Skip to Content

Acceso a redes sociais

       

O club do antifás

Carballo Interplay 2019

O pasado venres 5 de abril o alumnado do obradoiro audiovisual CdA fomos a Carballo participar na programación do Festival de Contidos Dixitais CIP 2019. Coñocimos diferentes experiencias de Youtubers e escoitamos unha charla sobre mulleres desarrolladoras de videoxogos na historia. 

Sobre todo, gustáronnos un mazo as web series da tarde. Fotos da xornada

 

CIP 2019

Este Nadal, recicla, reutiliza e reduce

Para a conmemoración do Nadal (festa celta do Yulé, a chegada da Luz), deseñamos unha performance co ánimo de sensibilizar sobre o abuso de consumo de plásticos nestas datas. O acto consistiu en:

  • Instalación: mostra de 250 bolsas de algodón deseñadas e/ou customizadas polo alumnado de todo o centro. Nelas podía verse unha imaxe e un eslogan (transferidos con prancha ás bolsas) e elementos decorativos feitos a partir de materiais reciclados. As bolsas penduráronse dun sistema de tensores que montamos ex profeso para esta exposición.
  • Montaxe dunha árbore feita con botellas de plástico recicladas.
  • Instalación de alumeado de Nadal arredor das bolsas e da árbore, cun sistema de sensores para prendelo só cando se detecte presenza.
  • Exhibición dun spot de Nadal animando á reconsideración de uso de plásticos ("As Raíñas Magas reducen, reutilizan e reciclan")
  • Xogo interactivo con Kahoot sobre os plásticos, para todo o alumnado do centro.

A performance desenvolveuse o martes 18 de decembro no 2º recreo e contou coa participación de case todo o alumnado e profesorado, arrincando aplausos e risos. Ademais, o posto de Consumo Responsable funcionou ó longo de toda a semana, complementando así a mensaxe que queremos enviar ó noso alumnado.

Pequeno gran triunfo do CdA nos premios Olloboi

O venres pasado, 11 de maio, celebrouse en Boiro a IX edición do Festival Olloboi. Participabamos con 9 pezas, unha boa mostra do traballo intenso que se está a facer nas aulas, e cunha delas (Xa non atendo ó meu amito), fomos finalistas na categoría Montaxe. Estas son as imaxes da nosa participación: galería Flickr.

Pola mañá tivo lugar a Muchachada Matiné: unha experiencia que consiste en facer unha curta baseada nas explicacións que ofrece unha persoa de Boiro, e coa axuda de cineastas e as integrantes da A.C. Unión de Muchachas. Co noso instituto colaboraron Andrés Mahía (guionista, realizador e produtor con Zopilote TV) e Sandra Sánchez (directora e montadora). Da man desta última, o grupo de rapazas e rapaces de 2º (Rita, Ana, Carolina, Lara, Asier, Aitana, Brais, David, Adai) foi recoñecido ex aequo xunto ó IES Fernando Blanco, de Cee, pola peza "O paseo", unha recreación do represaliamento da concellala socialista Bríxida Muñiz. 

O premio consiste en convites para asistir á Gala dos Mestre Mateo do ano que vén.

 

Explorando ferramentas no CdA!

Levamos  xa varias docencias con Roi e María, de Agareso, dentro do proxecto deste ano (Epdlab). Subtitulamos, doblamos, gravamos Vines... a idea é  denunciar comportamentos sexistas, xenófobos, racistas, etc, dun xeito creativo. Botade un ollo no Blog CdA!

Curta sobre as Fake News

Esta curta foi creada para explicar o impato das Fake News ou noticias falsas na nosa sociedade. Este vídeo foi realizado durante o club do Antifás polos alumnos e alumnas: Alicia Piñeiro Muñiz, Aitana Lojo Romero, Brais Godón Vázquez e Lucía Fernández Casais de 3ºD e por Rubén Pérez de 4ºA.  A traducción estivo da man de Alicia Piñeiro e Lucía Fernández. Esperemos que vos guste.

 

Distribuir contido


by Dr. Radut