Skip to Content

Convocatoria do fondo solidario de libros de texto e axudas para o curso escolar 2020/2021

 As familias poderán solicitar a partir de mañá as axudas para a adquisición de libros de texto e de vales para material escolar, ou ben participar no Fondo Solidario de Libros de Texto.

Achégase a Orde do 12 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2020/21.

Recollida de material

As familias do alumnado que deixou material no instituto e desexen recollelo, deberán enviar un correo electrónico ao centro coas seguintes indicacións:

O correo debe poñer como  asunto: RECOLLIDA MATERIAL_nome-do-alumno. Calquera outro correo con outra indicación no asunto non se terá en conta.

No corpo do texto debe constar:

  1. Nome da alumna/do alumno, curso e grupo.
  2. O material deixado no centro, o máis especificado posible (no caso de libros: A materia, se o libro é de fondo libros ; no caso de cadernos: Cor, forma e tamaño)
  3. A ubicación concreta do material (número de casilleiro de ser o caso;  mesa ou lugar concreto da estantería en caso de estar nunha aula). Isto é especialmente importante, porque, desinfectado o centro, só accederá a buscar o material o persoal do mesmo. Só se entregará o material que poida ser localizado.
  4. Só se entregará material identificado co nome do alumno/ da alumna


O IES poñerase en contacto  cos solicitantes de recollida de material para determinar cando poderá ter lugar.
 

Incorporación ás clases presenciais do alumnado de 2º de Bacharelato

Informamos ás familias e ao alumnado de 2º de Bacharelato que, seguindo instrucións da Consellería de Educación, Universidade e Formación Profesional, a partir do vindeiro luns 25 de maio, e sempre que se pase á fase 2, este alumnado poderá reincorporarse ás aulas. Este regreso será completamente voluntario e non se impartirá contido que non se facilite tamén no seguimento a distancia, polo que non haberá diferenzas entre a formación persoal e a distancia.
Con obxecto de organizar o retorno con garantías de seguridade necesitamos saber de antemán qué alumnado ten previsto volver ao centro a partir do 25 de maio. Polo tanto, se o/a alumno/a vai asistir ao centro a partir desa data é preceptivo que nos envíen un correo electrónico, antes do martes 19 de maio, á dirección ies.arcebispo.xelmirez.2@edu.xunta.gal para comunicalo.
Dado que é posible que non poida manterse a distancia de seguridade en todo momento, durante a permanencia no centro será obrigatorio o uso de máscara.

Reanudación de prazos administrativos

A partir do vindeiro 11 de maio o centro volve abrir para xestión de procedementos administrativos. En particular, atenderanse trámites de admisión de alumnado, certificados e outros procedementos urxentes que non poidan ser xestionados telematicamente.

Admisión de alumnado

Con respecto a admisión de alumnado, o novo prazo de entrega de solicitudes é dende o 11 ao 18 de maio, ambos incluídos. Lembrásmolle ás familias que este trámite tamén pode ser realizado desde o portal da Consellería de Educación, Universidade e Formación Profesional.

Todo o alumnado que fixo reserva nos centros adscritos está admitido.

Presentación de solicitudes - Impresos

Prazos

 -Vacantes para admisión

Información ás familias sobre o desenvolvemento da 3ª avaliación

No arquivo que se xunta informamos ás familias sobre a forma na que se vai desenvolver a 3ª avaliación, de acordo coas instrucións de 27 de abril da Consellería de Educación, Universidade e Formación Profesional e das directrices do Ministerio de Educación y Formación Profesional (Orden EFP/365/2020 de 22 de abril, BOE de 24 de abril de 2020).

Para calquera aclaración ao respecto, poden contactar co centro nos teléfonos 604031798 ou 881867055 (de 10:00 a 13:00) ou no email ies.arcebispo.xelmirez.2@edu.xunta.gal.

 

 

Modelos de exames para as ABAU 2020

A CIUG (Comisión Interuniversitaria de Galicia) vén de publicar na súa páxina web modelos de exames para as ABAU 2020, adaptados á situación actual de pandemia por coronavirus.

Cualificacións da 2ª avaliación

Infórmase ao alumnado e ás súas familias que as cualificacións da segunda avaliación sairán publicadas en abalarmobil o vindeiro venres día 3 de abril ás 10:00 h. Se algunha familia aínda non ten instalada a aplicación, poden atopar axuda para a súa descarga e instalación na web do espazo abalar e teñen tamén á súa disposición unha guía de uso na mesma web.

En caso de dúbida ou para solicitar  aclaración ou máis información respecto a algunha cualificación poden poñerse en contacto co/coa profesor/a por medios telemáticos ou, de non ser posible esa opción, enviar un correo electrónico a ies.arcebispo.xelmirez.2@edu.xunta.gal ou chamar aos teléfonos 881867055 ou 604031798 en horario de 10 a 13 h.

Información importante para 2º Bacharelato

Informamos ao alumnado de 2º de bacharelato e ás súas familias que de momento aínda non hai publicadas instrucións ou resolucións específicas sobre como vai ser a evolución do curso unha vez remate a suspensión das clases ou sobre datas e formas de realización da ABAU. Esta proba está adiada sine die. É moi importante, por tanto, que o alumnado siga coas súas tarefas a distancia para manter o ritmo de traballo e estar preparados para afrontar de forma satisfactoria o que quede de curso unha vez reincorporados ás clases.

