Novas

Na convocatoria de setembro das probas de acceso a Universidade o alumnado do noso centro acadou o 100% de aprobados. Parabéns a toda a comunidade educativa.

O xoves, 9 de outubro, en horario de 10:45 a 11:35 horas,  o debuxante de cómic, Fran Bueno, gañador do último premio “Castelao” ofrecerá unha charla no noso centro aos alumnos/as do Bacharelato de Artes (1º e 2º) e os alumnos/as de plástica de 4º ESO. O acto, organizado polo Departamento de Plástica, terá lugar na aula de usos múltiples do centro.

Alumnado do noso centro correspondente aos cursos de 4º ESO, 1º BAC e 2º BAC realizarán unha visita o vindeiro martes, 23 de setembro, en horario de mañá e tarde, á nova edición da Feira do Moble da Estrada. Durante a mesma os alumnos/as asistirán a dúas charlas sobre “cooperativismo” e “atención ó cliente” e percorrerán parte da exposición. A actividade forma parte da programación do Departamento de Economía.

O Claustro de profesores e toda a Comunidade Educativa rexeita a supresión de prazas no IES Manuel García Barros.

Máis información en La Voz de Galicia e en El Faro de Vigo.

As ANPAS locais a través de FESANPAS tamén apoian a nosa reivindicación. (Noticia no Faro de Vigo)

A volta dos/as alumnos/as que foron de excursión a Roma retrasouse debido a unha folga de controladores. El Faro de Vigo deu conta do suceso.

No Festival Internacional de Cinema Jove de Valencia a curta “Te Pillé” dirixida polo alumno de 2º do bacharelato de artes Abel Carbajal obtivo a “mención especial do xurado á mellor produción”. Parabéns polo éxito acadado.

O vindeiro xoves, 19 de xuño, a actividade docente normal sufrirá modificacións por mor da celebración do fin de curso 2013-2014. Entre outras desenvolveranse as seguintes actividades: proxección da curtametraxe “Te pillé”, simultáneas de xadrez, finais de fútbol-sala e tenis de mesa e, para rematar, actuacións musicais. Agardamos que teñades todos/as unha boa xornada de goce e convivencia neste final de curso.

A profesora de Bioloxía do centro, Magaly Barreiro, impartirá unha charla sobre a Antártida na que exporá aspectos científicos e curiosidades deste continente acompañándoos de imaxes das súas viaxes.  A actividade terá lugar na sala de usos múltiples do centro o vindeiro xoves, 19 de xuño. Vai dirixida ao alumnado de 1º da ESO.

Os alumnos/as de Bacharelato viaxarán a capital italiana. A saída terá lugar o sábado, 21 de xuño, do aeroporto de Lavacolla (Santiago de Compostela) ás 14:00h. O regreso está previsto para o mércores, 25 de xuño. Estarán acompañados polos profesores Mariano Casas e Xoán Xosé Pérez. Se desexas unha información máis completa da viaxe consulta o “planing” nesta ligazón.

O vindeiro martes, 17 de xuño, en horario approximado de 08:45 a 20:30, terá lugar unha saída do alumnado de 2º e 3º da ESO. A actividade, organizada polo departamento de Xeografía e Historia, desenvolverase segundo o seguinte programa:
- Visita ao Museo Massó no concello de Bueu.
- Saída cara o porto de Cangas para embarcar con destino ás illas Cíes
- Visita guiada por este espazo protexido pertencente ao Parque Nacional das Illas Atlánticas de Galicia.

Finalizada as distintas fases do Campionato de Xadrez 2013-14, os alumnos/as que disputarán a final son: Martín Mato Búa  e Iago Couceiro Garea, ámbolos dous de 1º de bacharelato. As partidas terán lugar nos recreos a partir do mércores, 11 de xuño. Terán lugar dúas partidas alternándose a saída con brancas. Se houbese empate disputaríase unha máis. Pódese asistir á final sempre que se respecte a concentración dos xogadores.

Nas primeiras semanas do mes de xuño tiveron lugar unhas saídas culturais a capital de Galicia organizadas polo departamento de Relixión e o de Xeografía e Historia, destinadas a alumnos/as de 2º e 3º da ESO, nas que se visitaron os tellados da Catedral e o Museo do Pobo Galego.

No inicio do vindeiro ano escolar, os/as alumnos/as de 2º de bacharelato de artes plásticas comezarán o curso pisando forte, debuxando e pintando en gran formato na "pinacoteca" do CEIP do Foxo. Alá iremos o vindeiro día 11 de xuño, invitados polo propio centro para unha primeira toma de contacto.

Se desexa máis información, prema aquí.

O vindeiro xoves,  5 de xuño, en horario de 8:45 horas a 14:25, os alumnos/as de 3º ESO da materia de Relixión visitarán a cidade de Santiago de Compostela. A actividade, organizada polo departamento de Relixión, desenvolverase segundo o seguinte programa: visita guiada ao Museo do Pobo Galego e percorrido polo Centro Histórico da cidade..

Os/as pais/nais do novo alumnado para o vindeiro curso 2014-2015 están invitados a unha reunión na sala de usos múltiples do Centro o mércores 4 de xuño ás 17.00 horas.

Será unha primeira toma de contacto na que se poderán comentar normas e aclarar dúbidas.