Club de ciencia Blog

Este martes dende o club de ciencia levamos a cabo dous grandes retos co alumnado de 2º ESO. O primeiro reto, para comprobar como un cambio de presión fai que o ovo entre nunha botella, chegando á conclusión de que o bico da mesma era demasiado pequeno pero a presión fixo, sen dúbida, o seu traballo. E o segundo reto era… facer que a botella se valeirase en cinco segundos ou menos. Conseguimos 4,84 segundos forzando un pequeno tornado. Non estivo nada mal.

Explicamos varios tipos de trampas para a captura da avispa asiática para que o alumnado elixira a que máis lle gustara, dando instruccións para a súa construción a partir de botellas recicladas de plástico e como deben utilizarse para que sexan efectivas contra este insecto invasor. Trampas que se colocarán agora nos meses de abril e maio para capturar as raíñas das avispas velutinas antes de que formen o seu niño e evitar futuras colonias. Colgaranse nos arbustos e árbores con flor (azaleas e camelias) co líquido para atraelas que se renovará cada 15 días. Tamén colaboraremos co Concello e SEAGA (empresa pública de Servizos  Agrarios Galegos S.A.) para localizar puntos estratéxicos para o trampeo de velutina nas proximidades do río Breiro e no parque da Cachada e a súa posterior colocación das trampas. Estudo que levará un reconto destes exemplares atrapados.

Despois de 15 días, no parque da Cachada a 18 de abril en 16 trampas, atrapamos 152 velutinas e colocamos novo caldo. Coa retirada das trampas a finais de maio atrapamos 62 exemplares máis. 

Un dos grupos do Club de Ciencia, Equipo CdC 3º-4º ESO formado por 10 alumnos: Iago, Cristian, Óscar, Héctor, César, Pablo, Manuel, Antón, Cristian, Rubén e 2 alumnas: Gabriela e Carla, acaban de comenzar un proxecto de investigación, nunca antes realizado no Concello de Boiro.