Skip to Content

Podes atoparnos en...

            

Blog oriéntate

DIARIO DUNHA CORENTENA

 

Estimada rapazada,

con tanto humor como seriedade, comparto esta infografía que resume claramente as instruccións da Consellería de Educación, Universidade e Formación Profesional.

 

 

Unha aperta!

DIARIO DUNHA CORENTENA

 

 

 

DIARIO DUNHA CORENTENA

Querida rapazada, 

 

O sábado 2 de maio conmemorouse o día mundial contra o bullying ou acoso escolar, para que? por que?

Pois porque segue a ser necesario  facer un chamamento ás conciencias individuais dun mal social tan noxento como é o acoso escolar.  O peor de sufrir bullying non so  é o dano psicolóxico que provoca no momento presente, senon que condiciona a personalidade que se vai ter de adulto,  chegando incluso a producir un trauma. Isto é gravísmo. Pero tamén é grave que medren personalidades que se sinten mellor canto peor llelo fan pasar ao demais. 

E os demais? Os que escoitan burlas ou insultos. Consolaranse pensando que son bromas? Que menos mal que o rollo non vai con eles!

NO. 

 

No IES A Cachada seguiremos dándolle a máxima importancia a que todos nos atopemos ben, tranquilos e acompañados. 

 

 

Póñovos dous vídeos, o primeiro, fai un chamamento aos espectadores, pero a  aqueles que se negan a ser cómplices. O segundo, pon de manifesto a marxinación. 

Venres vémonos, traio novas sobre o 3º trimestre.

 

Unha aperta!

 

DIARIO DUNHA CORENTENA

Olaaaaa!

Qe tal estas vacacións? Supoño que bastante diferente a como imaxinábades. Pero bueno, nunca peor, verdade?  Xa queda menos para poder facer unha vida normal, para poder ESTAR coas vosas mejas e mejos, demais amigos e amores, darlles un achuchón e como non, ver aos vosos crushes. 

Hoxe. 7 de abril,  día mundial da saúde, quero compartir con vos un vídeo que nos axuda a valorar o verdadeiramente importante da vida, aquelo que como xa o damos por feito non o valoramos o suficiente, A SAÚDE!

Antes de colgar o vídeo, quero rescatar a definición de saúde da OMS,  que nos ven a insistir que a saúde é  un estado de completo benestar físico, mental e social, e non somentes a ausencia de enfermidades. 

DIARIO DUNHA CORENTENA

 

Querida rapazada,

 

Levo moitos día sen escribir porque estivemos atope coas avaliacións. O equipo de profas e profes estivemos valorando a vosa situación académica e tamén persoal nunha reunión virtual para poder tomar as mellores decisións posibles. Ser xustos nesta situación non é fácil, entre outras cousas, porque non tivéchedes opción de facer todas as  probas previstas. Pero nós, temos que seguir as ódenes da Consellería de Educación e Ordenación Universitaria ao igual que todos os centros educativos da comunidade.

 

Para o 3º trimestre, a cousa cobra maior importancia, trátase da avaliación final de curso ou etapa, e tendes que esforzarvos sendo contantes día a día. NON POSPOÑADES AS TAREFAS. Mantede un contacto o máis directo posible co voso profesorado.

 

Sabedes que o Concello de Boiro puso a disposición de quen o necesite a posibilidade de  impresión gratuita de fichas e apuntes necesarios para os vosos estudos durante o confinamento. Así que si precisades deste servizo, COMUNICÁDELLO AO VOSO PROFESORADO TITOR ou, se preferides, podédesmo comentar a través da miña conta de correo sabemalva@gmail.com

 

Outra nova importante para o alumnado que solicitou as probas de acceso á ciclos de grao medio é que xa saíu publicado a listaxe de admitidos. Penso que estades todos, mirade na seguinte ligazón www.edu.xunta.es/fp/webfm_send/8670

DIARIO DUNHA CORENTENA

Feliz finde camaradas,

hoxe aproveitaremos que é sábado para facer algo diferente. Propóñovos un reto, si estades nalgún grupo WhatsApp (de amigos, familiar...), acordade unha hora e enviade un selfie con algún hashtag molón sobre como vos sentides con toda esta situación que estamos a vivir. Reservádeo porque nun futuro faranos falta, e non vos conto máis.

Sabedes que  hai moitas queixas  sobre si a xestión do confinamento tivo en conta as necesidades da cativada. Vos que opinades? Hoxe ás 18.00 está previsto un aplauso por todos os peques e polos non tan peques. No cartaz que rula polas redes sociais non especifica que o haxa que facer pola ventá ou balcón, pero eu entendo que si. 

Sobre a necesidade de saír á ventá non só  para poder sentir o sol e o vento, senón para sentirnos acompañados e unidos, vai o vídeo de hoxe. Agardo que vos guste. Unha aperta!

Distribuir contido


by Dr. Radut