactuar  cos  responsables das  titulacións. 

Neste  enlace podedes  acceder  a  toda  a  información  sobre as  xornadas; tamén  na  aplicación  móbil  UDC.gal  para  Android  e  para  IOS.

O vindeiro  mércores, día 22  de abril, a  ANPA  tiña  organizada  unha  charla sobre  a  ABAU para as  familias, pero  como consecuencia  da  alerta  sanitaria  a Oficina  de  Información  Universitaria (OiU)  da  USC  viuse  obrigada  a suspender  a  súa  actividade  presencial. Desde esta  oficina  veñen  de  comunicar  que seguen  á  disposición  da  sociedade  a  través  do correo electrónico  oiu@usc.es e  tamén  que contan  cun  servizo  de  chat/videoconferencia  os  mércores  de  10  a 14h. e  de 16 a 19h.

Pode  accederse  ao  servizo de  videoconferencia  a través  da  páxina  web  da  OiU  ou  directamente  desde  aquí.

O  noso  IES  vén  participando  desde  hai  anos  no  certame  Enreguéifate  que organiza o concello  de  Ames  en colaboración con  outros municipios. Este  ano  o  proxecto  segue  adiante, aínda  que  a  través  da  rede. O prazo  de  inscrición no  concurso  está  aberto  ata o 29 de maio; trátase de pór  en práctica  a  arte  da  regueifa: a improvisación oral en  verso  e  en  galego. No blog  O  Millafaladoiro  atoparedes  toda  a información  ao  respecto.

Publicadas  as listaxes  provisionais  de  persoas  admitidas  e  excluídas  para  as  probas  de  acceso  a  ciclos  formativos  de grao  medio.

Mentres dure  a situación  derivada  da pandemia  por  Covid-19, será  posible  presentar  unha reclamación  á  listaxe  provisional  a  través  do  correo  electrónico probas.ciclos@edu.xunta.gal, con  independencia de que  con posterioridade se  estableza  o  período  de  reclamación presencial  nos  centros de  inscrición.

Neste enlace  pode accederse  a  toda  a información ao  respecto: como  realizar  unha  reclamación, calendario  actualizado  das  probas,etc.

A  conselleira de Educación, Universidades e  Formación  Profesional reuniuse onte, día  6 de abril, con  membros  da  Comisión  Interuniversitaria  de  Galicia (CIUG)  para  fixar  as  datas  da  convocatoria  extraordinaria  da ABAU, que finalmente  terá  lugar  os  días  15, 16 e  17 de  setembro. Neste  enlace pode  accederse  á  toda  a  información ao  respecto.

A  consellería de  Educación  e  a  CIUG  acordaron  as  datas  para  a  celebración da  convocatoria  ordinaria  da  ABAU: 7, 8 e 9  de  xullo. Déixase para  máis  adiante a fixación  das datas  da  convocatoria extraordinaria, en  todo  caso  será  antes do 10  de  setembro. A  través  deste  enlace  accédese  ao portal  da  Consellería, con  toda  a información da  que  se dispón  ata o momento.

A  partir  de  hoxe, 31 de  marzo, e ata  o  2  de  abril  celebraranse vía  telemática as  xuntas  de  avaliación  dos  grupos de  ESO   e  de 1º  de  bacharelato. Avaliaranse  unicamente  os  contidos  traballados  durante as  clases  presenciais  realizadas  ata o  12  de marzo pois  a  asistencia  ao  centro    o  día  13  foi  opcional para  o  alumnado.

As  notas  comunicaranse  o  venres  3  a  partir  das  12 h. a  través  da  aplicación  abalarMóbil (desde  aquí  pode accederse  a  un  manual  no  que  se  explica  como  descargala  no  caso  de  que  algunha  familia  non  o  fixera  aínda).

Despois  do  período  vacacional  de  Semana  Santa dará  comezo  a  terceira  avaliación, na  que, cando menos  no  seu  inicio, se  continuará  a  traballar  de  forma  telemática.

No  día  de hoxe, 25 de  marzo, na  Conferencia  Sectorial  de Educación acordouse  de  forma  xeneralizada  manter  o  calendario  escolar. Na  xuntanza  consensuouse  o aprazamento  da  ABAU, que  na  convocatoria  ordinaria  se  situará  entre  o  22  de  xuño  e o 10 de  xullo  e  na  extraordinaria  antes  do  10  de  setembro. Desde  aquí  pode  accederse  a toda a información  que  actualmente  hai   respecto  a  este  tema.

Así  mesmo, acordouse  no  Congreso  a  prórroga  do  estado de  alarma  ata  o  24  de maio. Ata  entón   continuaremos  atendendo  ao  alumnado  e  ás  familias por  vía  telemática.

Igaxes, ONG  coa  que  o centro  vén  traballando  estreitamente, abre  un  canal  de  atención  a familias para  dar resposta  ás  posibles  consecuencias  que  este  estado  de  emerxencia  poida  estar  provocando  no  ambiente  familiar  ou  no  benestar da  mocidade  e  na  súa  saúde  emocional. Desde  Igaxes  séguese  prestando  apoio  vía  telefónica  e  telemática  aos  mozos  e  mozas  que  forman parte  dos  seus  programas. Agora poñen  en  marcha  un  canal de  atención  aberto  a  todas  as  familias  con  fillos  e fillas (sexa cal  sexa  a súa  idade)  durante  a emerxencia. Desde aquí  pode  accederse  ao  contacto.

Do  mesmo xeito, ASEIA (Asociación  para  a  Saúde  Emocional  na  Infancia e  Adolescencia)  mentres  dure o  estado  de  alarma  pon  en  marcha  un  Servizo  de primeiros  auxilios  emocionais para  adolescentes  entre  12  e  18  anos  e  coidadores  de  nenas  e nenos  de 0 a 11  anos  cuxo obxectivo  é  dar  apoio  emocional  e orientación  psicolóxica, social  e  educativa  a  aqueles  menores,  e  aos  seus  coidadores,  que  se  atopen  en  dificultades  de desbordamento  emocional  derivadas  da  situación  de  distanciamento  social  a  causa do  estado  de  alarma  decretado  pola  pandemia  do COVID-19. Desde  aquí  pode  accederse  á  súa  web  con  todos  os  datos  de contacto.

En  cumprimento do RD463/2020 do 14 de marzo, polo  que  se  declara o estado  de alarma para a xestión da situación de crise sanitaria ocasionada polo COVID-19 o instituto estará pechado. O profesorado está a traballar desde o seu  domicilio e utilizando medios telemáticos para comunicarse.

O alumnado consultará a páxina web do IES nas seccións destinadas aos distintos departamentos  didácticos e a  Aula  virtual, onde  poderá  atopar  as  tarefas para realizar durante este período. Empregarase tamén abalarMóbil para manter un contacto fluído coas familias.

O  teléfono  de  contacto  do centro  para  urxencias  é o  717 701 075  de  10:00 a 13:00 h.

O presidente da Xunta de Galicia comunicou a súa decisión de pechar os centros educativos de Galicia desde o vindeiro luns, 16 de marzo, con carácter oficial, e de xeito recomendado desde mañá venres, 13 de marzo  ata o 24 de maio. Suspéndense, polo tanto, a actividade lectiva presencial  e as actividades complementarias e extraescolares.

Polo momento, non dispoñemos de máis información; non obstante daremos cumprido aviso de calquera novidade.