Skip to Content

Podes atoparnos en...

            

Última hora!

1º obradoiro de audiovisual para as redes - STARgal

Nesta última tarde do trimestre desenvolveuse en streaming o obradoiro de vídeo con Kinemaster enfocado para as redes sociais. Fíxoo Sara Hermo, exalumna e representante da asociación Olloboi, en colaboración co contrato programa STARgal. Deixámosvos aquí o material co que traballou ela, propiedade da asociación Olloboi. 

O alumnado foi facendo unhas pezas publicitarias na aula. Cando as teña rematadas publicaremos aquí as seleccionadas para cada nivel, que levarán un aro de luz para móbil. COMO PROPOSTA PARA VACACIÓNS, completamente voluntaria, lanzamos o concurso POSTAL COVIDEÑA: un vídeo en horizontal de ata 1 minuto de duración no que conten á familia que este ano non os visitou, como foi o nadal en cas cadiún :) 

 

Brinquedos e contos para o Centro de Día

Cada ano por estas datas, pero nesta ocasión con máis motivo, faise evidente a necesidade de pasar tempo de calidade en familia. De todos cantos regalos nos poidamos facer uns a outros, ningún significa tanto como o tempo compartido escoitándonos, mirándonos ós ollos, conversando, empatizando.

Traballando estes valores, o noso instituto leva uns anos colaborando co Centro de Maiores de Boiro. Xusto antes das vacacións, unha delegación de rapaces a rapazas van ó centro e botan un ratiño barullando, xogando e ata cantando coa nosa xente maior. Sempre lles fixemos algún agasallo, pero sempre trouxemos máis do que levamos: agarimo, sabiduría, raíz.

Neste curso non foi posible realizar a visita, pero negámonos a non adicarlles ese tempo. Para isto, os equipos STARgal e Biblioteca coordinaron un grupo de rapaces que prepararon un conto e montaron uns xoguetes de madeira (brinquedos), e fixemos dúas peciñas audiovisuais que lles imos mandar para que nos escoiten cerca, mesmo na distancia. 

XA TEMOS GAÑADORAS DO CONCURSO "MÁIS CA PALABRAS"

O departamento de Lingua Galega e Literatura ten o inmenso pracer de presentar as obras gañadoras do concurso "Máis ca palabras", na modalidade de videopoemas. Como ben sabedes, a temática deste ano centrouse na diversidade de xénero e no recoñecemento do colectivo LGTBIQ e as pezas gañadoras están inspiradas nos poemas de TRANSMATRIA de Daniel Asorey. A verdade é que foi realmente difícil decidirnos, dada a gran calidade de todas elas. Por este motivo, o segundo premio vai para dúas parellas ex aequo, que presentaron candansúa versión dun mesmo poema. Así que aló imos:

1º PREMIO: Serán os meus peitos de silicona. Alicia Nieto e Lucía Fernández

2º PREMIO: Amor libre. Clara Reino e Victoria León / Noemí Otero e Carla Vidal

3º PREMIO: Serpe, que divina me comporto. Rita Sánchez.

PARABÉNS ÁS PREMIADAS E A TODOS OS QUE PARTICIPASTES!!

Velaquí vos deixamos a lista de distribución de Youtube todos os vídeos 

LETRAS GALEGAS 2019

A semana pasada celebramos as Letras Galegas con actos que tiveron lugar o luns 13 e martes 14. Dado que Antón Fraguas, o autor que se conmemora este ano, adicou parte do seu traballo ó estudo da etnografía galega, o luns organizamos un obradoiro de traxe tradicional polo que pasou todo o alumnado. O martes organizouse a 4ª edición do STARgal, esa mostra-competición de audiovisual e robótica coa que pretendemos dar ás nosas Letras un matiz innovador e actual. Todo o centro pasou por 8 estacións nas que con robots, drons, videoxogos, kahoots, videopoemas e mesmo un planetario, coñecimos máis de preto a vida e obra de Fraguas. Logo dun auténtico "Banquete da Cachada" (un convivio con alumnado, profes e colaboradores do insti), organizamos xogos populares para todo o alumnado.

Dá conta do vivido este vídeo e o álbum de fotos:

 

Letras Galegas e STARgal 2019

Distribuir contido


by Dr. Radut