Para o proxecto do curso 2015/16 temos o orgullo de que contaran co noso centro nun pioneiro proxecto denominado EpDLab, unha proposta que financia a Consellería de Educación e desenvolveron a empresa Gingko e a ONG Agareso. Acompáñannos na aventura os institutos de Viana do Bolo, Ames, A Guarda e Navia de Suarna.
Da súa man traballaremos no EpDLab cos novos formatos audiovisuais (memes, vine, contrapublicidade, subtitulado, falso documental, etc) relacionados con temas da educación para o desenvolvemento: igualdade, cultura colectiva, racismo, sexismo, ecoloxía, etc.
Ó longo de todo o curso experimentamos cos diferentes formatos audiovisuais propostos, e dá conta de todo proxecto a páxina web EpDLab (tiñamos unha compilación de fotos e vídeos en Blogaliza, pero deixou de funcionar o 25 de abril do 2018, lamentablemente).
Deixámosvos cun vídeo que elaboraron en Gingko para resumir a actividade do curso:
Versión para impresora
