Skip to Content

CdA 18

O traballo do CdA do curso 2017/18 entregouse á colaboración cos Proxectas TÍCaras e Alimentación Saudable, e á filosofía de A roda do ano: un repensamento dos nosos hábitos de saúde e ocio, e unha declaración de intencións respecto á volta á natureza.

Este macroproxecto fixo que organizáramos o curso en torno ás 8 festividades celtas, en cada unha das cales colaboramos ou ben na produción ou ben realizando pezas audiovisuais:

  • Samaín: promovimos a elaboración das CURTAS ARREPIANTES, pezas de medo en torno á temática redes sociais que se exhibiron nos recreos da última semana de outubro.
  • Yule: fixemos un pequeno spot animando a que o alumnado adicase máis tempo á xente que o rodea e menos ó consumismo propio das datas de Nadal
  • Imbolc: colaboramos na organización da Semana Sa, celebrando así o espertar da terra
  • Ostara: celebración do amor e as decisións. Aparte de gravar os obradoiros de regueifas, beatbox e videopoemas, publicamos o videoclip Xa non atendo ó meu amigo. Unha peza realizada polo grupo TÍCaras para reflexionar sobre o papel da muller ó longo da literatura galega.
  • Beltaine: mes de danzas e flores, colaboramos no deseño e construción da Casiña dos Maios, cuxa inauguración celebraremos cun videorap sobre a obra de Cunqueiro.
  • Litha: festa de apertura do verán, nela presentamos a peza creada para participar no Festival Audiovisual Olloboi 2018.

Botade un ollo!

 



page | by Dr. Radut