Skip to Content

Acceso a redes sociais

       

Última hora!

Charla de QuerEndo, Mulleres con endometriose

A asociación Mulleres con endometriose veu dar unha interesantísima charla sobre esa enfermidade silenciada que é a ENDOMETRIOSE e que vai afectar a unhas 30 alumnas das que actualmente cursan a ESO no noso centro: o 11% das mulleres no mundo. Os homes tamén a sofren, claro está, en tanto en cando convivan con nós.

 

Memorias cruzadas 2019

A semana pasada tivo lugar a primeira fase do intercambio de Francés co instituto Allain-Jacques.O alumnado francés veu a Galicia e participou en diversas actividades, entre elas unha visita á illa de San Simón, visita ao complexo prehistórico de Campo Lameiro, xogo de pistas nocturno en Santiago, visita ao museo de Castelao e tiveron charlas sobre a memoria histórica.

 

Concerto alumnado de Música

Un ano máis, o alumnado de Música deleitounos coa interpretación de varias pezas clásicas e actuais; entre as que máis gustaron, a da serie Xogo de Tronos (un tema de inspiración celta para a Roda do Ano). Maxistral, como sempre, a dirección das profes, Aurora e Clara! 

Concerto 2018

Regueifando con Manolo Maseda (5/2/18) #Máisquepalabras18

 

O día 5 de febreiro, Manolo Maseda, profesor e músico entendido no mundo das regueifas, veunos ensinar algo máis sobre esta arte tradicional, a cal está estreitamente relacionada co que actualmente son as batallas de galos.

Foi un obradoiro moi ameno; primeiro, catro alumnos sairon voluntarios a exhibirse “batallando" e logo “regueifando". Despois diso, Maseda comentounos algunha que outra diferenza entre estas dúas dinámicas. Para rematar o obradoiro dunha forma divertida, Manolo fixo co acordeón unha instrumental para que alumnos e profesores puidesemos sacar os nosos dotes regueifeiros. Pasámolo moi moi ben!

Lois Cespón

No álbum do Flicker hai imaxes e vídeos, bota un ollo!

Eva Mejuto, a escritora co alumnado 2ºESO (27/2/18)

O martes, 27 de febreiro veunos  visitar Eva Mejuto, a autora do libro 22 segundos. O encontro foi no salón de actos da Cachada. A autora contounos como foi o proceso de creación desta novela, dende que comezou o libro ata que o rematou. Neste libro trátase o tema da transexualidade e falounos das vivencias de moitos rapaces e rapazas trans que están a experimentar este proceso. Para o seu libro, Eva  inspirouse nun rapaz que ela coñece chamado Marcos. Ensinounos cousas sobre a vida, fixémoslle algunha que outra pregunta e finalmente adicounos os libros. Pasámolo moi ben e estivemos un rato moi agradable xuntos e aprendendo.

Distribuir contido


by Dr. Radut