Skip to Content

Podes atoparnos en...

             

Club de ciencia Blog

Clausura CdC+Sustentabilidade 21/22

Para clausurar o proxecto CdC+ Sustentabilidade decidimos conmemorar o Día Mundial do Medio Ambiente cunha exposición de fotos das actividades, resultados das investigacións, artigos de prensa, audiovisual, prototipos e maquetas. Todo o traballo está resumido nesta presentación, que engloba as 3 liñas de actuación:

  • Boihaus: estudo das nosas vivendas, prototipo urbanístico do Boiro do futuro e máquinas de movemento perpetuo para posibilitar as enerxías alternativas; Redes de abastecemento e saneamento de auga; A Casiña dos maios: bioconstrución e saúde, restauración e pintura da fachada.
  • Boiro é un organismo vivo: plantas invasoras, limpeza de lixo na praia, dioramas de ecosistemas; procura de novos antibióticos e microalgas; Ciencia cidadá: radon e micropláticos.
  • Divulgación: Paseo de Jane para reivindicar o espazo urbano e describir as investigacións elaboradas no curso; Mercado intercambio de segunda man (15 marzo); Charlas IFGAE e Hidróxeno verde; Genially de Wolframio no Barbanza.

BoiHaus 2021/22

Aquí tedes algunha das biovivendas que proxectou o alumnado de 3ºESO na materia Tecnoloxía para o proxecto CP Sustentabilidade/ CdC

 

Reparacións e melloras na Casiña dos Maios

Nos últimos días deste curso procedimos a restaurar desperfectos na Casiña, aplicando novas capas de adobe e cal. Ademais, organizado pola profe de Plástica María Magán, fíxose un deseño de pintura para os exteriores que foi levado a cabo polo alumnado de 3º.

Nas semanas anteriores traballamos na contorna plantando aloe veras, unha planta con noitas propiedades medicinais.

 

 

Wolframio no Barbanza. Equipo CdC 1º

Gabriela, Carmen, Sara, Natasha, Mencía, Noa, Iago e Óscar que forman parte do equipo do CdC de 1º fixeron este Genially creando unha presentación interactiva sobre o Wolframio no Barbanza.

 

Charla Hidróxeno verde. Equipo CdC

O venres 20 de maio, tivemos a última charla deste curso sobre o Hidróxeno verde de mans de Cristal Fernández Gómez, consultora do sector das enerxías renovables da multinacional Worley. O equipo de CdC adquiríu novos coñecementos  do hidróxeno verde, a súa producción a partir da electrólise da auga, para que serve, por qué están todos os países nunha carreira por desenvolver políticas e proxectos ó respecto, as súas vantaxes e desvantaxes.

 

Clausura proxecto Micromundo. Equipo CdC 4º

O vindeiro 13 de maio ás 18:00h da tarde no salón Nobre do Pazo de Fonseca en Santiago, o noso equipo CdC 4º asiste xunto con outros 3 centros de Secundaria, á clausura e entrega de diplomas do proxecto Micromundo. Aceptamos a invitación de seguir co proxecto para o vindeiro curso.

Distribuir contido


by Dr. Radut