Blogues

A profesora de música Carmela Cobo acompañou, como cada ano, ao alumnado do IES Arcebisppo Xelmírez II aos Concertos Didácticos programados no Auditorio de Galicia, concebidos e destinados específicamente para un público xoven. Valora estes concertos como accións educativas excepcionais na medida que permiten achegar ao alumnado á música nunhas excelentes condicións de interpretación  producción, utilizando ademáis procedementos didácticos adecuados.

O alumnado de 3º e 4º da ESO do I.E.S. Arcebispo Xelmírez II participou esta mañán na primeira fase do OBRADOIRO DI K NON para a prevención do consumo de drogas en adolescentes. Este obradoiro, patrocinado pola Fundación Barrié, correu a cargo do personal da Unidade Terapéutica Educativa (UTE) do Centro Penitenciario de Teixeiro.

Un ano máis a aposta do IES Arcebispo Xelmírez II por promocionar o Deporte entre o noso alumnado, coa fin de contribuir ao desenvolvemento dunha xuventude activa e saudable, viuse compensado por un novo galardón no eido deportivo. Na 37 edición da carreira pedestre popular, organizada polo xornal El Correo Gallego, o noso centro acadou un honroso 4º lugar na clasificación. Algúns dos nosos alumnos e alumnas estiveron entre os mellores clasificados.

A alumna Raquel González Tojo, primeira clasificada do centro, recollendo o seu premio.

O coordinador da Biblioteca, Manuel Amor, e o profesor Jorge González acompañaron ao alumnado de 1º ESO A á Biblioteca Pública Ánxel Casal. O obxectivo e proporcionarlle aos nenos e nenas -en moitos casos- un primeiro achegamento á biblioteca, á súa estrutura e ao seu funcionamento. Búscase potencionar as liñas de cooperación entre a Biblioteca Pública e o Centro Escolar coa fin de contribuir á formación de futuros lectores e usuarios dos diferentes servizos que ofrecen as bibliotecas.

Cada inicio de curso, o profesorado responsable das titorías, procura estratexias e recursos diversos para facilitar o achegamento nas relacións do alumnado e a súa integración en cada un dos grupos-aula. Javier Suárez, profesor de Educación Física e  titor de 4º B da ESO, tratou de conseguir este obxectivo a través dunha actividade orientada ao coñecemento da contorna física e natural da cidade a través do sendeirismo.

Máis información en páxina Departamento Educación Física..

ALUMNADO 2ª Bacharalato (Historia da Filosofía)

OBXECTIVOS HISTORIA DA FILOSOFÍA

OB02: Recoñecer as cuestións que ocuparon permanentemente a filosofía ao longo da súa historia e relacionalas con temas traballados en filosofía e cidadanía, utilizando con propiedade os conceptos adquiridos.

OB08: Debater temas de actualidade en relación cos contidos da materia, fundamentando racionalmente a propia postura, recoñecendo as achegas doutras persoas e illando os prexuízos infundados.

OB09: Valorar o coñecemento do pasado como unha achega continua de elementos que contribúen á comprensión do presente e á planificación do porvir.