IES do Milladoiro

O grupo "1,2,3 Milladoiro", que participou na segunda xornada do Club de debate celebrada onte, día 6 de abril, gañou o terceiro premio e o pase á final que se vai celebrar en Pontevedra no mes de maio.

Gabriel Blanco, Enid Alonso e Nacho Molina tiveron que afrontar o debate sen dúas das persoas que tamén conformaban o grupo, pero que estaban de baixa: Carmen Paredes e Sergio Mella.

Enfrontáronse ao alumnado de 1º de Bacharelato do IES Sánchez Cantón e ao de 4º ESO do Colexio Sagrado Corazón de Praceres. 

O xurado fixo unha mención especial para o noso alumno Nacho Molina. Parabéns!