Skip to Content

A NOSA corrobora a teoría de Einstein sobre a relatividade

A NOSA

SANTIAGO / A VOZ 21/06/2019 05:10 H

Visita ao museo arqueolóxico da Terra Santa e a exposición Leonardo Da Vinci

O sábado 22 de xuño realizouse unha visita ao museo arqueolóxico da Terra Santa e a exposición Leonardo Da Vinci, aberta a toda a comunidade educativa: profesorado, persoal non docente, alumnado e familias.

Día mundial da música e da danza

Os departamentos de música e de educación fisica organizaron o dia 21 de xuño, día mundial da música e da danza, unha serie de actuacións nas que non podía faltar a actuación da orquesta escolar integrada por estudantes de 1º de bacharelato que nesta ocasión interpretaron un tema de A. Ketelbey “O mercado persa“. Alumnado de distintos cursos participou nun espectáculo de Acrosport, deporte acrobático-coreografico e un flashmob.

Pódense ver fotos na seguinte ligazón Fotos

Festa para rematar: DJ Suso Flores

E para rematar as actividades deste curso, estivo connosco Suso Flores un dos DJs máis reputados nas salas londinienses que fixo unha escapada para achegarse ata o noso centro. O compositor de Techno para meniños deixounos unha boa mostra da súa profesionalidade e do seu traballo nun set que preparou para a ocasión. Aquí unha foto xusto nos inicios.

Presentando a música de Vudú

O xoves 20 de xuño xa en plena recta final de curso tivemos a inmensa sorte de recibir no noso centro a Belém Tajes e Maritxinha, as dúas integrantes de Vudú. Grazas á colaboración da Fundación Paideia coñecemos o seu traballo musical baseado na tradición pero que tenta chegar a un público o máis diverso posible. Marabilla.
 

Mención especial no “IX Concurso Incubadora de Sondaxes e Experimentos”

Un grupo de catro alumnos e alumnas de 2º da ESO do noso centro acaba de recibir unha MENCIÓN ESPECIAL no “IX Concurso Incubadora de Sondaxes e Experimentos” organizado pola Sociedade Galega para a Promoción da Estatística e Investigación de Operacións (SGAPEIO) na Categoría: 1º- 2º da ESO.

A nosa participación foi cun proxecto chamado: “Hai violencia ou acoso escolar no meu instituto?”

O martes 18 de xuño fomos á entrega de premios que tivo lugar na facultade de Matemáticas da Universidade de Santiago (USC), onde disfrutamos da exposición dos traballos finalistas, dun pequeno ágape e compartimos sensacións cos demáis premiados.

Pódense ver fotos na seguinte ligazón Fotos

Ligazón ao facebook de SGAPEIO

Calendario de fin de curso 2018-19

Achegamos no ficheiro adxunto o calendario de fin de curso 2018-19, onde se concretan as datas de avaliacións, reclamacións e as datas preferentes de matrícula para os distintos niveis.

Coa lingua na BBC

O luns 19 de novembro de 2018 visitounos no centro a xornalista galega da BBC Inma Gil. Podedes recordalo aquí. E como auténtica activista galega en Londres, lanzoulle como reto ao alumnado de 1ºBACH a posibilidade de que incorporaramos subtítulos a algúns dos vídeos do proxecto BBC Ideas que coordina para o medio inglés. E velaquí vos deixamos a primeira mostra. Activádelle os subtítulos en galego e a desfrutar. Grazas Inma pola idea e grazas Ana e rapazada; agardamos poder ampliala.

Just Dance. Móvete Baila Xoga

O departamento de educación física organizou no segundo recreo dos luns e dos mércores do terceiro trimestre sesións do popular xogo Just Dance, no que o alumnado bailou ao ritmo do coach da pantalla.

Tres centros escolares de Trabada, O Bolo e Santiago gañan o concurso ‘Faite eco do lóxico’

CRAEGA

Estudantes de 1.º de ESO do noso centro obtiveron o premio da categoria de secundaria no concurso ‘Faite eco do lóxico’ organizado polo Consello Regulador de Agricultura Ecolóxica de Galicia (CRAEGA), participaron co título Consome ecolóxico, no que relatan nun vídeo as características deste tipo de produto e o seu sistema de produción.

Enlace á páxina de CRAEGA

Simulación de excavación arqueolóxica no centro

O día 10 de xuño o alumnado de 1.º ESO realizou unha simulación dunha excavación arqueolóxica no centro.

Pódense ver fotos na seguinte ligazón Fotos

 

IV Premio Ofelia Devesa de Educación Activa. Acto de entrega do premio. Programa

12.30. Actuación musical.

12.40. Apertura do acto, coa intervención da Dra. (Pilar Tobar). O alumno Leo Espiña fai a presentación de D. Carlos Lema Devesa.

12.45-13.15. Charla de D. Carlos Lema Devesa. "A publicidade discriminatoria da muller".

13.15. Actuación musical.

13.20.

Un grupo de profesores/as lituanos visita o noso centro

O día 4 de xuño estivo no noso centro un grupo de profesores/as de ensino primario, secundario e superior de Lituania, o obxectivo da visita era coñecer a fase de prácticas do "Máster Universitario en Profesorado de Educación Secundaria Obrigatoria e Bacharelato, Formación Profesional e Ensinanzas de Idiomas" que se desenvolve nos  centros de secundaria. Tamén aproveitaron para coñecer as instalacións e as distintas actividades que se desenvolven no centro, así como a estrutura do noso sistema educativo.

Árbore pitagórica - ΠΥƟATOPIKÓN ΔÉNAPON

O alumnado de 1º ESO traballou o teorema de Pitágoras construíndo unha árbore Pitagórica.

A Árbore de Pitágoras é un plano fractal construido a partires de cadrados inventado polo profesor Albert E. Bosman en 1942. Leva o nome do matemático grego Pitágoras xa que en cada unión de 3 cadrados, fórmase un triángulo rectángulo nunha configuración tradicional utilizada para representar o teorema de Pitágoras.

A construcción da árbore de Pitágoras comeza cun cadrado, sobre este cadrado constrúense dous cadrados, cada un reducido á metade do anterior de forma que as esquinas dos cadrados coincidan dous a dous.

Desta forma, vemos que o cadrado maior ten como área a suma das áreas dos dous cadrados pequenos, así que pódese ver claramente que: h² = a² + b²

Club de lectura: Artigos de investigación.

Durante o 2.º recreo dos mércores de novembro de 2018 a maio de 2019 o club de lectura realizou lecturas e comentarios en grupo de artigos sobre: Ötzi, o home de Hauslabjobch, o  mundo das momias e os mitos do cine, o interior das pirámides, o estudio da Atlántida a través da arqueoloxía, os celtas en Hispania, a muller e a infancia na arqueoloxía, mulleres na arqueoloxía (lectura dun artigo da conferenciante Celtia Rodríguez).

Distribuir contido


by Dr. Radut