Manterémolos informados cando surxa algunha novidade ao respecto.

ATENCIÓN AO PÚBLICO DURANTE O ESTADO DE ALARMA

En consonancia coas medidas adoptadas trala declaración do estado de alarma, a atención ao público non será presencial, e farase de maneira telefónica, a través dos números 881867055 ou 604031798, en horario de 10 a 13, ou na dirección de correo electrónico ies.arcebispo.xelmirez.2@edu.xunta.gal

Tódolos trámites administrativos están suspendidos e adiados, incluído o proceso de admisión de alumnado.

Se algunha alumna ou algún alumno dese positivo na proba de coronavirus, deberá ser inmeditamente comunicado ao centro a través dos medios citados.

A titorización online do alumnado está nalgúns casos terminando de ser deseñada. Se nuns días aínda non teñen instrucións ao respecto, póñanse en contacto co centro.

As matemáticas do coronavirus

 19/03/2020

 

O seguinte vídeo está en inglés, se non dominas este idioma, activa os subtítulos en castelán 

12/03/2020

Se estás pensando en que vas estar dúas semanas de vacacións le o seguinte artigo:

¿Cómo se compara el coronavirus con la gripe? Los números dicen que es peor

Se tomamos como índice reproductivo da gripe 1,45 o número total de enfermos na fase n sería 10·1,45^n e se tomamos o do coronavirus como 2,7 o número total de enfermos na fase n sería 10·2,7^n. O índice do coronavirus é aproximadamente o dobre do da gripe pero ao ser unha función exponencial, o número de enfermos por coronavirus aumentaría moitisísimo máis que por gripe.

Ainda que a taxa de mortalidade do coronavirus sexa menor que o da gripe, o número de mortos absoluto sería moito maior porque haberá moitos máis enfermos.

SUSPENSIÓN DAS CLASES

O IES Arcebispo Xelmírez II lembra a toda a comunidade educativa que a Xunta de Galicia decretou a suspensión da actividade lectiva a partir do vindeiro luns 16 de marzo, durante 14 días, e  recomenda a non asistencia ás aulas xa mañá venres 13 de marzo.

Tendo en conta que a decisión da Consellería obedece a motivos de saúde pública, e que toda ausencia mañá por parte do alumnado ten o carácter de xustificada, a recomendación prevalece sobre a realización de exames, probas ou exposicións. A non asistencia ás aulas non terá en ningún caso repercusión negativa na avaliación do alumnado.

Charla: O valor da igualdade

O venres 28 de febreiro de 2020 a Medalla de Ouro en Kata, Para-Kárate, a galega Cristy Tojo estivo no noso centro para falar co alumnado de 4.º ESO e co de Valores Éticos de 3.º ESO sobre “O valor da igualdade”.
Cristy achegouse ao alumnado con frescura, sinxeleza e xenerosidade para compartir a súa visión dos graves problemas de desigualdade que hai na nosa sociedade.

Cristy Tojo

O núcleo da charla centrouse nas desvantaxes que teñen para practicar e competir as persoas con discapacidades.

A partires de aí, con exemplos concretos da súa propia vida e da súa contorna (que é a nosa: creceu en Negreira, fundou o seu propio club en Santiago de Compostela e adestra na nosa cidade sen ter apoio institucional), foi contando e explicando como a discriminación (por exemplo do colectivo LGTBIQ) é unha violencia, como a invisibilización é unha violencia (por exemplo das persoas con discapacidades que compiten e que gañan medallas), como, en fin, o importante é vivir en harmonía e paz sen molestar ás demais persoas polo seu cor de pel, ou por a quen aman, ou por ter distintas capacidades que a media, ou …

Admisión alumnado 2020/2021

- Lexislación

- Presentación de solicitudes - Impresos

- Prazos

- Baremo e letras desempate

 -Vacantes para admisión

Todo o alumnado que fixo reserva nos centros adscritos está admitido.

Joseba Muruzábal e as avoas heroínas

Hoxe estivo co alumnado de Educación Plástica no noso centro o artista plástico Joseba Muruzábal. Sen dúbida, é un dos artistas máis importantes do momento ao encher as nosas vilas e cidades coas nosas avoas ás que dota de superpodes. Hoxe soubemos de como se xesta toda ese traballo.

Joseba

Visita: FINSA

O 20 de febrero os alumnos de economía de empresa visitaron a FINSA-Santiago para coñecer de primeira man a realidade empresarial.  A visita transcorriu por cada unha das fases do proceso de elaboración de taboleiros e mobles, mediante unha audioguía. Finalmente os responsables de RRHH e Xestión mostraron ao nosos alumnado diversos aspectos coma a formación requerida para cada posto de traballo así coma aspectos da xestión propia dunha empresa de gran tamaño.

Agradecendo a atención prestada, especialmente a Beatriz Sanchez del Rio da Area de personal, esperamos poder volver noutra ocasión. 

FINSA

Distribuir contido


by Dr. Radut